Connect with us

ព័ត៌មានអន្ដរជាតិ

ក្រោយ​​សាលក្រម​ថា​មាន​ទោស លោក ដូណាល់ ត្រាំ របូត​​ប្រាក់​អស់ ៥០០​លាន​​ដុល្លារ

បានផុស

នៅ

អតីត​ប្រធានាធិបតី​អាមេរិក លោក ដូណាល់ ត្រាំ ត្រូវ​បាន​​​រក​ឃើញ​ថា​មាន​ពិរុទ្ធ​ ពាក់ព័ន្ធ​នឹង​​បណ្ដឹង​ចំនួន ៣៤​ករណី អំពី​ការ​​ក្លែង​បន្លំ​ឯកសារ​ កាល​ពីថ្ងៃ​ព្រហស្បតិ៍​ទី​៣០​ ខែ​ឧសភា​កន្លង​ទៅ។ ក្រោយ​​ប្រកាស​សាលក្រម តម្លៃ​ភាគហ៊ុន​ក្រុមហ៊ុន​​របស់​លោក ដូណាល់ ត្រាំ បាន​ធ្លាក់​ចុះ​បន្តិច ដែល​​ធ្វើ​ឲ្យ​លោក​របូត​ប្រាក់​ពី​ក្នុង​ដៃ​អស់​ចំនួន ៥០០​លាន​​ដុល្លារ​ឯណោះ។

រូបភាព៖ AP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍​​​ព័ត៌មាន​​នៅ​លើ​វិបសាយ Forbes បាន​​បង្ហាញ​ថា ទ្រព្យ​សម្បត្តិ​សរុប​របស់​លោក ដូណាល់ ត្រាំ មាន​ចំនួន​ប្រមាណ ៧,៨​​ពាន់​លាន​ដុល្លារ គិត​ត្រឹម​​ម៉ោង​៤​ល្ងាច​នៅ​អាមេរិក ​ថ្ងៃ​ទី​៣០​​ ខែ​ឧសភា ឆ្នាំ​២០២៤។ ទំហំ​ទឹក​ប្រាក់​ប៉ុណ្ណេះ បាន​ជួយ​លើក​ឈ្មោះ​របស់​អតីត​ប្រធានាធិបតី​វ័យ​​៧៧​ឆ្នាំ​ឲ្យ​ឈរ​នៅ​លេខ​រៀង​​ទី​៣៣៤ នៃ​តារាង​​​​កំពូល​អ្នក​មាន​ទ្រព្យ​សម្បត្តិ​​បំផុត​លើ​ពិភពលោក។

Forbes បាន​​បញ្ជាក់​ទៀត​ថា ទ្រព្យ​​សម្បត្តិ​​គោល​របស់​លោក ត្រាំ មាន​ប្រភព​ចេញ​ពី​ចំណែក​ភាគ​ហ៊ុន​នៅ​ក្នុង​ក្រុមហ៊ុន Trump Media ដែល​​គិត​ជា​ប្រាក់​​ខ្ទង់ ៥,៩​ពាន់​លាន​ដុល្លារ។ យ៉ាង​​​ណា​មិញ ក្រោយ​​ការ​ប្រកាស​សាលក្រម​រួច ភាគហ៊ុន​​របស់​លោក ក៏​បាន​ធ្លាក់​ចុះ​​ប្រមាណ ៩% មក​សល់​ត្រឹម ៥,៤​ពាន់​លាន​ដុល្លារ។

រូបភាព៖ AFP

សូម​រំឭក​ថា អតីតប្រធានាធិបតីអាមេរិក លោក ដូណាល់ ត្រាំ ត្រូវបានរកឃើញថាមានពិរុទ្ធ ពីបទក្លែងបន្លំកំណត់ត្រាអាជីវកម្មដើម្បីជួយដល់ការជាប់ឆ្នោតឆ្នាំ២០១៦ ហើយករណីនេះក៏ពាក់ព័ន្ធនឹងការចោទប្រកាន់ថា លោកបានបង់ប្រាក់បំបិទមាត់ដល់តារាសិច Stormy Daniels ផងដែរ នាំឲ្យលោក ត្រាំ ក្លាយជាប្រធានាធិបតីអាមេរិកដំបូងគេ ដែលត្រូវបានកាត់ទោសពីបទឧក្រិដ្ឋធ្ងន់ធ្ងរ។

ទោះបីជាយ៉ាងណាក៏ដោយ ក្រោយការប្រកាសសាលក្រមភ្លាម លោក ត្រាំ បានប្រាប់ទៅអ្នកយកព័ត៌មានមួយរំពេចថា “នេះគឺជាការកាត់ក្តីដ៏ឃោរឃៅ និងគួរឲ្យអាម៉ាស់បំផុត។ សាលក្រមពិតនឹងធ្វើឡើងនៅថ្ងៃទី៥ ខែវិច្ឆិកាដោយប្រជាជនអាមេរិក។ ​យើង​នឹង​បន្ត​ប្រយុទ្ធ! យើង​នឹង​តស៊ូ​ដល់​ទី​បញ្ចប់ ហើយ​យើង​នឹង​ឈ្នះ”។

ការ​​កាត់​ទោស​​លោក ត្រាំ នឹង​ធ្វើ​ឡើង​ម្ដង​ទៀត​​នៅ​ថ្ងៃ​ទី​១១ ខែ​កក្កដា​ខាង​មុខ។ បើ​តាម​អ្នក​ជំនាញ បាន​ឲ្យ​ដឹង​ថា លោក ត្រាំ ទំនង​ជា​មិន​ត្រូវ​កាត់​ទោស​ឲ្យ​ជាប់​ពន្ធនាគារ​នោះ​ឡើយ ព្រោះ​លោក​​ទើប​ជាប់​បទ​ល្មើស​​ជា​លើក​ដំបូង ហើយ​​ទោស​ដែល​លោក​​ប្រព្រឹត្ត​ជា​ប្រភេទ​ឧក្រិដ្ឋកម្ម​បន្លំ​ឯកសារ​​អហិង្សា​ប៉ុណ្ណោះ៕

ដោយ៖ ឈាង

អានបន្ថែម៖ លោក ត្រាំ ក្លាយជាប្រធានាធិបតីអាមេរិកដំបូងគេ ត្រូវបានកាត់ទោសពីបទឧក្រិដ្ឋធ្ងន់ធ្ងរ

តើលោក ត្រាំ អាចឈរឈ្មោះជាបេក្ខជនប្រធានាធិបតីបានទេ ក្រោយត្រូវកាត់ទោស?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣០ នាទី មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ២ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៣ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៥ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៦ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១១ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៩ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៣ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៥ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១០ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម