ទាហានចិនទទួលបន្តោងសម្គាល់ថ្មីបំពាក់បច្ចេកវិទ្យាកំពូលភ្ជាប់ជាមួយបាកូដ និងឈីប

ទាហាននៅក្នុងកងទ័ពរំដោះប្រជាជនចិន (PLA) បានបញ្ចេញឧបករណ៍សម្គាល់អត្តសញ្ញាណផ្ទាល់ខ្លួនបំពាក់បច្ចេកវិទ្យាកំពូលថ្មីដំបូងគេដែលត្រូវបានគេស្គាល់ថាជា “បន្តោងទំនើប” ជាមួយនឹងលក្ខណៈពិសេសថ្មីៗរួមទាំងការបង្កប់បាកូដ និងឈីបតូចៗ ។

កងវរសេនាតូច PLA នៅភាគខាងលិចខេត្តស៊ីនជាំងបានទទួល “ស្លាកទំនើប” ថ្មីនៅក្នុងប៉ុន្មានថ្ងៃថ្មីៗនេះដែលជាផ្នែកមួយនៃកិច្ចខិតខំប្រឹងប្រែងរបស់ចិនក្នុងការធ្វើទំនើបកម្មយោធា និងផ្តល់ការការពារ និងការគាំទ្រកាន់តែប្រសើរសម្រាប់ទាហានរបស់ខ្លួន ។

វីដេអូបង្ហាញពីទូរទស្សន៍ CCT បានបង្ហាញថា “ស្លាកទំនើប” ថ្មីនេះមិនត្រឹមតែធន់នឹងការផ្ទុះ និងកម្តៅខ្លាំងប៉ុណ្ណោះទេ ប៉ុន្តែថែមទាំងមានបច្ចេកវិទ្យាថ្មីៗដូចជា បាកូដដែលអាចផ្តល់ព័ត៌មានលម្អិតបន្ថែមទៀតរបស់ទាហានផងដែរ ។

របាយការណ៍របស់ CCT បាននិយាយថា បន្ថែមពីនេះឈីបតូចៗបន្ទាប់បន្សំផ្សេងទៀតត្រូវបានបង្កប់នៅក្នុង “ស្លាកទំនើប” នេះផងដែរដែលផ្ទុកព័ត៌មានបន្ថែមដូចជា ស្កេនម្រាមដៃរបស់ទាហាន ប្រវត្តិនៃអាឡ័កស៊ី និងប្រវត្តិនៃការរងរបួសជាដើម ។

សេចក្តីរាយការណ៍បានបន្ថែមថា “ស្លាកទំនើប” ថ្មីនេះក៏អាចត្រូវបានប្រើសម្រាប់ទាហានដើម្បីទទួលបានសេវាកម្មវេជ្ជសាស្រ្ត សេវាកម្មម្ហូបអាហារ និងការដឹកជញ្ជូនក្នុងជីវភាពប្រចាំថ្ងៃរបស់ពួកគេផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ សាច់ញាតិជនរងគ្រោះដោយសារកូវីដ ចង់ជួបអ្នកជំនាញ WHO នៅទីក្រុង អ៊ូហាន ដើម្បីនិយាយការពិត

ចុចអាន ៖ ក្រុម WHO ចុះត្រួតពិនិត្យផ្សារដែលរកឃើញករណីកូវីដដំបូងក្នុងទីក្រុងអ៊ូហាន