ព័ត៌មានអន្ដរជាតិ
ទ័ព អ៊ុយក្រែន រត់ចោលរថក្រោះដែលបងធំ អាមេរិក ផ្ដល់ឲ្យលើសមរភូមិប្រយុទ្ធជាមួយ រុស្ស៊ី
កងទ័ពអ៊ុយក្រែនបានសម្រេចបោះបង់ចោលរថក្រោះប្រយុទ្ធ Abrams M1A1 ដែលផ្គត់ផ្គង់ដោយបងធំអាមេរិកនៅសមរភូមិប្រយុទ្ធជាមួយរុស្ស៊ី ដោយសារតែគ្មានខែលការពារពីការវាយប្រហារយ៉ាងសន្ធាប់ដោយយន្តហោះគ្មានមនុស្សបើករបស់កងកម្លាំងទីក្រុងមូស្គូ ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP កាលពីថ្ងៃទី២៧ ខែមេសាកន្លងទៅ ។
ក្នុងរយៈពេលជាង ១ ឆ្នាំកន្លងទៅនេះ ពោលចាប់ពីខែមករា ឆ្នាំ២០២៣ មក ខ្នងបង្អែកដ៏ធំរបស់អ៊ុយក្រែនគឺអាមេរិកបានសម្រេចបញ្ជូនរថក្រោះប្រភេទ Abrams ប្រមាណជា ៣១ គ្រឿងទៅឲ្យរដ្ឋាភិបាលទីក្រុងកៀវ ខណៈរថក្រោះប្រយុទ្ធទាំងនេះ អាមេរិកអួតថាមានតម្លៃប្រហែល ១០ ដុល្លារក្នុងមួយគ្រឿង និងមានសមត្ថភាពពិសេសក្នុងទប់ទល់នឹងការវាយប្រហារប្រឆាំងរុស្ស៊ី ។
ទោះយ៉ាងណា រថក្រោះទាំងប៉ុន្មាននេះ មិនបានប្រែសមរភូមិជួរមុខ និងជួយអ៊ុយក្រែនមានដង្ហើមដកឲ្យស្រួលនោះឡើយ ពោលមានតែបាក់ស្បាតកាន់តែខ្លាំងឡើងៗ ក្រោយការឈ្លបការណ៍ និងការវាយប្រហារមិនប្រណីដៃពីយន្តហោះគ្មានមនុស្សបើករបស់រុស្ស៊ី ។
អ្វីដែលនាំឲ្យអ៊ុយក្រែនកាន់តែក្រពុលមុខទៀតនោះ គឺដោយសារតែសព្វាវុធទាំងនេះមិនមានខែលការពារឡើយ ទើបមិនអាចទ្រាំទ្រនឹងការវាយប្រហាររបស់កងទ័ពរុស្ស៊ីបាន ខណៈរហូតមកដល់ពេលនេះ រថក្រោះ Abrams រងការកម្ទេចជាបណ្ដើរៗហើយ ពោល ៥ គ្រឿងក្នុងចំណោម ៣១ គ្រឿងកំពុងក្លាយជាខ្មោចរងក្រោះលើសមរភូមិប្រយុទ្ធជាមួយរុស្ស៊ី ។
ចាប់តាំងពីផ្ទុះភ្លើងសង្គ្រាមរវាងរុស្ស៊ី និងអ៊ុយក្រែនមក រដ្ឋាភិបាលរបស់លោក Joe Biden បានជះលុយប្រមាណ ១១៣ ពាន់លានដុល្លារហើយលើជំនួយយោធាទៅឲ្យអ៊ុយក្រែន ខណៈរុស្ស៊ីព្រមានជាហូរហែថា រាល់អាវុធរបស់លោកខាងលិចដែលដឹកមកឲ្យទីក្រុងកៀវគឺជាផ្ទាំងស៊ីបស្របច្បាប់ដែលកងកម្លាំងទីក្រុងមូស្គូត្រូវកម្ទេចឲ្យហ្មត់ ។
គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេល ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោកប្រធានាធិបតី Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។
ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕
ដោយ ៖ សុខ ជីវ័ន្ត
ចុចអាន ៖ រុស្ស៊ី-ចិន ចាប់ដៃគ្នាបង្កើនកិច្ចសហប្រតិបត្តិការយោធាប្រឆាំង អាមេរិក
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ជីវិតកម្សាន្ដ២២ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ១៦ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៨ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល