Connect with us

ព័ត៌មានអន្ដរជាតិ

UN៖​​ ប្រជាជនស៊ូដង់ជាង ១០ លាននាក់បានភៀសខ្លួនចេញពីផ្ទះសម្បែង ខណៈសង្គ្រាមនៅតែបន្ត

បានផុស

នៅ

ចំនួនអ្នកផ្លាស់ទីលំនៅ​ក្នុងប្រទេសស៊ូដង់បានកើនឡើងដល់ជាង ១០ លាននាក់ ខណៈដែលសង្រ្គាមបានបង្ខំឱ្យប្រជាជនប្រហែលមួយភាគបួននៃប្រជាជនស៊ូដង់សរុបភៀសខ្លួនចេញពីផ្ទះរបស់ពួកគេ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី​១១ ខែ មិថុនា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមអ្នកនាំពាក្យរបស់អង្គការ​អន្តោប្រវេសន៍​អន្តរជាតិ (IOM) បានឲ្យដឹងថា ប្រជាជនស៊ូដង់ជាង ២លាននាក់ផ្សេងទៀតត្រូវបានបង្ខំឲ្យចាកចេញទៅក្រៅប្រទេស ដែលភាគច្រើនទៅកាន់ប្រទេសជិតខាងដូចជា សាធារណរដ្ឋ​ឆាដ ស៊ូដង់ខាងត្បូង និងអេហ្ស៊ីប​ ខណៈជនភៀសខ្លួនក្នុងប្រទេសរួមមាន ២,៨លាននាក់ ដែលបានភៀសខ្លួនចេញពីផ្ទះរបស់ពួកគេតាំងពីមុនពេលសង្រ្គាមបច្ចុប្បន្នចាប់ផ្តើម។ បូករួមចំនួនជនភៀសខ្លួន​ទាំង​នៅ​ក្នុង​ និង​ទៅ​​ក្រៅប្រទេស​គឺ ច្រើនជាងមួយភាគបួននៃ​ចំនួន​​របស់​ប្រជាជនស៊ូដង់​​សរុប​ ៤៧លាននាក់។

បច្ចប្បន្នការភៀសខ្លួននេះកំពុងកើតឡើងដោយសារការគំរាមកំហែងឥតឈប់ឈរនៃការបាញ់ប្រហារ រួមជាមួយនឹងគ្រោះទុរ្ភិក្ស ជំងឺ និងអំពើហិង្សាលើជនជាតិភាគតិច និងការរើស​អើង​ភេទ។ ខណៈទីភ្នាក់ងារស្បៀងអាហាររបស់អង្គការសហប្រជាជាតិក៏បានព្រមានភាគីសង្រ្គាមថា មានហានិភ័យធ្ងន់ធ្ងរដល់ភាពអត់ឃ្លាន និងការកើនឡើងនៃចំនួនអ្នកស្លាប់នៅក្នុងតំបន់ភាគខាងលិច​នៃទីក្រុង Darfur និងកន្លែងផ្សេងទៀតក្នុងប្រទេសស៊ូដង់ ប្រសិនបើមិនមានការផ្ដល់ជំនួយមនុស្សធម៌។

គួរបញ្ជាក់ថា ជម្លោះចុងក្រោយបង្អស់របស់ស៊ូដង់បានចាប់ផ្តើមនៅក្នុងខែមេសាឆ្នាំមុន ដោយសារភាពតានតឹងកាន់តែខ្លាំងឡើងរវាង​យោធា​រដ្ឋ និងកងកម្លាំងប៉ារ៉ាយោធា Rapid Support Forces ដែល​បានផ្ទុះឡើងបណ្ដាលឲ្យមានការប្រយុទ្ធបើកចំហនៅក្នុងរដ្ឋធានី Khartoum និងកន្លែងផ្សេងទៀតនៅក្នុងប្រទេស។ សង្រ្គាមនេះបានបំផ្លាញប្រទេសស៊ូដង់យ៉ាងធ្ងន់ធ្ងរនិងបានសម្លាប់មនុស្សជាង ១៤,០០០ នាក់និងរបួសរាប់ពាន់នាក់ទៀត ខណៈកំពុងរុញច្រានប្រជាជនទូទាំងប្រទេស​ឲ្យ​​ឆ្ពោះ​រកគ្រោះទុរ្ភិក្ស៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

រដ្ឋមន្ត្រីក្រសួង​ការងារ ៖ TVET មាន​តួនាទី​សំខាន់​មិនអាច​ខ្វះ​បាន​ក្នុងការ​អភិវឌ្ឍន៍​មូលធន​មនុស្ស

ព័ត៌មានជាតិ២ ម៉ោង មុន

សម្ដេចតេជោ ហ៊ុន សែន រម្លឹក​ឱ្យប្រុង​ប្រយ័ត្ន​ fake account/Profile ដែល​ក្លែងបន្លំ​ដាក់ឈ្មោះ សម្ដេចកិត្តិព្រឹទ្ធ​បណ្ឌិត​ ប៊ុន រ៉ានី ហ៊ុន សែន

ព័ត៌មានជាតិ៣ ម៉ោង មុន

សិស្ស និស្សិត យុវជន និង​សាធារណជន​ប្រមាណ ២៥០​នាក់ ទទួល​បានការ​កាត់សក់ ដោយ​ឥតគិតថ្លៃ ពី​សមាគម​មិត្ត​យើង

ព័ត៌មានជាតិ៤ ម៉ោង មុន

លោកជំទាវ​បណ្ឌិត ពេ​ជ ចន្ទ​មុន្នី ហ៊ុន​ម៉ា​ណែ​ត​ ៖ ក្រោយ​ទទួល​បាន​សញ្ញាបត្រ និស្សិត​ជ័យលាភី​គប្បី​យកចំណេះ​ដឹង ​ទៅ​អនុវត្ត​ការងារ​ប្រកបដោយ​ប្រសិទ្ធភាពដើម្បី​ឆ្លើយតប​តម្រូវការ​ជាក់​ស្តែង

ព័ត៌មានជាតិ៥ ម៉ោង មុន

សម្តេច ម៉ែន សំអន ណែនាំឱ្យអតីតយុទ្ធជនរៀបចំផ្ទះសម្បែង និងបង្កង្កើនផល ដើម្បីនិរន្តរភាពជីវភាពគ្រួសារ

Sokha Hotels

ព័ត៌មានពេញនិយម