ព័ត៌មានអន្ដរជាតិ
នាយករដ្ឋមន្ត្រី ចិន ប្រាប់ Elon Musk ថា ទីក្រុងប៉េកាំងបើកទ្វារចាំអ្នកមានៗបរទេសមកវិនិយោគ
នាយករដ្ឋមន្ត្រីចិនលោក Li Qaing បានប្រាប់នាយកប្រតិបត្តិក្រុមហ៊ុនរថយន្តអគ្គិសនីរបស់សហរដ្ឋអាមេរិកថា រដ្ឋាភិបាលទីក្រុងប៉េកាំងមានឆន្ទៈគាំទ្រ និងពេញចិត្តរាល់ក្រុមហ៊ុន ក៏ដូចជាអ្នកមានៗបរទេសទាំងអស់ដែលកំពុងវិនិយោគ ឬគ្រោងប្រតិបត្តិការនៅក្នុងប្រទេសចិន ។ នេះបើយោងតាមការចេញផ្សាយដោយទីភ្នាក់ងារ Xinhua កាលពីថ្ងៃទី២៨ ខែមេសាកន្លងទៅ ។
ថ្លែងក្នុងជំនួបជាមួយមហាសេដ្ឋីអាមេរិកលោក Elon Musk កាលពីថ្ងៃអាទិត្យនៅក្នុងរដ្ឋធានីប៉េកាំង, លោក Li Qaing បានកោតសរសើរចំពោះប្រតិបត្តិការរបស់ក្រុមហ៊ុន Tesla នៅក្នុងប្រទេសចិនថាជាគំរូដ៏ជោគជ័យនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្មរបស់ចិនជាមួយសហរដ្ឋអាមេរិក ។
លោក Li Qaing បានសង្កត់ធ្ងន់ទៀតថា ចិនមានឆន្ទៈ ក៏ដូចជាចេតនាជំរុញការអភិវឌ្ឃប្រកបដោយចីរភាព និងស្ថិរភាពនៃទំនាក់ទំនងទ្វេភាគី ហើយទីផ្សារដ៏ធំរបស់ចិននឹងនៅតែបើកចំហសម្រាប់អាជីវកម្មបរទេស ។ លោកនាយករដ្ឋមន្ត្រីថែមទាំងសន្យាថានឹងបង្កើតបរិយាកាសអាជីវកម្មកាន់តែល្អប្រសើរឡើងដើម្បីឲ្យវិនិយោគិន និងក្រុមហ៊ុនបរទេសមានសន្តិភាពផ្លូវចិត្ត ពេលមកដាក់ការវិនិយោគនៅក្នុងប្រទេសចិន ។
ជាការឆ្លើយតប មហាសេដ្ឋី Elon Musk បានចាត់ទុករោងចក្ររបស់ក្រុមហ៊ុន Tesla នៅទីក្រុងសៀងហៃថាជាក្រុមហ៊ុនដែលដំណើរការយ៉ាងរលូនល្អបំផុត ហើយក្រុមហ៊ុនផលិតរថយន្តរបស់លោកក៏មានឆន្ទៈក្នុងការបោះជំហានបន្ទាប់ឆ្ពោះទៅរកការពង្រឹងកិច្ចសហប្រតិបត្តិការជាមួយប្រទេសចិនផងដែរ ដើម្បីសម្រេចបាននូវលទ្ធផលឈ្នះ-ឈ្នះបន្ថែមទៀត ។
ពាក់ព័ន្ធនឹងដំណើរទស្សនកិច្ចមកកាន់ប្រទេសចិននេះដែរ យោងតាមប្រព័ន្ធផ្សព្វផ្សាយអាមេរិក និងអឺរ៉ុបបានរាយការណ៍ស្រដៀងៗគ្នាថា លោកមហាសេដ្ឋី Elon Musk រំពឹងនឹងពិភាក្សាអំពីការដាក់ឲ្យដំណើរការកម្មវិធីបើកបរដោយស្វ័យប្រវត្តិពេញលេញ (Full Self-Driving) ឬ FSD សម្រាប់អតិថិជននៅក្នុងប្រទេសចិនផងដែរ ។
គួរបញ្ជាក់ថា ទន្ទឹមនឹងជោគជ័យនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្ម, បច្ចុប្បន្នរដ្ឋាភិបាលទីក្រុងប៉េកាំងក៏កំពុងមានជម្លោះជាមួយទីក្រុងវ៉ាស៊ីនតោនផងដែរជុំវិញបញ្ហាបច្ចេកវិទ្យាជឿនលឿន និងផ្នែកពាក់ព័ន្ធផ្សេងទៀតជាដើម ជាពិសេសគឺក្ដីភ័យព្រួញរបស់អាមេរិកចំពោះភាពរីកលូតលាស់នៃសេដ្ឋកិច្ចរបស់ប្រទេសចិន ៕
ដោយ ៖ សុខ ជីវ័ន្ត
ចុចអាន ៖ រុស្ស៊ី-ចិន ចាប់ដៃគ្នាបង្កើនកិច្ចសហប្រតិបត្តិការយោធាប្រឆាំង អាមេរិក
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល