ព័ត៌មានអន្ដរជាតិ

ពូទីន ប្រាប់ពីចំនួនទឹកប្រាក់នៃទំហំពាណិជ្ជកម្មទ្វេភាគីជាមួយចិន

បានផុស

២ years មុន

នៅ

ថ្ងៃព្រហស្បតិ៍ ១៦ ឧសភា ២០២៤

ដោយ

Chheang

ទំហំពាណិជ្ជកម្មទ្វេភាគីរវាងប្រទេសរុស្ស៊ី និងចិន បានឈានដល់កំណត់ត្រាខ្ពស់បំផុតមួយទៀតហើយ ដែលគិតជាទឹកប្រាក់មានប្រមាណដល់ ២៤០ពាន់លានដុល្លារឯណោះ។ នេះបើយោងតាមការប្រកាសរបស់លោក វ៉្លាឌឺមៀ ពូទីន មេដឹកនាំរុស្ស៊ី នៅក្នុងសន្និសីទសារព័ត៌មានក្រុងប៉េកាំង នាថ្ងៃទី១៦ ខែឧសភា ឆ្នាំ២០២៤។

លោក វ៉្លាឌឺមៀ ពូទីន មេដឹកនាំរុស្ស៊ី និងលោក ស៊ី ជីនពីង មេដឹកនាំចិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បានប្រាប់ថា កំណើននៃទំហំពាណិជ្ជកម្មនេះ បានឆ្លុះបញ្ចាំងពីចំណងសេដ្ឋកិច្ចយ៉ាងខ្លាំងក្លារវាងរដ្ឋាភិបាលប្រទេសទាំង២។ មេដឹកនាំវ័យ៧១ឆ្នាំរូបនេះ បានបន្ថែមថា រុស្ស៊ី-ចិន មានផែនការជាក់លាក់ សម្រាប់ពង្រឹងកិច្ចសហប្រតិបត្តិការនៅក្នុងវិស័យថាមពល ព្រមទាំងវិស័យឧស្សាហកម្មបរិក្ខារផ្ទះបាយ និងយានយន្ត ដើម្បីជាការឆ្លើយតបទៅនឹងទណ្ឌកម្មរបស់លោកខាងលិច។ លោក បានបន្តទៀតថា ប្រទេសទាំង២ ក៏បានចាត់វិធានការការពារពាណិជ្ជកម្ម និងការវិនិយោគទ្វេភាគី ដោយជាពិសេសនោះគឺវិស័យហិរញ្ញវត្ថុដែលទទួលបានការការពារយ៉ាងពិសេស បញ្ចៀសឲ្យបានពីបញ្ហាប្រឈមនិងផលប៉ះពាល់អវិជ្ជមានពីមជ្ឈដ្ឋានខាងក្រៅ។

លោក ពូទីន និងប្រធានាធិបតីចិនលោក ស៊ី ជីនពីង បានចេញនូវសេចក្ដីថ្លែងការណ៍រួមគ្នាមួយអំពីការពង្រឹងភាពជាដៃគូឲ្យស៊ីជម្រៅ សម្រាប់សករាជថ្មី បន្ទាប់ពីមហាអំណាចទាំង២ បានបង្កើតចំណងការទូតជាមួយគ្នាអស់រយៈពេល ៧៥ឆ្នាំមកហើយ៕

ដោយ៖ ឈាង

អានបន្ថែម៖ ពូទីន ចង់បានរបស់ ៣ ពីលោក ស៊ី ក្នុងជំនួបចិន-រុស្ស៊ីសប្ដាហ៍នេះ

Related Topics:ប្រទេសចិន ប្រទេសរុស្ស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា