Connect with us

ព័ត៌មានអន្ដរជាតិ

ស្រ្តីចិនវ័យ៤០ឆ្នាំម្នាក់ នាំកូ​នប្រុសទៅជួបគូណាត់ ​បែរត្រូវគេលេបខាយសុំស្រលាញ់វិញ

បានផុស

នៅ

ទីភ្នាក់ងារសារព័ត៌មានបរទេស បានរាយការណ៍ពីស្រ្តី​ជាម្តាយ​ជនជាតិ​ចិន​វ័យ​៤០​ឆ្នាំ​ម្នាក់ បានតុបតែងខ្លួនជាសិស្សវិទ្យាល័យ ដោយរូបនាងយកកូនប្រុសទៅរកស្នេហ៍ពិតតាមផ្លូវក្នុងក្រុង ប៉ុន្តែត្រូវប្រុសៗនៅទៅនោះលេបខាយ សុំស្រលាញ់នាងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅក្នុងខេត្ត Shandong ប្រទេសចិន ជាមួយនឹងវីដេអូមួយដែលត្រូវបានចែកចាយយ៉ាងទូលំទូលាយនៅលើអ៊ីនធឺណិតនៅក្នុងប្រទេសចិន។ រូប​ភាព​ស្រ្តីជាម្ដាយ​ស្បែក​ស​ អាយុ​៤០​ឆ្នាំ​បាន​លេច​ឡើង​ដោយ​ស្លៀក​ពាក់​ដូច​សិស្ស​វិទ្យាល័យ ក្នុងឈុតអាវ​សចងបូ​ និងសំពត់​ខ្លី ។ ក្រឡេកមើលដំបូង គេអាចគិតថានេះជាក្មេងស្រីអាយុ ១៨ឆ្នាំដែលកំពុងនាំបងប្រុសអាយុ ២៣ ឆ្នាំរបស់នាងទៅស្វែងរកគូណាត់នៅទីក្រុង។

តាមរយៈវីដេអូឃ្លិបនោះ បង្ហាញឲ្យឃើញកូនប្រុសកាន់ដៃម្តាយរបស់គាត់ ហើយដើរយឺតៗ នៅពេលដែលកូនប្រុសបានឃើញម្តាយរបស់គាត់ស្លៀកពាក់គួរឲ្យស្រលាញ់ ​គាត់បានទប់​សំណើច​មិន​បាន ហើយ​និយាយបែបចំអន់​ថា “ម៉ាក់​ឯង​ស្លៀក​ពាក់​ដូច​សិស្ស​វិទ្យាល័យ។ ម៉ាក់រក​ឪពុក​ចុង​ថ្មី​ឲ្យ​ខ្ញុំ​មែន​ទេ”? ម្ដាយ​សើច​ពេល​ឮ​ដូច្នេះ ហើយតបទៅកាន់កូនវិញថា “មិនមែនទាល់តែសោះ! ម៉ាក់​គ្រាន់​តែ​ចង់​ដឹង​ថា ​តើ​អ្នក​ដទៃ​នៅ​ចាំ​ម៉ាក់ដែរ​ឬ​ទេ”?

ទោះយ៉ាងណាក៏ដោយ បន្ទាប់ពីដើរបានបន្តិច មានអ្នកមីងម្នាក់ដើរមកសួរអ្នកទាំងពីរ ដោយដំបូងសួរទៅកាន់ស្រ្តីវ័យ៤០ឆ្នាំនោះថា ជាប្អូនស្រីឬយ៉ាងណា? ពេលឮបែបនេះ ម្តាយនិងកូនប្រុសភ្ញាក់ផ្អើលយ៉ាងខ្លាំង ហើយបានកូនប្រុសពន្យល់យ៉ាងរហ័សថា នេះជាម្ថាយបង្កើតរបស់គេ មិនមែនប្អូនស្រីទេ។

យ៉ាងណាមិញ ក្រោយ​បេសកកម្ម​ស្វែងរក​គូឲ្យកូនប្រុសមិនទទួលជោគជ័យ​​ អ្នកជាម្ដាយបានឲ្យកូនគាត់សរសេរផ្លាកសញ្ញាថា “ខ្ញុំអាយុ២៣ឆ្នាំ មានសុខភាពល្អ មានឡាន មានផ្ទះ និងមានបរិញ្ញាបត្រ” ប៉ុន្តែពេលកូនប្រុសលើកស្លាកនោះឡើង។ គ្មាននរណាម្នាក់ខ្វល់ទេ។ ផ្ទុយទៅវិញ នៅពេលដែលម៉ាក់លើកសញ្ញានោះ មានបុរសៗជាច្រើនបានមកសុំព័ត៌មានទំនាក់ទំនងគាត់។ មនុស្ស​មួយ​ចំនួន​យល់​ខុស​ថា​ ​អ្នក​ទាំង​ពីរ​មិន​មែន​ជាម្ដាយ​កូន​ទេ តែ​ជា​គូស្នេហ៍។ ទោះបីជានៅទីបញ្ចប់គាត់មិនបានជោគជ័យក្នុងការស្វែងរកដៃគូណាត់ជួប ប៉ុន្តែយ៉ាងហោចណាស់ កូនប្រុសបានបង្ហាញមោនមោទនភាព និងរីករាយជាមួយនឹងឈុតដែលម្ដាយខ្លួនបានស្លៀកក្នុងថ្ងៃនាំគេទៅរកគូគាប់ទ្រនាប់ចិត្ត៕

អត្ថបទ៖ សាង ស្រីល័ក្ខ

ចុចអាន៖តៃវ៉ាន់ រកឃើញសត្វកន្លាតប្រភេទថ្មី ជាប់ចំណាត់ថ្នាក់ធំជាងគេបង្អស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៨ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ២៤ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម