ព័ត៌មានអន្ដរជាតិ
រុស្ស៊ី ស្តីឲ្យអ៊ុយក្រែនកប់ៗមាត់ ថា សម្លាប់ប្រជាជនខ្លួនឯង
“អ៊ុយក្រែនបានសម្លាប់ប្រជាជនខ្លួនឯង ក្នុងការវាយប្រហារលើយន្តហោះយោធារុស្ស៊ី Il-76”។ នេះបើតាមសម្តីអ្នកនាំពាក្យវិមានក្រឹមឡាំងលោក Dmitry Peskov។
តាមការចុះផ្សាយរបស់ RT កាលពីថ្ងៃព្រហស្បតិ៍ទី២៥ខែមករា, លោក Peskov បានគូសបញ្ជាក់ថា សកម្មភាពរបស់ទីក្រុងកៀវ ពិតជាគឃ្លើនខ្លាំងណាស់។ ខ្លួនមិនដឹងត្រូវពន្យល់បែបណាឲ្យត្រូវទេពាក់ព័ន្ធការវាយប្រហារនេះ ព្រោះខ្លួនក៏បានជូនដំណឹងទៅភាគីអ៊ុយក្រែន ហើយដែរ។ រដ្ឋបាលលោក Vladimir Zelensky គួរពន្យល់រឿងនេះ ដោយខ្លួនឯងទៅ។
លើសពីនេះ អ្នកនាំពាក្យខាងលើអះអាងថា “បច្ចុប្បន្ន យើងនៅតែមិនទាន់ដឹងថា តើទង្វើរបស់ទីក្រុងកៀវនេះ អាចប៉ះពាល់ដល់ការដោះដូរអ្នកទោសនាពេលអនាគតក្នុងកម្រិតណានោះទេ។ ពេលនេះ យើងមិនទាន់ហ៊ាននិយាយបានឡើយ”។
យ៉ាងណាក្តី ភាគីខាងអ៊ុយក្រែន បានបដិសេធរាល់ការចោទប្រកាន់ដែលថា ខ្លួនបាញ់មីស៊ីលទម្លាក់យន្តហោះនោះ ខណៈលោកប្រធានាធិបតី Zelensky បានអំពាវនាវឲ្យមានការស៊ើបអង្កេតជាអន្តរជាតិ ដើម្បីរកការពិតឲ្យឃើញ កុំឲ្យមានការសង្ស័យចោទដាក់គ្នាទៀត ប៉ុន្តែភាគីរុស្ស៊ី ឆ្លើយតបទៅវិញថា “មិនចាំបាច់ទេ”។
សូមបញ្ជាក់ជាថ្មី យន្តហោះដឹកជញ្ជូនយោធារុស្ស៊ីមួយគ្រឿងផ្ទុកឈ្លើយសឹកអ៊ុយក្រែន ៦៥នាក់បានធ្លាក់ក្នុងតំបន់ Belgorod នៃប្រទេសរុស្ស៊ីកាលពីថ្ងៃពុធ ដោយសម្លាប់មនុស្សទាំងអស់។
ក្រសួងការពារជាតិរុស្ស៊ីសន្មត់ថា យន្តហោះនេះត្រូវបានទម្លាក់ដោយមីស៊ីលអ៊ុយក្រែន ហើយអះអាងថា ទីក្រុងកៀវ ត្រូវបានជូនដំណឹងអំពីជើងហោះហើរ អ្នកដំណើរ និងគោលដៅរបស់ខ្លួនរួចអស់ហើយ មុនពេលធ្លាក់ប៉ុន្មានម៉ោង។
ភ្លាមៗក្រោយពេលយន្តហោះធ្លាក់ ប្រព័ន្ធផ្សព្វផ្សាយអ៊ុយក្រែន Ukrainskaya Pravda រាយការណ៍ថា យន្តហោះនេះ ពិតជាត្រូវកងកម្លាំងទីក្រុងកៀវ ប្រើមីស៊ីល S-300 បាញ់ទម្លាក់មែន ប៉ុន្តែមិនយូរប៉ុន្មាន ព័ត៌មាន ត្រូវបានលុបចោលវិញ៕
អត្ថបទ៖ សុខ សុវណ្ណ
ចុចអាន៖ លម្អិតរឿងធ្លាក់យន្តហោះដឹកឈ្លើយសឹក អ៊ុយក្រែន កំពុងបញ្ឆេះស្ថានការណ៍ កាន់តែតឹង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង