Connect with us

ព័ត៌មានអន្ដរជាតិ

លម្អិតរឿងធ្លាក់យន្តហោះដឹកឈ្លើយសឹក អ៊ុយក្រែន កំពុងបញ្ឆេះស្ថានការណ៍ កាន់តែតឹង

បានផុស

នៅ

កាលពីថ្ងៃពុធទី២៤ខែមករា យន្តហោះរុស្ស៊ីធុន IL-76 ដែលដឹកឈ្លើយសឹកអ៊ុយក្រែន៦៥នាក់ បានធ្លាក់នៅតំបន់ Belgorod ចម្ងាយប្រហែល៩០គីឡូម៉ែត្រពីព្រំដែនអ៊ុយក្រែន ហើយក្រសួងការពារជាតិរុស្ស៊ី អះអាងថា ការធ្លាក់យន្តហោះនេះ គឺជាស្នាដៃរបស់ទីក្រុងកៀវ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, យន្តហោះបានធ្លាក់វេលាម៉ោង ១១:១៥នាទី (ម៉ោងនៅមូស្គូ) ខណៈហោះចេញពីអាកាសយានដ្ឋាន Chkalovsky ហើយក្រៅពីដឹកអ្នកទោសសង្គ្រាមអ៊ុយក្រែន វាក៏ផ្ទុកសមាជិកអាកាសយានិក៦នាក់ និងអ្នកអមដំណើរចំនួន៣នាក់ផងដែរ។

អភិបាលតំបន់ Belgorod លោក Vyacheslav Gladkov និយាយថា ពេលយន្តហោះនេះធ្លាក់ ក៏មានយន្តហោះមួយគ្រឿងទៀតដឹកឈ្លើយសឹកអ៊ុយក្រែន៨០នាក់ធ្វើដំណើរតាមពីក្រោយផងដែរ ប៉ុន្តែបានបែរក្បាលទៅវិញដើម្បីគេចពីគ្រោះថ្នាក់។

ក្រោយកើតហេតុ ក្រសួងការពារជាតិរុស្ស៊ីបានចេញសេចក្តីថ្លែងការណ៍មួយ ដោយចោទប្រកាន់កងកម្លាំងរបស់ទីក្រុងកៀវ ថាបានប្រើមីស៊ីលបាញ់ទម្លាក់យន្តហោះ។ ក្រសួង​អះអាង​ថា រ៉ាដា​កងកម្លាំង​អវកាស​រុស្ស៊ី​ បានរកឃើញការ​បាញ់​មីស៊ីល​​ពីរ​គ្រាប់របស់អ៊ុយក្រែន ចេញ​ពី​ភូមិ Liptsy ក្នុង​តំបន់ Kharkov។

(រូបថត៖ AP)

ស្របពេលជាមួយគ្នានោះដែរ ប្រធានគណៈកម្មាធិការការពារជាតិនៃរដ្ឋសភារុស្ស៊ី លោក Andrey Kartapolov បានលើកឡើងថា យន្តហោះ IL-76 ត្រូវបានបាញ់ទម្លាក់ដោយប្រើមីស៊ីលការពារដែនអាកាស Western Patriot ឬ Iris-T។ លោកក៏បានស្នើឲ្យលុបចោលការចរចាដោះដូរឈ្លើយសឹកនាពេលអនាគតជាមួយទីក្រុងកៀវផងដែរ ហើយទទូចថា អ៊ុយក្រែនគួរតែដាក់ឈ្មោះជាផ្លូវការថា “រដ្ឋភេរវករ” ចំណែករដ្ឋាភិបាលរបស់ខ្លួនត្រូវមានឈ្មោះជា “កោសិកាភេរវករ”

ដោយឡែក តាមសេចក្តីរាយការណ៍របស់ទីភ្នាក់ងារព័ត៌មានរដ្ឋរុស្ស៊ី Interfax, រដ្ឋមន្ត្រីការបរទេស Sergey Lavrov បានអំពាវនាវឲ្យមានកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិជាបន្ទាន់ ពាក់ព័ន្ធនឹងហេតុការណ៍នេះ។ លោកនិយាយថា “ភាគីរុស្ស៊ីសង្ឃឹមយ៉ាងមុតមាំថា ប្រធានបារាំង នឹងបំពេញភារកិច្ចរបស់ខ្លួនដោយស្មោះត្រង់ និងរៀបចំកិច្ចប្រជុំបែបនេះឲ្យបានឆាប់តាមដែលអាចធ្វើទៅបាន”។

រដ្ឋមន្ត្រីការបរទេសរុស្ស៊ីលោក Sergey Lavrov (រូបថត៖ AP)

ទោះបីជាយ៉ាងណាក៏ដោយ តាមការចុះផ្សាយរបស់ BBC ឯណោះវិញបានឲ្យដឹងថា, ភាគីអ៊ុយក្រែន​ បាន​ចោទប្រកាន់​រុស្ស៊ី​ពី​ចេតនា​បង្ក​គ្រោះថ្នាក់​ដល់​អាយុជីវិត​អ្នកទោស​សង្រ្គាម។

ប្រធានាធិបតីអ៊ុយក្រែន លោក Volodymyr Zelensky សង្កត់ធ្ងន់ថា ច្បាស់ណាស់! រុស្ស៊ីកំពុងយកជីវិតអ្នកទោសអ៊ុយក្រែនមកលេងសើច ជាមួយអារម្មណ៍របស់សាច់ញាតិរបស់ពួកគេ និងអារម្មណ៍នៃសង្គមជាតិរបស់យើង។ អ៊ុយក្រែននឹងទទូចឲ្យមានការស៊ើបអង្កេតអន្តរជាតិ”។

ប្រធានាធិបតីអ៊ុយក្រែន លោក Volodymyr Zelensky (រូបថត៖ AFP)

ពាក់ព័ន្ធនឹងការចោទប្រកាន់បាញ់មីស៊ីលទម្លាក់យន្តហោះ, នាយអគ្គសេនាធិការអ៊ុយក្រែន ត្រូវបានដកស្រង់សម្តីដោយគេហទំព័រ Ukrainska Pravda ថា តាមការជូនដំណឹង យន្តហោះនេះ កំពុងដឹកជញ្ជូនមីស៊ីលសម្រាប់ប្រព័ន្ធការពារដែនអាកាស S-300 របស់រុស្ស៊ី ប៉ុន្តែក្នុងការជូនដំណឹងនោះមិននិយាយអំពីអ្នកទោសសង្គ្រាមទេ។

សូមបញ្ជាក់ កាលពីដើមខែមករា កងកម្លាំងរបស់រុស្ស៊ីចំនួន ២៤៨នាក់ត្រូវបានអ៊ុយក្រែនដោះលែង ខណៈទីក្រុងមូស្គូ ក៏បានដោះលែងកងទ័ពទីក្រុងកៀវ ​ចំនួន២៣០នាក់ផងដែរ ក្នុងការ​ដោះដូរឈ្លើយសឹកទ្រង់ទ្រាយធំបំផុត ចាប់តាំងពីជម្លោះផ្ទុះឡើង កាលពីថ្ងៃទី២៤ខែកុម្ភៈឆ្នាំ២០២២៕

អត្ថបទ៖ សុខ សុវណ្ណ

ចុចអាន៖ ធ្លាក់យន្តហោះ រុស្ស៊ី ដឹកអ្នកទោសសង្គ្រាម អ៊ុយក្រែន ៦៥ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

អាជីព២ នាទី មុន

អ្នកស្រី ស្រេង វួចនី តស៊ូលើទឹកដីកូរ៉េ រហូតក្លាយជាប្រធានក្រុមហ៊ុន​ដ៏ធំមួយ

ព័ត៌មានជាតិ៤ នាទី មុន

សម្ដេចធិបតី នឹងអញ្ជើញបើកកម្មវិធីបុណ្យទន្លេលើកទី៨ ដែលធ្វើឡើងនៅខេត្តសៀមរាប នាថ្ងៃទី១៦ខែមីនា

ព័ត៌មានអន្ដរជាតិ២៥ នាទី មុន

លោក សេដ្ឋា បញ្ជាឲ្យចាត់តាំងមន្ត្រីជាបន្ទាន់ មកសហការជាមួយកម្ពុជា ដើម្បីប្រយុទ្ធនឹងភ្លើងឆេះព្រៃ

ជីវិតកម្សាន្ដ៣១ នាទី មុន

តារាស្រី Net Idol ស្លាប់ក្នុងវ័យ២៨ឆ្នាំ ដោយសារតែសកម្មភាពសាមញ្ញធ្វើរាល់ថ្ងៃ

សន្តិសុខសង្គម៣៤ នាទី មុន

ស្នងការរាជធានីបង្ហាញមុខក្រុមជនសង្ស័យ៤នាក់ ជាមុខសញ្ញាឆក់យ៉ាងសកម្មក្នុងរាជធានីភ្នំពេញ

Sokha Hotels

ព័ត៌មានពេញនិយម