ព័ត៌មានអន្ដរជាតិ
កាសែត New York Times ៖ ខែលការពារដែនអាកាស អ៊ុយក្រែន ជិតអស់ខ្យល់ហោះស្ទាក់ចាប់មីស៊ីល រុស្ស៊ី
សមត្ថភាពប្រព័ន្ធខែលការពារដែនអាកាសរបស់ប្រទេសអ៊ុយក្រែនក្នុងការហោះស្ទាក់ចាប់មីស៊ីល និងយន្តហោះគ្មានមនុស្សបើករបស់រុស្ស៊ីនឹងកាន់តែចុះអន់ថយ ប្រសិនបើសម្ព័ន្ធមិត្តប្រទេសលោកខាងលិចនៅតែមិនរូតរះផ្គត់ផ្គង់អាវុធបន្ថែមទៀតទៅកាន់រដ្ឋាភិបាលទីក្រុងកៀវឲ្យមានពេញដៃ ។ នេះបើយោងតាមការចេញផ្សាយដោយកាសែត The New York Times កាលពីថ្ងៃទី១១ ខែកុម្ភៈកន្លងទៅ ។
ប្រធានាធិបតីអ៊ុយក្រែនលោក Volodymyr Zelensky បានអង្វរករម្តងជាពីរដងទៅដល់មេដឹកនាំលោកខាងលិច សម្រាប់ការផ្ដល់ជំនួយយោធាថ្មី ដើម្បីពង្រឹងសមត្ថភាពប្រព័ន្ធខែលការពារដែនអាកាសរបស់ប្រទេសលោក ស្របពេលភ្លើងសង្គ្រាមជាមួយរុស្ស៊ីអូសពេលជិត ២ ឆ្នាំទៅហើយ ។
ទោះបីជាយ៉ាងណាក៏ដោយ រហូតមកដល់ពេលនេះ សហរដ្ឋអាមេរិកដែលជាខ្នងបង្អែកដ៏ធំបំផុតរបស់អ៊ុយក្រែន នៅតែដកជំនួយយោធាថ្មីចេញពីហោប៉ៅផ្ដល់ទៅឲ្យរដ្ឋាភិបាលទីក្រុងកៀវមិនទាន់រួចនៅឡើយទេ ដោយសារភាពជាប់គាំងនៅក្នុងសភាជុំវិញគម្រោងថវិកាបន្ទាន់ ដែលរួមមានទាំងជំនួយដល់អ៊ុយក្រែនផងដែរ ។
កាសែតអាមេរិកបានរាយការណ៍កាលពីថ្ងៃសុក្រសប្ដាហ៍មុនថា អ៊ុយក្រែននៅសល់ខែលការពារដែនអាកាសទប់ទល់ជាមួយរុស្ស៊ីត្រឹមខែក្រោយប៉ុណ្ណោះ ប្រសិនបើរដ្ឋាភិបាលទីក្រុងកៀវមិនទទួលបានការផ្គង់ផ្គត់បន្ថែមពីប្រទេសសម្ព័ន្ធមិត្តលោកខាងលិច ស្របពេលដែលក្រុមអ្នកវិភាគអាមេរិកមើលឃើញថា ប្រព័ន្ធខែលការពារដែនអាកាសរបស់កងកម្លាំងទីក្រុងកៀវកាន់តែឆេះខ្លោច ក្រោយការផ្ដក់មីស៊ីលរុស្ស៊ីកាលពីពេលថ្មីៗនេះទៅលើតំបន់របស់អ៊ុយក្រែន ។
ពាក់ព័ន្ធនឹងបញ្ហានេះដែរ សារព័ត៌មានអាមេរិក NBC News បានរាយការណ៍កាលពីខែតុលា ឆ្នាំ២០២៣ ថា រដ្ឋបាលរបស់លោកប្រធានាធិបតី Joe Biden បានស្នើសុំថវិកាពីសភាសហរដ្ឋអាមេរិកប្រមាណ ១០៦ ពាន់លានដុល្លារបន្ថែមទៀតសម្រាប់ឆ្នាំសារពើពន្ធ ២០២៤ ជាពិសេសដើម្បីផ្តល់ជំនួយដល់អ៊ីស្រាអែល និងអ៊ុយក្រែនដែលសុទ្ធសឹងតែជាប់ដៃធ្វើសង្គ្រាមដូចគ្នា ។
គួរបញ្ជាក់ថា រដ្ឋាភិបាលទីក្រុងវ៉ាស៊ីនតោនបានជះលុយច្រើនជាង ១១០ ពាន់លានដុល្លារក្នុងប្រភេទជំនួយផ្សេងៗគ្នាដើម្បីផ្គត់ផ្គង់ដល់អ៊ុយក្រែន ចាប់តាំងពីផ្ទុះភ្លើងសង្គ្រាមជាមួយរុស្ស៊ីកាលពីខែកុម្ភៈ ឆ្នាំ២០២២ មក ខណៈការផ្ដល់ជំនួយយ៉ាងច្រើនកប់ពពកនេះកំពុងទាញឲ្យអាមេរិកខ្លួនឯងបែកបាក់ផ្ទៃក្នុង ក៏ដូចជាឈ្លោះទាស់ទែងគ្នាពីសំណាក់សមាជិកសភាផងដែរ ដោយសារតែប្រធានសភាថ្មីរបស់អាមេរិកគឺលោក Mike Johnson មកពីគណបក្សសាធារណរដ្ឋ គឺជាអ្នកប្រឆាំងអ៊ុយក្រែន ៕
ដោយ ៖ សុខ ជីវ័ន្ត
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ