Connect with us

ព័ត៌មានអន្ដរជាតិ

កិច្ចសន្ទនាសន្តិសុខ Shangri-La រៀបចំឡើងនៅថ្ងៃនេះ បញ្ហាក្ដៅចំនួន ៣ នៅអាស៊ីនឹងលើកយកមកពិភាក្សា

បានផុស

នៅ

កិច្ចសន្ទនាសន្តិសុខ Shangri-La ដែលរៀបចំឡើងនៅក្នុងប្ររទេសិង្ហបុរី ចាប់ពីថ្ងៃទី៣១ ខែឧសភានេះតទៅ នឹងមានការអញ្ជើញចូលរួមពីមន្ត្រីអ្នកមុខអ្នកការមកពីបណ្ដាប្រទេសអាស៊ី និងលោកខាងលិច ជាពិសេសពិភពលោកនឹងតាមដានមិនដាក់ភ្នែកក្នុងជំនួបរវាងរដ្ឋមន្ត្រីការពារជាតិអាមេរិកលោក Lloyd Austin ជាមួយរដ្ឋមន្ត្រីការពារជាតិចិនលោក Dong Jun ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីរាយការណ៍ពីទីភ្នាក់ងារព័ត៌មាន Reuters បានឲ្យដឹងថា កិច្ចសន្ទនា Shangri-La នឹង​ពិភាក្សា​អំពី​បញ្ហា​សន្តិសុខ​ក្ដៅៗនៅ​តំបន់អាស៊ី​រួម​មាន ​ភាពតានតឹងនៅកោះ​តៃវ៉ាន់ សមុទ្រ​ចិន​ខាង​ត្បូង និង​បញ្ហានៅកូរ៉េ​ខាង​ជើងជាដើម ខណៈកិច្ចសន្ទនានេះទៀតសោត ​ក៏​ទំនង​ជា​មានការផ្លាស់ប្តូរ​យោបល់​លើ​ស្ថានភាពភ្លើងសង្គ្រាម​នៅ​អ៊ុយក្រែន និងនៅតំបន់ហ្គាហ្សា​ផងដែរ ។

ទោះយ៉ាងណា រុស្ស៊ីនឹងមិនមានវត្តមានចូលរួមកិច្ចសន្ទនា Shangri-La នៅឆ្នាំនេះនោះទេ ហើយក៏ជាការអាក់ខានក្នុងរយៈពេល ២ ឆ្នាំមកហើយ ពោលចាប់ពីឆ្នាំ ២០២២ មកម្ល៉េះ នៅពេលកងកម្លាំងទីក្រុងមូស្គូប្រកាសលើកទ័ពរាប់ម៉ឺននាក់ចូលវាយលុកអ៊ុយក្រែន ស្របពេលដែលគណៈប្រតិភូអ៊ីស្រាអែលក៏មិនបានកាន់ប៊ិចចុះហត្ថលេខាលើលិខិតចូលរួមក្នុងកិច្ចសន្ទនាសន្តិសុខប្រចាំឆ្នាំមួយនេះផងដែរ ។

ទាក់ទិននឹងបញ្ហានៅសមុទ្រចិនខាងត្បូង កិច្ចសន្ទនា Shangri-La នឹងពិភាក្សាអំពីកិច្ចសហប្រតិបត្តិការឆ្នាំឆ្នេរនៅក្នុងតំបន់ដែលកំពុងមានជម្លោះមួយនេះ រួមជាមួយនឹងដែនទឹកពាក់ព័ន្ធផ្សេងទៀត ហើយនឹងមានការអញ្ជើញចូលពីឆ្មាំឆ្នេរសមុទ្ររបស់សហរដ្ឋអាមេរិក និងហ្វីលីពីន ខណៈឆ្មាំឆ្នេរសមុទ្រជប៉ុនត្រូវបានអញ្ជើញឲ្យចូលរួមជាលើកដំបូង ។

ស្របពេលជាមួយគ្នានេះ កិច្ចសន្ទនា Shangri-La ក៏អាចថាជាជំនួបផ្ទាល់លើកដំបូងរវាងប្រមុខការពារជាតិអាមេរិក និងចិនផងដែរ ចាប់តាំងពីខែវិច្ឆិកា ឆ្នាំ ២០២២ មក ខណៈការផ្តោតសំខាន់គឺថាតើការចរចាទល់មុខគ្នានេះនឹងទាញឲ្យមានការបន្ធូរបន្ថយភាពតានតឹងក្នុងតំបន់ដែរឬយ៉ាងណា ចំពេលដែលប្រទេសទាំងពីរនៅតែមានជម្លោះលើតៃវ៉ាន់ និងសមុទ្រចិនខាងត្បូង ។

គួរបញ្ជាក់ថា កិច្ចសន្ទនា Shangri-La នឹងរៀបចំឡើងរយៈពេល ៣ ថ្ងៃ ពោលចាប់ពីថ្ងៃទី៣១ ខែឧសភាដល់ថ្ងៃទី២ ខែមិថុនានៅប្រទេសសិង្ហបុរី ហើយនឹងមានការអញ្ជើញចូលរួមពីសំណាក់មន្ត្រីរដ្ឋាភិបាល មេដឹកនាំអាជីវកម្ម និងអ្នកជំនាញផ្នែកសន្តិសុខប្រហែល ៦០០ នាក់មកពីជិត ៥០ ប្រទេសនៅទូទាំងពិភពលោក ខណៈសិង្ហបុរីក៏បានដាក់ពង្រាយកងកម្លាំងការពារ និងយាមកាមយ៉ាងតឹងរ៉ឹងផងដែរ ៕

ដោយ ៖ សុខ ជីវ័ន្ត

ចុចអាន ៖ អាស៊ីអាគ្នេយ៍និងបូព៌ា រឹបអូសថ្នាំញៀនមេតំហ្វេតាមីន បានច្រើនបំផុតក្នុងប្រវត្តិសាស្រ្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៦ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៦ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៩ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៩ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៨ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម