ប្រមុខចារកម្មរុស្ស៊ី ប្រាប់ឲ្យ អាមេរិក និងអង់គ្លេស ចុះនរក

លោក Sergey Naryshkin ប្រធានសេវាកម្មចារកម្មបរទេសរបស់រុស្ស៊ី (SVR) បាននិយាយថា សហរដ្ឋអាមេរិក និងចក្រភពអង់គ្លេស គួរតែទុកអ៊ីរ៉ង់ឲ្យនៅម្នាក់ឯង។ មន្ត្រី​រូប​នេះ​ក៏​បានលើកឡើង​ដែរ​ថា ប្រទេស​ទាំង​ពីរ ​ស្រងាកចិត្ត​ចំពោះ​ជោគជ័យ​នៃ​កិច្ច​ខិតខំ​ប្រឹងប្រែង​របស់​ចិន​ក្នុង​ការ​ផ្សះផ្សា​អ៊ីរ៉ង់ និង​អារ៉ាប៊ីសាអូឌីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងកាលពីថ្ងៃពុធ លោក Naryshkin និយាយថា លោកសូមផ្តល់ដំបូន្មានដល់អង់គ្លេសនិងអាមេរិក ឲ្យថែរក្សាជម្លោះស៊ីវិលផ្ទៃក្នុងរបស់ពួកគេ បើមិនដូច្នេះ ទៅជួបមិត្តចាស់របស់គេ គឺបិសាច នៅឋាននរកទៅ!”។

យោងតាមមន្ត្រីដដែល, ទីក្រុងវ៉ាស៊ីនតោននិងទីក្រុងឡុងដ៍ ចាត់ទុកប្រក្រតីភាពថ្មីនៃទំនាក់ទំនងរវាងអ៊ីរ៉ង់ និងអារ៉ាប៊ីសាអូឌីត ថាជារឿងអវិជ្ជមាន។ សម្ព័ន្ធមិត្ត​ទាំង​ពីរបារម្ភថា សកម្មភាព​ការទូត​របស់​ទីក្រុង​ប៉េកាំង​ក្នុង​តំបន់ ​អាច​បំផ្លាញ​យុទ្ធសាស្ត្រ​រយៈពេល​វែង​របស់​ពួកគេ​ក្នុងការ​ធ្វើ​ឲ្យ​សាធារណរដ្ឋ​ឥស្លាម​ចុះខ្សោយ។

គួរបញ្ជាក់ថា ប្រព័ន្ធផ្សព្វផ្សាយអ៊ីរ៉ង់ជាច្រើនបានរាយការណ៍កាលពីថ្ងៃអង្គារថា ទីក្រុងតេហេរ៉ង់ បានតែងតាំងឯកអគ្គរដ្ឋទូតថ្មីប្រចាំប្រទេសអារ៉ាប៊ីសាអូឌីត។

ប្រទេសទាំងពីរ បានព្រមព្រៀងគ្នាកាលពីខែមីនា ដើម្បីស្តារទំនាក់ទំនងការទូតឡើងវិញ ដែលបានកាត់ផ្តាច់កាលពីឆ្នាំ២០១៦។ ភ្លាមៗនោះ ពួកគេបានប្រកាសពីផែនការបើកស្ថានទូតរៀងៗខ្លួនឡើងវិញ។

កាសែត People’s Daily របស់ចិនក៏បានរាយការណ៍កាលពីចុងខែមេសាដែរថា កិច្ចចរចារវាងទីក្រុង រីយ៉ាដ និង តេហេរ៉ង់ ត្រូវបានពណ៌នាថាជាជ័យជម្នះផ្នែកការទូតដ៏សំខាន់សម្រាប់ប្រទេសចិន៕

ប្រែសម្រួល៖ Vann Vann

ប្រភព៖ RT

ចុចអាន៖ អាល្លឺម៉ង់ ថា រុស្ស៊ី មាន សមត្ថភាព បន្ត ប្រតិបត្តិការ យោធា នៅ អ៊ុយក្រែន យូរអង្វែងទៀត