ព័ត៌មានអន្ដរជាតិ
ហ្វីលីពីន គំរាមប្រើកម្លាំងកម្ចាត់អ្នកចង់បំបែកប្រទេសជាតិ
ទីប្រឹក្សាសន្តិសុខជាតិហ្វីលីពីនលោក Eduardo Ano បាននិយាយកាលពីថ្ងៃអាទិត្យថា រដ្ឋាភិបាលហ្វីលីពីនប្រុងជើងការរួចជាស្រេចក្នុងការប្រើប្រាស់ “សិទ្ធិអំណាច និងកងកម្លាំង” ប្រឆាំងរាល់ការប៉ុនប៉ងបំបែកប្រទេសជាតិ បន្ទាប់ពីអតីតប្រធានាធិបតីលោក Rodrigo Duterte គំរាមផ្ដាច់ដែនកោះភាគខាងត្បូងមួយចំនួនចេញពីប្រជុំកោះដែលនៅសេសសល់ ។ នេះបើយោងតាមការចុះផ្សាយដោយទីភ្នាក់ងារព័ត៌មាន Reuters កាលពីថ្ងៃទី៤ ខែកុម្ភៈកន្លងទៅ ។
លោក Ano បាននិយាយនៅក្នុងសេចក្តីថ្លែងការណ៍មួយថា “ការចិញ្ចឹមចិត្តណាមួយដើម្បីបំបែកប្រទេសហ្វីលីពីននឹងត្រូវប៉ះរលាកដោយកម្លាំងរដ្ឋាភិបាល ហើយរដ្ឋាភិបាលជាតិនឹងមិនស្ទាក់ស្ទើរក្នុងការប្រើប្រាស់សិទ្ធិអំណាច និងកងកម្លាំងរបស់ខ្លួនដើម្បីបង្ក្រាប ក៏ដូចជាបញ្ឈប់រាល់ការប៉ុនប៉ងដើម្បីផ្តាច់សាធារណរដ្ឋហ្វីលីពីននោះទេ ហើយការអំពាវនាវឲ្យមានការធ្វើអបគមន៍ នឹងក្លាយជារឿងញែកកិច្ចព្រមព្រៀងសន្តិភាពរបស់រដ្ឋាភិបាលជាមួយអតីតក្រុមបំបែកខ្លួន” ។
លោក Duterte បានអំពាវនាវឲ្យមានឯករាជ្យភាពនៃកោះ Mindanao ដែលជាស្រុកកំណើតរបស់អតីតប្រធានាធិបតីហ្វីលីពីនរូបនេះ ខណៈដែលចំណងមិត្តភាពរបស់លោកជាមួយប្រធានាធិបតី Ferdinand Marcos Jr បានប្រទាំងប្រទើសក្នុងសប្តាហ៍នេះ ជុំវិញការខ្វែងគំនិតដាក់គ្នាទាក់ទិនកិច្ចខិតខំប្រឹងប្រែងដើម្បីធ្វើវិសោធនកម្មរដ្ឋធម្មនុញ្ញ ។
លោក Marcos បាននិយាយថា ការធ្វើវិសោធនកម្មរដ្ឋធម្មនុញ្ញឆ្នាំ ១៩៨៧ គឺសំដៅបន្ធូរបន្ថយការវិនិយោគបរទេស ប៉ុន្តែលោក Duterte បែរជាចោទប្រកាន់លោកប្រធានាធិបតីថា បានប្រើប្រាស់ការផ្លាស់ប្តូររដ្ឋធម្មនុញ្ញដើម្បីគ្រាន់តែបន្តកាន់អំណាចប៉ុណ្ណោះ ។
គួរបញ្ជាក់ថា អំពើហិង្សា និងជម្លោះបានញាំញីកោះ Mindanao អស់ជាច្រើនទសវត្សរ៍ នៅពេលដែលកម្លាំងរដ្ឋាភិបាលបានប្រយុទ្ធជាមួយក្រុមបះបោរ និងក្រុមជ្រុលនិយម ដែលបានបង្អាក់ការវិនិយោគ និងបណ្ដាលឲ្យភូមិជាច្រើនស្ថិតក្នុងភាពក្រីក្រ ខណៈឃើញស្ថានភាពបែបនេះ ក្រុមឧទ្ទាមដ៏ធំបំផុតក្នុងតំបន់ គឺរណសិរ្សរំដោះឥស្លាម Moro (MILF) បានចុះហត្ថលេខាលើកិច្ចព្រមព្រៀងសន្តិភាពជាមួយរដ្ឋាភិបាលហ្វីលីពីនក្នុងឆ្នាំ ២០១៤ ហើយបានដកខ្លួនចេញពីការប្រយុទ្ធដើម្បីឯករាជ្យភាពជាថ្នូរនឹងការពង្រឹងស្វ័យភាពនៅក្នុងតំបន់ស្វយ័តមូស្លីមដែលហៅថា Bangsamoro ៕
ដោយ ៖ សុខ ជីវ័ន្ត
ចុចអាន ៖ កម្លាំងរដ្ឋាភិបាលយោធា មីយ៉ាន់ម៉ា របូតបន្ទាយទ័ពមួយទៀតធ្លាក់ទៅ កណ្ដាប់ដៃក្រុមទ័ពព្រៃ
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត