ព័ត៌មានអន្ដរជាតិ
លោក ពូទីន លេងធម៌ក្តៅជាមួយ សហរដ្ឋអាមេរិក
តាមការចុះផ្សាយរបស់ RT នៅថ្ងៃសុក្រទី២៤ខែឧសភា, ប្រធានាធិបតីរុស្ស៊ី វ្ល៉ាឌីមៀរ ពូទីន បានលេងធម៌ក្តៅជាមួយទីក្រុងវ៉ាស៊ីនតោនហើយ ដោយលោកចុះហត្ថលេខាលើក្រឹត្យមួយ អនុញ្ញាតឲ្យទីក្រុងមូស្គូ រឹបអូសយកទ្រព្យសម្បត្តិទាំងឡាយណាដែលគ្រប់គ្រងដោយអង្គភាពនិងបុគ្គលមានទំនាក់ទំនងជាមួយសហរដ្ឋអាមេរិកនៅក្នុងប្រទេសរុស្ស៊ីបាន ប្រសិនបើទីក្រុងវ៉ាស៊ីនតោន រឹបអូសទ្រព្យសម្បត្តិរបស់រុស្ស៊ី នៅបរទេសដែរ។
![](https://www.kampucheathmey.com/wp-content/uploads/2024/05/image-1340-1024x683.png)
គេដឹងថា បច្ចុប្បន្ន សហរដ្ឋអាមេរិកនិងសម្ព័ន្ធមិត្ត រឹបអូសបានទ្រព្យសម្បត្តិអធិបតេយ្យរុស្ស៊ីប្រមាណ ៣០០ពាន់លានដុល្លារ ដែលជាប់គាំងនៅលោកខាងលិច ហើយកំពុងរិះរកវិធីប្រើប្រាស់មូលនិធិទាំងនោះ យកទៅជួយផ្គត់ផ្គង់ដល់សង្គ្រាមរបស់អ៊ុយក្រែន ប្រឆាំងទីក្រុងមូស្គូ។
ជុំវិញបញ្ហានេះ វិមានក្រឹមឡាំង បានបញ្ចេញឯកសារដោយរៀបរាប់អំពីយន្តការនាពេលអនាគត ដែលនឹងអនុញ្ញាតឲ្យរុស្ស៊ីសងសឹកវិញ ពោលគឺថាបើសហរដ្ឋអាមេរិកនិងសម្ព័ន្ធមិត្ត បំផ្លាញទ្រព្យសម្បត្តិរបស់ខ្លួននៅបរទេសមែន នោះទីក្រុងមូស្គូក៏នឹងរូបអូសយកទ្រព្យសម្បត្តិដែលជាប់ពាក់ព័ន្ធនឹងអាមេរិកឬសម្ព័ន្ធមិត្ត នៅរុស្ស៊ីដូចគ្នា។
![](https://www.kampucheathmey.com/wp-content/uploads/2024/05/image-1341.png)
យោងតាមក្រឹត្យខាងលើ អ្នកដែលអាចប្រឈមមុខនឹងសកម្មភាពបែបនេះ រួមមានពលរដ្ឋអាមេរិក, ជនបរទេសរស់នៅក្នុងប្រទេសរុស្ស៊ី, អ្នកធ្វើអាជីវកម្ម ឬអ្នករកប្រាក់ចំណេញបានច្រើននៅក្នុងប្រទេសរុស្ស៊ី។ ទ្រព្យសម្បត្តិដែលស្ថិតនៅក្រោមការគ្រប់គ្រងរបស់បុគ្គលដូចរៀបរាប់ខាងលើនេះ អាចត្រូវរឹបអូសដោយមិនគិតពីសញ្ជាតិ និងទីលំនៅរបស់ពួកគេឡើយ។
ទោះបែបនេះក្តី តុលាការនឹងអាចផ្តល់សំណងតាមទម្រង់ផ្សេងៗ ប៉ុន្តែគណៈកម្មការរបស់រដ្ឋាភិបាល ក៏នឹងចងក្រងបញ្ជីឈ្មោះអ្នកដែលសមនឹងទទួលបានសំណង ហើយសំណង ក៏ត្រូវមានលក្ខខណ្ឌដែរ មិនមែនគ្រប់គ្នាសុទ្ធតែបាននោះទេ។
យ៉ាងណា ក្រឹត្យរបស់លោក ពូទីន ទុកពេលឲ្យរដ្ឋាភិបាលរយៈពេល ៤ ខែ ដើម្បីរៀបចំក្របខ័ណ្ឌច្បាប់សម្រាប់យន្តការនេះ និងដាក់សំណើពាក់ព័ន្ធទៅសភាដើម្បីពិចារណាជាមុនសិន។
![](https://www.kampucheathmey.com/wp-content/uploads/2024/05/image-1342-1024x704.png)
ការចុះហត្ថលេខារបស់លោកពូទីន កើតឡើងមួយខែ បន្ទាប់ពីទីក្រុងមូស្គូ ធ្វើសេចក្ដីព្រាងច្បាប់ ចាត់វិធានការសងសឹកភ្លាមៗ ប្រសិនបើអឺរ៉ុបហ៊ានតែរឹបអូសទឹកប្រាក់នៅក្រៅប្រទេសរបស់រុស្ស៊ី។
សូមបញ្ជាក់ថា ក្រោយពេលលោក ពូទីន ដាក់ទ័ពចូលវាយលុកអ៊ុយក្រែនក្នុងឆ្នាំ ២០២២ មក សហរដ្ឋអាមេរិក និងសម្ព័ន្ធមិត្ត បានហាមឃាត់ប្រតិបត្តិការសាច់ប្រាក់ជាមួយធនាគារកណ្ដាលរុស្ស៊ី ព្រមទាំងក្រសួងហរិញ្ញវត្ថុរុស្ស៊ីផងដែរ ដែលក្នុងនោះមានទ្រព្យសម្បត្តិប្រហែលជិត ៣០០ ពាន់លានដុល្លារស្ថិតនៅប៉ែកអឺរ៉ុប ។
មេដឹកនាំរុស្ស៊ី ប្រាប់ថា លោកខាងលិចបានអនុវត្តសង្គ្រាមសេដ្ឋកិច្ចប្រឆាំងរុស្ស៊ី ប៉ុន្តែដោយសារភាពរឹងមាំនៃសេដ្ឋកិច្ចរុស្ស៊ី រដ្ឋាភិបាលទីក្រុងមូស្គូបែរជាមានកំណើន ៣.៦% លើសឆ្នាំមុនទៅវិញ ហើយនោះជាបរាជ័យនៃទណ្ឌកម្មដែលបានដាក់មកលើរុស្ស៊ី៕
អត្ថបទ៖ សុខ សុវណ្ណ
ចុចអាន៖ រុស្ស៊ី ព្រមាន អឺរ៉ុប បើហ៊ានរឹបអូសទ្រព្យសម្បត្តិជិត ៣០០ ពាន់លានដុល្លារ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ