Connect with us

ព័ត៌មានអន្ដរជាតិ

មនុស្ស៤៤លាននាក់ នៅអាមេរិក រងគ្រោះដោយខ្យល់ពុលអាក្រក់បំផុត ក្នុងរយៈពេល២៥ឆ្នាំ

បានផុស

នៅ

កុំថាឡើយនៅអាស៊ី សូម្បីតែសហរដ្ឋអាមេរិក ក៏កំពុងជួបប្រទះជាមួយបញ្ហាខ្យល់ពុលដែរ ដោយមនុស្សប្រមាណ៤៤លាននាក់ កំពុងរស់នៅក្នុងទីក្រុងឬតំបន់ ដែលគុណភាពខ្យល់ធ្លាក់ចុះដល់កម្រិតអាក្រក់បំផុត មិនធ្លាប់មាននារយៈពេល២៥ឆ្នាំមកនេះ។

(រូបថត៖ Getty Images)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ស្ថានភាពខ្យល់ប្រចាំឆ្នាំ របស់សមាគមសួតអាមេរិក បានបង្ហាញថា ស្ថានភាពដ៏អាក្រក់នេះ បានគ្របដណ្តប់តំបន់មួយចំនួននៃសហរដ្ឋអាមេរិក ដោយសារតែភ្លើងឆេះព្រៃ។

របាយការណ៍ដដែលនេះ បានរកឃើញថា ទីក្រុងដែលមានគុណភាពខ្យល់អន់បំផុត គឺស្ថិតនៅភាគខាងលិច រួមមានដូចជា Los Angeles និង San Bernardino ក្នុងរដ្ឋ California និងទីក្រុង Phoenix នៃរដ្ឋ Arizona ជាដើម។

(រូបថត៖ Getty Images)

អ្នក​និពន្ធ​របាយការណ៍លោកស្រី Katherine Pruitt ដែលជានាយក​ជាន់​ខ្ពស់​របស់​សមាគម​បាន​និយាយ​ក្នុង​បទ​សម្ភាស​មួយថា “ការ​បំពុល​ដ៏គ្រោះ​ថ្នាក់ កំពុងជះ​ផល​ប៉ះពាល់​យ៉ាង​ធ្ងន់ធ្ងរ​ដល់​សុខភាព​​មនុស្ស​ទាំង​អស់ ​ពិសេស​ចំពោះ​ជន​ងាយ​រងគ្រោះ​តែម្តង”។

ប្រភពចម្បងនៃការបំពុលកើនឡើងខ្លាំង ត្រូវបានគេដឹងថា បណ្តាលមកពីភាគល្អិតតូចៗ ចេញពីផ្សែងភ្លើងឆេះព្រៃ។

(រូបថត៖ CBS)

បើយោងតាមមជ្ឈមណ្ឌលជាតិសម្រាប់ព័ត៌មានបរិស្ថានរបស់រដ្ឋាភិបាលអាមេរិក, ក្នុងឆ្នាំ២០២២ អគ្គិភ័យបានឆេះព្រៃជាង៧.៥លានហិកតានៅសហរដ្ឋអាមេរិក។

ដោយឡែក កាល​ពី​ឆ្នាំ​មុន ប្រទេស​កាណាដា​បាន​រង​គ្រោះ​ដោយ​រដូវ​ភ្លើង​ឆេះព្រៃ​ដ៏​អាក្រក់​បំផុត​ក្នុង​កំណត់ត្រា ​ដោយអគ្គិភ័យបានឆាបឆេះផ្ទៃដីទំហំ​ជាង ១១.៥លាន​ហិកតា ហើយពេលនោះ ផ្សែងដែលហុយមកភាគខាងត្បូង បានធ្វើឲ្យខ្យល់នៅក្នុងទីក្រុងជាច្រើនរបស់សហរដ្ឋអាមេរិកនិងកាណាដា ពោរពេញដោយជាតិពុលដ៏គ្រោះថ្នាក់ ប៉ះពាល់ខ្លាំងដល់ការដកដង្ហើមរបស់មនុស្ស៕

អត្ថបទ៖ សុខ សុវណ្ណ

ចុចអាន៖ ខេត្តថៃ ចំនួន៥០ នៅតែគ្របដណ្តប់ដោយខ្យល់ពុលដ៏គ្រោះថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២៣ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៥៨ នាទី មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម