Connect with us

ព័ត៌មានអន្ដរជាតិ

អ្នកនៅពីក្រោយការទម្លាក់គ្រាប់បែករបស់ អាមេរិក សម្លាប់ប្រជាជនកម្ពុជា ៥ ម៉ឺននាក់ ពេលនេះ ទទួលមរណភាពហើយ

បានផុស

នៅ

អតីតរដ្ឋមន្ត្រីការបរទេសសហរដ្ឋអាមេរិក លោក Henry Kissinger បានទទួលមរណភាពក្នុងផ្ទះនៃរដ្ឋ Connecticut នៅអាយុ១០០ឆ្នាំ។

លោក Henry Kissinger (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបម្រើការជារដ្ឋលេខាធិការ និងទីប្រឹក្សាសន្តិសុខជាតិ ក្រោមការដឹកនាំរបស់លោកប្រធានាធិបតី Richard Nixon និង Gerald Ford។

បើយោងតាមរបាយការណ៍របស់ទីភ្នាក់ងារ Intercept, លោក Henry គឺជាអ្នកនៅពីក្រោយការស្លាប់របស់ប្រជាជនកម្ពុជាចំនួន ៥ ម៉ឺននាក់ អំឡុងឆ្នាំ ១៩៦៩ ដល់ឆ្នាំ ១៩៧៣។

អ្នកដឹកនាំនយោបាយការបរទេសដ៏លេចធ្លោរបស់អាមេរិករូបនេះ ត្រូវបានគេជឿថា មានតួនាទីសំខាន់បំផុតក្នុងអំពើប្រល័យពូជសាសន៍ និងរដ្ឋប្រហារជាច្រើន ជាពិសេសក្នុងព្រឹត្តិការណ៍ទម្លាក់គ្រាប់បែករបស់អាមេរិកមកលើទឹកដីកម្ពុជា អំឡុងសង្គ្រាមវៀតណាមចូលមកកម្ពុជាក្នុងទសវត្សរ៍ឆ្នាំ ១៩៧០។

លោក Henry Kissinger (រូបថត៖ Getty Images)

ក្រោយមក លោកបានទទួលស្គាល់ថា ទង្វើរបស់លោកពិតជាបណ្ដាលឲ្យប្រជាជនកម្ពុជាចំនួន ៥ ម៉ឺននាក់ស្លាប់មែន ហើយបានបន្ទោសលើវៀតណាម ដែលជាគោលដៅនៃយុទ្ធនាការទម្លាក់គ្រាប់បែករបស់សហរដ្ឋអាមេរិក។

នៅពេលនោះលោក Kissinger បានបញ្ជាឲ្យមានការទម្លាក់គ្រាប់បែកចំនួន ៣ ដង ហើយគ្រាន់តែក្នុងឆ្នាំ ១៩៧៣ យន្តហោះចម្បាំងបានទម្លាក់គ្រាប់បែកជាង ២៥៧ ០០០ តោនមកលើប្រទេសកម្ពុជា ហើយរាប់ចាប់តាំងពីប្រឡូកក្នុងឆាកនយោបាយមក អ្នកការទូតអាមេរិករូបនេះបានបញ្ជាឲ្យមានសកម្មភាពទម្លាក់គ្រាប់បែកក្នុងសម័យសង្គ្រាមសរុបចំនួន ៣៨៧៥ លើក ។

ក្រៅតែពីបញ្ហាខាងលើ លោក Kissinger ក៏ត្រូវបានគេចាត់ទុកថាជាឧក្រិដ្ឋជនសង្គ្រាមផងដែរ បន្ទាប់ពីបានផ្ដល់ការឧបត្ថម្ភដល់អំពើឃោរឃៅមួយចំនួននៅប្រទេសទីម័រខាងកើត និងបង់ក្លាដែស, អំពើភេរវកម្ម, រដ្ឋប្រហារ និងក្រុមមរណៈនៅអាមេរិកឡាទីន ដែលគេស្គាល់ថាជា Operation Condor, ការបង្កើតសង្រ្គាមស៊ីវិលនៅអាហ្វ្រិកខាងត្បូង និងការទម្លាក់គ្រាប់បែកនៅកម្ពុជា និងឡាវ ក្រោមលេសដេញវៀតណាម៕

ប្រែសម្រួល៖ Vann Vann

ប្រភព៖ ABC

ចុចអាន៖ លោក Henry Kissinger ជាអ្នកនៅពីក្រោយការទម្លាក់គ្រាប់បែករបស់ អាមេរិក សម្លាប់ប្រជាជនកម្ពុជា ៥ ម៉ឺននាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម