ព័ត៌មានអន្ដរជាតិ
តៃវ៉ាន់ រកឃើញមនុស្សស្លាប់ជាបណ្តើរៗ ក្នុងគ្រោះរញ្ជួយដីដ៏ធ្ងន់ធ្ងរ
យោងតាមព័ត៌មានចុងក្រោយគិតត្រឹមម៉ោង២រសៀលថ្ងៃពុធទី៣ខែមេសា គ្រោះរញ្ជួយដីកម្រិត៧.២រ៉ិចទ័រនៅកោះតៃវ៉ាន់ បានឆក់យកជីវិតមនុស្សចំនួន៧នាក់ហើយ ខណៈ៧១១នាក់រងរបួស ប៉ុន្តែនៅមានមនុស្សចំនួន៧៧នាក់ កំពុងជាប់ក្រោមសំណង់អគារបាក់បែកនៅឡើយ។
ពេលការរញ្ជួយដីវាយប្រហារភ្លាមៗ, កោះតៃវ៉ាន់ ក៏ដូចជាភាគខាងត្បូងប្រទេសជប៉ុននិងហ្វីលីពីន សុទ្ធតែចេញការព្រមានអំពីរលកយក្សស៊ូណាមិ ប៉ុន្តែក្រោយមកបានដកចេញវិញ។
តាមសេចក្តីរាយការណ៍របស់ Reuters, រដ្ឋាភិបាលតៃវ៉ាន់បញ្ជាក់ថា មនុស្ស៤នាក់បានស្លាប់នៅក្នុងតំបន់ភ្នំជាកន្លែងមានប្រជាជនរស់នៅតិច នាភាគខាងកើតទីក្រុង Hualien ពោលគឺស្ថិតក្បែរចំណុចកណ្តាលនៃការរញ្ជួយដីនេះតែម្តង។
រដ្ឋបាលអាកាសធាតុតៃវ៉ាន់ បានឲ្យដឹងថា គ្រោះរញ្ជួយដីដែលមានកម្រិតធ្ងន់ធ្ងរបំផុតក្នុងរយៈពេល២៥ឆ្នាំរបស់តៃវ៉ាន់មួយនេះ មានចំណុចកណ្តាលនៅឆ្នេរសមុទ្រភាគខាងកើតជាមួយជម្រៅ១៥.៥គីឡូម៉ែត្រ។
ស្របពេលជាមួយគ្នានោះដែរ តាមការអះអាងពីទីភ្នាក់ងារអាកាសធាតុរបស់ប្រទេសជប៉ុន, មានរលកស៊ូណាមិតូចៗជាច្រើន បានបោកមកដល់ផ្នែកខ្លះនៃកោះអូគីណាវ៉ា ទៀតផង ខណៈទីភ្នាក់ងាររញ្ជួយដីហ្វីលីពីន ក៏បានចេញការព្រមានដល់អ្នករស់នៅតាមខេត្តតំបន់ឆ្នេរមួយចំនួនផងដែរ ដោយជំរុញឲ្យពួកគេ ជម្លៀសខ្លួនទៅកាន់កន្លែងសុវត្ថិភាព។
មិនត្រឹមប៉ុណ្ណឹង រញ្ជួយដីនេះ ក៏រង្គើដល់ខេត្ត Fujian និងទីក្រុង សៀងហៃ នៃប្រទេសចិនផងដែរ។
សូមជម្រាបជាថ្មី រញ្ជួយដីនេះ គឺជាគ្រោះរញ្ជួយដីកម្រិតធ្ងន់បំផុត ដែលវាយប្រហារកោះតៃវ៉ាន់ ចាប់តាំងពីឆ្នាំ១៩៩៩មក នៅពេលការរញ្ជួយកម្រិត៧.៦រ៉ិចទ័រ បានសម្លាប់មនុស្សប្រហែល ២ ៤០០នាក់ និងបំផ្លាញអគារចំនួន ៥០ ០០០អគារ៕
អត្ថបទ៖ សុខ សុវណ្ណ
ចុចអាន៖ ជប៉ុន ហ្វីលីពីន និងតៃវ៉ាន់ ព្រមានពីរលកយក្សស៊ូណាមិ ក្រោយរញ្ជួយដីកម្រិតធ្ងន់
-
ព័ត៌មានជាតិ៤ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ជីវិតកម្សាន្ដ១ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
សេចក្ដីជូនដំណឹង២ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល