ព័ត៌មានអន្ដរជាតិ
សាច់ញាតិជនរងគ្រោះដោយសារកូវីដ ចង់ជួបអ្នកជំនាញ WHO នៅទីក្រុង អ៊ូហាន ដើម្បីនិយាយការពិត
សាច់ញាតិរបស់មនុស្សដែលបានស្លាប់ដោយសារវីរុសកូរ៉ូណានៅក្នុងប្រទេសចិនកំពុងទាមទារជួបក្រុមជំនាញរបស់អង្គការសុខភាពពិភពលោក (WHO) ដែលកំពុងធ្វើការស៊ើបអង្កេតដើមកំណើតនៃវីរុសនេះដោយនិយាយថា ពួកគេកំពុងត្រូវបានរដ្ឋាភិបាលចិនធ្វើមានការងឿងឆ្ងល់ ។
បន្ទាប់ពីការចរចាអស់រយៈពេលជាច្រើនខែ ប្រទេសចិនបានយល់ព្រមលើដំណើរទស្សនកិច្ចរបស់ក្រុមប្រឹក្សាសន្តិសុខអង្គការសហប្រជាជាតិ (UN) ប៉ុន្តែមិនបានបញ្ជាក់ថា តើពួកគេនឹងត្រូវបានអនុញ្ញាតឲ្យប្រមូលភស្តុតាង ឬនិយាយជាមួយក្រុមគ្រួសារជនរងគ្រោះនោះទេដោយនិយាយថាមានតែក្រុមនេះទេដែលអាចផ្លាស់ប្តូរទស្សនៈជាមួយអ្នកវិទ្យាសាស្ត្រចិន ។
គួររម្លឹកថា ក្រុមប្រឹក្សា WHO បានមកដល់ទីក្រុង អ៊ូហាន កាលពីថ្ងៃទី ១៤ ខែមករា ហើយកំពុងធ្វើសន្និសីទតាមវីដេអូខនហ្វើរេនជាមួយសមភាគីចិនក្នុងអំឡុងពេលធ្វើចត្តាឡីស័កនៅសណ្ឋាគាររយៈពេល ២ សប្តាហ៍មុនពេលចាប់ផ្តើមការងារ ។
លោក Zhang Hai ដែលឪពុករបស់គាត់បានទទួលមរណភាពដោយសារជំងឺកូវីដ ១៩ កាលពីខែកុម្ភៈឆ្នាំមុន បន្ទាប់ពីបានធ្វើដំណើរទៅទីក្រុង អ៊ូហាន ហើយបានឆ្លងមេរោគនេះបាននិយាយថា “ខ្ញុំសង្ឃឹមថាអ្នកជំនាញនឹងមិនក្លាយជាឧបករណ៍ដើម្បីនិយាយកុហកទៀតនោះទេ ។ យើងកំពុងស្វែងរកការពិតឥតឈប់ឈរ ។ នេះជាសកម្មភាពព្រហ្មទណ្ឌ ហើយខ្ញុំមិនចង់ឲ្យ WHO មកប្រទេសចិនដើម្បីបិទបាំងឧក្រិដ្ឋកម្មទាំងនេះទេ” ។
លោក Zhang ដែលមានដើមកំណើតមកពីទីក្រុង អ៊ូហាន ប៉ុន្តែឥឡូវនេះរស់នៅក្នុងទីក្រុង Shenzhen ភាគខាងត្បូងបានប្រមូលសាច់ញាតិរបស់ជនរងគ្រោះដោយវីរុសកូរ៉ូណានៅប្រទេសចិនដើម្បីទាមទារការទទួលខុសត្រូវពីមន្រ្តី ។
សាច់ញាតិបានប្រឈមមុខនឹងសម្ពាធយ៉ាងខ្លាំងពីអាជ្ញាធរមិនឲ្យនិយាយការពិតចេញមក ។ យោងតាមបទសម្ភាសន៍ជាមួយលោក Zhang និងសាច់ញាតិផ្សេងទៀតក្រុមមន្រ្តីបានច្រានចោលបណ្តឹងនានា ហើយបានគំរាមកំហែងដល់សាច់ញាតិរបស់អ្នកដែលនិយាយទៅកាន់សារព័ត៌មានបរទេស ។
ទន្ទឹមនោះកាលពីខែមុនអ្នកកាសែតសញ្ជាតិចិនម្នាក់ត្រូវបានកាត់ទោសឲ្យជាប់ពន្ធនាគាររយៈពេល ៤ ឆ្នាំពីបទរាយការណ៍អំពីអ្វីដែលកំពុងកើតឡើងនៅទីក្រុង អ៊ូហាន ។
អង្គការសុខភាពពិភពលោកបាននិយាយថាដំណើរទស្សនកិច្ចរបស់ខ្លួនទៅកាន់ប្រទេសចិនគឺជាបេសកកម្មវិទ្យាសាស្ត្រមួយដើម្បីស៊ើបអង្កេតពីប្រភពដើមនៃវីរុសមិនមែនជាការខិតខំដើម្បីស្តីបន្ទោសនោះទេ ហើយថាកិច្ចសម្ភាសន៍ និងការពិនិត្យឲ្យបានស៊ីជម្រៅលើករណីឆ្លងដំបូងគឺរឿងចាំបាច់ ។
ដំបូងឡើយប្រទេសចិនបានច្រានចោលការទាមទារឲ្យមានការស៊ើបអង្កេតជាអន្តរជាតិ បន្ទាប់ពីរដ្ឋបាល ត្រាំ បានស្តីបន្ទោសទីក្រុងប៉េកាំងចំពោះវីរុសនេះ ប៉ុន្តែបានបដិសេធចំពោះសម្ពាធពីពិភពលោកកាលពីខែឧសភាចំពោះការស៊ើបអង្កេតលើប្រភពដើមនៃវីរុសនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ WHO ចេញសេចក្តីណែនាំថ្មីស្តីពីការព្យាបាលអ្នកជំងឺកូវីដ-១៩
ចុចអាន ៖ លោក ស៊ី ជីនពីង ព្រមានមេដឹកនាំពិភពលោកប្រឆាំងនឹង “សង្គ្រាមត្រជាក់ថ្មី”
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង