ព័ត៌មានអន្ដរជាតិ
អ៊ីរ៉ង់ ប្រហារជីវិតមនុស្ស៤នាក់ ព្រោះធ្វើការឲ្យអ៊ីស្រាអែល
យោងតាមសេចក្តីរាយការណ៍របស់ប្រព័ន្ធផ្សព្វផ្សាយរដ្ឋអ៊ីរ៉ង់ (IRNA), នៅថ្ងៃចន្ទទី២៩ខែមករា ទីក្រុងតេហេរ៉ង់ បានប្រហារជីវិតមនុស្សចំនួន៤នាក់ ដោយចោទប្រកាន់មានទំនាក់ទំនងជាមួយភ្នាក់ងារចារកម្មអ៊ីស្រាអែល។
ការប្រហារជីវិតនេះកើតឡើង បន្ទាប់ពីតុលាការកំពូល សម្រេចច្រានចោលបណ្តឹងឧទ្ធរណ៍ របស់អ្នកទាំងបួន។
តាមការចោទប្រកាន់ ជនជាប់ចោទបានចូលទឹកដីអ៊ីរ៉ង់ដោយខុសច្បាប់ តាមច្រកពីតំបន់ Kurdistan នៃប្រទេសអ៊ីរ៉ាក់ ដើម្បីធ្វើប្រតិបត្តិការបំផ្ទុះគ្រាប់បែកក្នុងរោងចក្រផលិតគ្រឿងសឹកសម្រាប់ក្រសួងការពារជាតិអ៊ីរ៉ង់ នៅទីក្រុង Isfahan។
សេចក្តីរាយការណ៍ខាងលើបន្តថា ប្រតិបត្តិការរបស់ពួកគេ គ្រោងធ្វើឡើងនៅរដូវក្តៅឆ្នាំ២០២២ ជំនួសមុខឲ្យភ្នាក់ងារ Mossad របស់អ៊ីស្រាអែល ប៉ុន្តែត្រូវចារកម្មអ៊ីរ៉ង់ រារាំងទាន់ពេល។
សូមបញ្ជាក់ អ៊ីរ៉ង់និងអ៊ីស្រាអែល គឺជាសត្រូវស៊ីសាច់ហុតឈាមគ្នាយូរមកហើយ ហើយបច្ចុប្បន្នកំពុងរកាំរកូសគ្នាជុំវិញកម្មវិធីនុយក្លេអ៊ែររបស់អ៊ីរ៉ង់ទៀត។
អ៊ីស្រាអែល ថែមទាំងចោទអ៊ីរ៉ង់ទៀតថា បានគាំទ្រការវាយប្រហាររបស់ក្រុមសកម្មប្រយុទ្ធប្រឆាំងនឹងខ្លួន ខណៈអ៊ីរ៉ង់និយាយថា អ៊ីស្រាអែល ក៏សម្លាប់មន្ត្រី និងអ្នកវិទ្យាសាស្ត្រអ៊ីរ៉ង់ជាច្រើននាក់មកហើយដែរ៕
អត្ថបទ៖ សុខ សុវណ្ណ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ