តៃវ៉ាន់ រកឃើញសត្វកន្លាតប្រភេទថ្មី ជាប់ចំណាត់ថ្នាក់ធំជាងគេបង្អស់

ក្រុមអ្នកស្រាវជ្រាវបានរកឃើញសត្វកន្លាតប្រភេទថ្មីមកពីតៃវ៉ាន់ ដែលមានប្រវែងខ្លួន៥សង់ទីម៉ែត្រ ជាប្រភេទសត្វធំជាងគេបំផុតក្នុងគ្រួសារកន្លាតបច្ចុប្បន្ន នេះបើយោងតាមការចុះផ្សាយពីអ្នកស្រាវជ្រាវជប៉ុនម្នាក់​ បានបង្ហោះលើគណនីផ្ទាល់ខ្លួន កាលពីថ្ងៃទី២៦ ខែមករា ឆ្នាំ២០២៤។

Shizuma Yanagisawa គឺជាអ្នកស្រាវជ្រាវសត្វកន្លាតអាយុ ២៨ ឆ្នាំមកពីទីក្រុង Iwata ខេត្ត Shizuoka របស់ប្រទេសជប៉ុន ដោយបញ្ចាក់ថា សត្វកន្លាតប្រភេទថ្មីចំនួនពីរត្រូវបានគេរកឃើញនាពេលថ្មីៗនេះ ដែលមួយក្នុងចំណោមនោះមកពីតៃវ៉ាន់ និងជាពូជធំបំផុតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Shizuma បាន​និយាយ​ថា កន្លាត​ដែល​រក​ឃើញ​ថ្មីៗ​បំផុត​គឺ​ “សត្វកន្លាតប្រភេទ Formosan (Periplaneta) ដែលរស់នៅក្នុងព្រៃដ៏ធំសម្បើម ​វាមានប្រវែងខ្លួនរហូតដល់ ៥៤.៥ មិល្លីម៉ែត្រ ឬជិត ៥ សង់ទីម៉ែត្រ ដែលមានទំហំធំជាងសត្វកន្លាតអាមេរិក។

ក្នុងពេលជាមួយគ្នានោះ យោងតាមការស្រាវជ្រាវដដែលនិងបាន​ចុះផ្សាយដោយសារព័ត៌មាន​ជប៉ុន បញ្ចាក់ទៀតថា បន្ថែមពីលើក្រុមស្រាវជ្រាវរកឃើញកន្លាត Formosan ពួកគេ​ក៏​បាន​រក​ឃើញ​សត្វ​កន្លាត​ប្រភេទ​ថ្មី​ពី​កោះ Borneo របស់​ម៉ាឡេស៊ី​ផងដែរ​។

លោក Shizuma ប្រធានក្រុមស្រាវជ្រាវបានបង្ហាញពីអារម្មណ៍របស់គាត់ ពេលជួបជាមួយសត្វកន្លាតទាំងពីរថា “ដំបូងឡើយ ខ្ញុំពិតជាភ្ញាក់ផ្អើលពេលឃើញរូបភាពចម្លែកៗនៅក្នុងឈុតខ្លីៗ មុនពេលទទួលបានចម្លើយអំពីប្រភេទសត្វថ្មីនេះ។ លទ្ធផល​នៃ​ការ​ស្រាវ​ជ្រាវ​នេះ​ត្រូវ​បាន​ស្វាគមន៍​យ៉ាង​ខ្លាំង”។

យ៉ាងណាមិញ នៅពេលបច្ចុប្បន្ន ឧទ្យាន​សង្កេត​ធម្មជាតិ​សត្វល្អិត Longyang ប្រភេទសត្វកន្លាតដែលទើបរកឃើញថ្មីត្រូវបានដាក់តាំងបង្ហាញ សម្រាប់សាធារណជន និងអ្នកដែលចាប់អារម្មណ៍ ដែលអាចអញ្ជើញមកទស្សនាបានផងដែរ៕

អត្ថបទ៖ សាង ស្រីល័ក្ខ

ចុចអាន៖គ្រូបង្រៀន​នៅថៃ ពិន័យសិស្ស​៣៦នាក់​ ដោយប្រើម្ចុលចាក់​​មាត់​ ខណៈក្មេងមានវ័យត្រឹម​៧ឆ្នាំ​