ព័ត៌មានអន្ដរជាតិ
កាណាដា ប្រកាសទទួលយកប្រជាជន ប៉ាឡេស្ទីន នៅតំបន់ហ្គាហ្សា ៥ ពាន់នាក់
កាណាដាបានប្រកាសបង្កើនទិដ្ឋាការដល់ទៅ ៥ ដងសម្រាប់ជនជាតិប៉ាឡេស្ទីននៅតំបន់ហ្គាហ្សាដែលចង់ចូលមកប្រទេសរបស់ខ្លួនជាមួយគ្រួសារពួកគេ ខណៈការប្រកាសនេះបានធ្វើឡើង នៅពេលដែលរដ្ឋមន្ត្រីក្រសួងការបរទេសកាណាដាចូលរួមក្នុងការថ្កោលទោសជាអន្តរជាតិ បន្ទាប់ពីការវាយប្រហារតាមអាកាសរបស់អ៊ីស្រាអែលទៅលើជំរុំជនភៀសខ្លួនប៉ាឡេស្ទីននៅទីក្រុង Rafah ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៨ ខែឧសភានេះ ។

យោងតាមរដ្ឋមន្ត្រីក្រសួងអន្តោប្រវេសន៍កាណាដា លោក Marc Miller បានឲ្យដឹងថា ទីក្រុង Ottawa នឹងបង្កើនចំនួនទិដ្ឋាការដល់ ៥,០០០ សម្រាប់ផ្តល់ជូនដល់អ្នករស់នៅក្នុងតំបន់ហ្គាហ្សា ក្រោមកម្មវិធីពិសេសមួយដែលបានប្រកាសនៅក្នុងខែធ្នូ ។
កាណាដាមានការព្រួយបារម្ភយ៉ាងខ្លាំងអំពីសោកនាដកម្មមនុស្សធម៌ដែលកំពុងកើតឡើងនៅតំបន់ហ្គាហ្សា និងមនុស្សជាច្រើនមានការព្រួយបារម្ភអំពីសាច់ញាតិរបស់ពួកគេដែលរស់នៅតំបន់ដែលកំពុងត្រូវបានឡោមព័ទ្ធមួយនេះ ប៉ុន្តែក៏បានសម្តែងការចាប់អារម្មណ៍យ៉ាងខ្លាំងចំពោះវិធានការពិសេសបណ្តោះអាសន្នដែលកាណាដាបានប្រកាសនេះ ។

គួរបញ្ជាក់ថា រដ្ឋាភិបាលកាណាដាកំពុងធ្វើការដើម្បីជួយដល់ប្រជាជនប៉ាឡេស្ទីនដែលព្យាយាមចាកចេញពីតំបន់ហ្គាហ្សា ប៉ុន្តែសកម្មភាពនាំមនុស្សចេញពីទឹកដីមួយនេះប្រហែលជាមិនអាចធ្វើទៅបានទេ ដោយសារគ្រប់យ៉ាងលើសពីការគ្រប់គ្រងរបស់ទីក្រុងអូតាវ៉ា ខណៈអ្នកនៅតំបន់ហ្គាហ្សាដែលមានបំណងចង់ចូលមកកាណាដា ត្រូវតែទទួលបានការយល់ព្រមពីអាជ្ញាធរអ៊ីស្រាអែលជាមុនសិន មុនពេលឆ្លងកាត់ការពិនិត្យនៅក្នុងប្រទេសអេហ្ស៊ីប ៕

អត្ថបទ៖ ប៊ុន សុភាព

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?