ព័ត៌មានអន្ដរជាតិ
រុស្ស៊ី វាយយកបានទីក្រុង Avdeyevka ១០០%
រដ្ឋមន្ត្រីការពារជាតិរុស្ស៊ី លោក Sergei Shoigu បានរាយការណ៍ទៅប្រធានាធិបតី វ្ល៉ាឌីមៀរ ពូទីន អំពីការវាយយកបានទីក្រុង Avdeyevka មកគ្រប់គ្រងទាំងស្រុង។
តាមសេចក្តីរាយការណ៍របស់ Sputnik, ទីក្រុងដែលមានផ្ទៃក្រឡា៣១.៧៥គីឡូម៉ែត្រការ៉េមួយនេះ ត្រូវវាយយកបានក្នុងសមរភូមិ Tsentr ក្រោមការបញ្ជាដឹកនាំដោយលោកមេទ័ព Mordvichev។
ស្របពេលជាមួយគ្នានោះ ក្រសួងបានបន្ថែមថា ក្នុងរយៈពេល២៤ម៉ោងចុងក្រោយ អ៊ុយក្រែនស្លាប់ទាហានជាង១៥០០នាក់សម្រាប់ការប្រយុទ្ធនៅទីនោះ ហើយកងកម្លាំងសមរភូមិ Tsentr របស់រុស្ស៊ី នឹងបន្តប្រតិបត្តិការវាយលុកបន្ថែមទៀត ដើម្បីរំដោះតំបន់ Donetsk ពីអ៊ុយក្រែន។
ពាក់ព័ន្ធសមរភូមិនៅ Avdeyevka នេះដែរ អ៊ុយក្រែននិយាយថា កងទ័ពរបស់ខ្លួនបានដកចេញហើយ ខណៈលោកប្រធានាធិបតី វ្ល៉ាឌីមៀរ ហ្សេលេនស្គី បញ្ជាក់ថា ការសម្រេចចិត្តនេះត្រូវបានធ្វើឡើង ក្នុងគោលបំណងជួយសង្គ្រោះជីវិតទាហាន បន្ទាប់ពីមានការឡោមព័ទ្ធដោយកងកម្លាំងរុស្ស៊ីអស់រយៈពេលជាច្រើនខែ។
សម្រាប់ការបរាជ័យរបស់អ៊ុយក្រែននៅទឹកដី Avdiivka លោក ហ្សេលេនស្គី បានស្តីបន្ទោសថា ដោយសារតែការផ្គត់ផ្គង់សព្វាវុធពីលោកខាងលិច មានការធ្លាក់ចុះ ទាំងដែលអ៊ុយក្រែន កំពុងជួបប្រទះនឹងការខ្វះខាតគ្រាប់រំសេវ ជាចម្បង។
ថ្លែងក្នុងសន្និសីទសន្តិសុខទីក្រុង Munich កាលពីថ្ងៃសៅរ៍ទី១៧ខែកុម្ភៈ លោក ហ្សេលេនស្គី ក៏ជំរុញឲ្យបណ្តាប្រទេសលោកខាងលិច ជួយអ៊ុយក្រែនដើម្បីយកឈ្នះរុស្ស៊ីផងដែរ។
លោកព្រមានថា មេដឹកនាំរុស្ស៊ីនឹងធ្វើឲ្យប៉ុន្មានឆ្នាំខាងមុខនេះ ជួបគ្រោះមហន្តរាយ សម្រាប់ប្រទេសជាច្រើនទៀតដូចជាអ៊ុយក្រែន ប្រសិនបើលោកខាងលិច មិនក្រោកឈរជាមួយទីក្រុងកៀវនៅក្នុងស្ថានភាពបច្ចុប្បន្ននេះទេនោះ។
សូមជម្រាប អ៊ុយក្រែនគឺពឹងផ្អែកយ៉ាងខ្លាំងលើការផ្គត់ផ្គង់អាវុធពីសហរដ្ឋអាមេរិក និងសម្ព័ន្ធមិត្តលោកខាងលិចផ្សេងទៀត ដើម្បីបន្តប្រយុទ្ធជាមួយរុស្ស៊ី។ យ៉ាងណាមិញ មួយរយៈចុងក្រោយនេះ សហរដ្ឋអាមេរិកកំពុងមានបញ្ហាជម្លោះនយោបាយ ដែលជាកត្តាមួយធ្វើឲ្យខកខានមិនបានផ្ដល់សព្វាវុធដល់អ៊ុយក្រែន៕
អត្ថបទ៖ សុខ សុវណ្ណ
ចុចអាន៖ ដោយសារខ្វះខាតសព្វាវុធ ទីបំផុតអ៊ុយក្រែនសម្រេចចិត្តដកទ័ពចេញពីទីក្រុង Avdiivka
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ