ព័ត៌មានអន្ដរជាតិ
អ៊ីស្រាអែល បិទភ្នែកខ្ទប់ត្រចៀកបន្តវាយប្រហារនៅទីក្រុង Rafah ផ្គើនតុលាការ ICJ
កងកម្លាំងអ៊ីស្រាអែលនៅតែបិទភ្នែកខ្ទប់ត្រចៀកបន្តបើកការវាយប្រហារនៅទីក្រុង Rafah ភាគខាងត្បូងតំបន់ហ្គាហ្សាស្រ្ទីប បើទោះបីជាតុលាការយុត្តិធម៌អន្តរជាតិ (ICJ) សម្រេចចេញបញ្ជាឲ្យប្រទេសមួយនេះបញ្ឈប់ជាបន្ទាន់នូវប្រតិបត្តិការយោធារបស់ខ្លួននៅទីនោះក៏ដោយ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២៥ ខែឧសភាកន្លងទៅ ។
![](https://www.kampucheathmey.com/wp-content/uploads/2024/05/ICJ-2.jpg)
ថ្ងៃដែលតុលាការ ICJ មានមូលដ្ឋានៅទីក្រុងឡាអេចាត់វិធានការបណ្ដោះអាសន្ននេះ ក៏ជាថ្ងៃដែលអ៊ីស្រាអែលប្រកាសពីប្រតិបត្តិការយោធារបស់ខ្លួននៅភាគខាងត្បូងតំបន់ហ្គាហ្សា ហើយអ៊ីស្រាអែលថែមទាំងបញ្ជាក់ទៀតថា កម្លាំងទ័ពរបស់ខ្លួនបានកម្ចាត់ក្រុមប្រដាប់អាវុធប៉ាឡេស្ទីនហាម៉ាសនៅទីក្រុង Rafah និងក្រុមអ្នកប្រយុទ្ធរាប់សិបនាក់ទៀតនៅទក្រុង Jabalia ភាគខាងជើងហ្គាហ្សា ។
ទន្ទឹមនោះ ក្រោយឃើញអ៊ីស្រាអែលនៅតែក្រាញននៀលបន្តប្រតិបត្តិការវាយលុកបែបនេះហើយ មន្ត្រីអាមេរិកមួយរូបដែលសុំនិយាយមិនបញ្ចេញឈ្មោះបានប្រាប់ទីភ្នាក់ងារព័ត៌មាន AP ថា កិច្ចចរចាបទឈប់បាញ់ និងការដោះលែងឈ្លើយសឹកដែលនៅសេសសល់នៅក្នុងតំបន់ហ្គាហ្សារវាងអ៊ីស្រាអែល និងក្រុមហាម៉ាសអាចនឹងកើតមានឡើងរាប់ខែទៀតឯណោះ ។
![](https://www.kampucheathmey.com/wp-content/uploads/2024/05/gettyimages-2092427091.jpg)
ចាប់តាំងពីផ្ទុះព្រឹត្តិការណ៍ ៧ តុលា ២០២៣ មក អ៊ីស្រាអែល និងក្រុមហាម៉ាសបានផ្អាកបទឈប់បាញ់តែម្ដងគត់គឺកាលពីចុងខែវិច្ឆិកាដែលមានសុពលភាពរយៈពេល ៧ ថ្ងៃ ។ ប៉ុន្តែបទឈប់បាញ់មួយនេះមិនគាប់តាមចិត្តប្រាថ្នានោះឡើយ ពោលចាប់ពីថ្ងៃទី១ ខែធ្នូមក ភាគីទាំងពីរនៅតែផ្ទុះជម្លោះដាក់គ្នា ខណៈរហូតមកដល់ពេលនេះចាយពេលជាង ៧ ខែទៅហើយ និងមានអ្នកស្លាប់បាត់ជីវិតជិត ៣៦,០០០ នាក់ ។
យោងតាមអង្គការសហប្រជាជាតិ (UN) បានឲ្យដឹងថា គិតត្រឹមពាក់កណ្ដាលខែឧសភា មនុស្សប្រមាណ ៦០ ម៉ឺននាក់ត្រូវបង្ខំចិត្តផ្លាស់ទីលំនៅចេញពីទីក្រុង Rafah ដោយសារតែយុទ្ធនាការផ្ដល់ស្បៀងអាហារ ទឹក និងថ្នាំសង្កូវមិនអាចចូលទៅរួចឡើយ ស្របពេលដែលមន្ទីរពេទ្យក្នុងតំបន់ក៏ប្រកាសអស់ប្រេងឥន្ធនៈប្រើប្រាស់ក្នុងរយៈពេលប៉ុន្មានថ្ងៃទៀតផងដែរ ដោយសារតែការរារាំងពីសំណាក់កងទ័ពអ៊ីស្រាអែល ។
![](https://www.kampucheathmey.com/wp-content/uploads/2024/05/aid-12.jpg)
គួរបញ្ជាក់ថា ក្រៅពីមានអ្នកស្លាប់បាត់បង់ជីវិតក្នុងចំនួនដ៏ច្រើនសន្ធឹកសន្ធាប់នេះហើយ ការវាយប្រហាររបស់អ៊ីស្រាអែលមកលើតំបន់ហ្គាហ្សា ចាប់តាំងពីព្រឹត្តិការណ៍ ៧ តុលា ២០២៣ មកក៏បណ្ដាលឲ្យមនុស្សជិត ៨០,០០០ នាក់បានរងរបួសផងដែរ ខណៈខាងអ៊ីស្រាអែលវិញមានមនុស្សប្រមាណ ១,២០០ នាក់បានស្លាប់បាត់បង់ជីវិតដូចគ្នា ។
ស្របពេលជាមួយគ្នានេះ យោងតាមគណៈកម្មាធិការសង្គ្រោះអន្តរជាតិបានឲ្យដឹងថា ទំហំនៃវិបត្តិនៅតំបន់ហ្គាហ្សាភាគខាងត្បូងក្នុងលក្ខខណ្ឌដែលអ៊ីស្រាអែលហ៊ានបើកការវាយលុកខ្នាតយក្សទៅលើទីក្រុង Rafah មែននោះ នឹងបង្កឲ្យមានការផ្លាស់ទីលំនៅទ្រង់ទ្រាយធំបំផុតមិនធ្លាប់មានក្នុងប្រវត្តិសាស្ត្រនៅក្នុងតំបន់មួយនេះ ៕
![](https://www.kampucheathmey.com/wp-content/uploads/2024/05/Gaza-60.jpg)
ដោយ ៖ សុខ ជីវ័ន្ត
ចុចអាន ៖ មេណាតូចេញបញ្ជាឲ្យលោកខាងលិចផ្ដល់សិទ្ធិដល់ អ៊ុយក្រែន ប្រើអាវុធវាយប្រហារលើ រុស្ស៊ី
-
KPT+១ ម៉ោង ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ១៤ ម៉ោង ago
ថ្ងៃទី១៧ ខែមិថុនា សម្ដេចធិបតី នឹងអញ្ជើញបើកការដ្ឋានសាងសង់ស្ពានអាកាសភ្លោះភ្ជាប់ផ្លូវ៦០ម៉ែត្រ ទៅព្រលានអន្តរជាតិតេជោ