Connect with us

ព័ត៌មានអន្ដរជាតិ

ពូទីន៖ រុស្ស៊ី ឥតចេះខ្វះអាវុធទេ មិនបាច់ទៅពឹងអ្នកណាឡើយ

បានផុស

នៅ

ថ្លែងទៅកាន់អ្នកកាសែតពាក់ព័ន្ធការគ្រប់គ្រងអាវុធរបស់ក្រសួងការពារជាតិរុស្ស៊ី លោកប្រធានាធិបតី វ្ល៉ាឌីមៀរ ពូទីន បញ្ជាក់យ៉ាងច្បាស់ថា ទីក្រុងមូស្គូ មិនខ្វះទេអាវុធដើម្បីធានាសន្តិសុខជូនជាតិ ហើយមិនចាំបាច់ទៅពឹងអ្នកណាឡើយ។

(រូបថត៖ វិមានក្រឹមឡាំង)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា “គ្រប់យ៉ាងដូចជាការផ្គត់ផ្គង់អាវុធដល់កងទ័ព និងការបញ្ជាទិញគ្រឿងសឹកសំខាន់ៗ គឺអាស្រ័យលើក្រសួងការពារជាតិ។ រឿងនេះ យើងអាចពឹងផ្អែកលើខ្លួនឯងបាន។ គ្មាននរណាមកជួយយើង ឬបរិច្ចាគអ្វីឡើយ។ យើងអាចធ្វើវាបាន ហើយទទួលជោគជ័យទៀតផង”។

សូមបញ្ជាក់ថា រុស្ស៊ី បានសម្រុកបង្កើនឧស្សាហកម្មការពារជាតិ ស្របពេលភ្លើងសង្គ្រាមជាមួយអ៊ុយក្រែន នៅតែបន្តឆាបឆេះ ហើយកាលពីខែឧសភាកន្លងទៅ ប្រធានក្រុមហ៊ុនការពារជាតិ Rostec លោក Sergey Chemezov អះអាងថា ការផលិតគ្រាប់កាំភ្លើងធំ បានកើនឡើង ១០ ដង រីឯការផលិតកាំភ្លើងខ្លីបានកើនឡើង ១៤ ដង។

(រូបថត៖ AP)

មិនត្រឹមប៉ុណ្ណឹង ការផលិតគ្រាប់សម្រាប់រថក្រោះ និងយានប្រយុទ្ធថ្មើរជើង ក៏ហក់ឡើង ៩០០%, កាំភ្លើងធំកើន៦០០% និងគ្រាប់បែកសម្រាប់ប្រព័ន្ធរ៉ុកកែតពហុមុខងារ ក៏កើនឡើង៨០០%ផងដែរ។

យ៉ាងណាក្តី សមត្ថភាព​ឧស្សាហកម្ម​ការពារជាតិ​របស់​រុស្ស៊ី​ កំពុងចោទជា​ក្តីបារម្ភ​យ៉ាងខ្លាំងក្នុងចំណោម​អ្នក​គាំទ្រ​លោកខាងលិច​ ព្រោះថា អ៊ុយក្រែន គឺពឹងផ្អែកសឹងតែទាំងស្រុងលើជំនួយយោធាបរទេសក្នុងជម្លោះជាមួយទីក្រុងមូស្គូនេះ។

(រូបថត៖ AP)

កាលពីខែកុម្ភៈ កាសែត The Guardian រាយការណ៍ថា កំណើននៃផលិតកម្មឧស្សាហកម្មការពារជាតិរបស់រុស្ស៊ី គឺខ្ពស់ជាងអ្វីដែលអ្នកជំនាញលោកខាងលិច សន្និដ្ឋានទៅទៀត។

គ្មានអ្វីត្រូវសង្ស័យឡើយ សហរដ្ឋអាមេរិក គឺជាអ្នកផ្តល់ជំនួយធំបំផុតរបស់ទីក្រុងកៀវ ពោលគិតត្រឹមពេលនេះគឺជួយអស់ទឹកប្រាក់ ៥៣.៨៩ពាន់លានដុល្លារហើយ ចំណែក អាល្លឺម៉ង់​ស្ថិត​នៅ​លំដាប់​ទី​២ជួយអស់ ១០.៩២ពាន់លានដុល្លារនិង​ចក្រភព​អង់គ្លេស ឈរលេខ៣ ជួយអស់៩.៤២ ពាន់លានដុល្លារ៕

អត្ថបទ៖ សុខ សុវណ្ណ

ចុចអាន៖ រុស្ស៊ី-កូរ៉េខាងជើង នឹងជួយគ្នា បើបរទេសណា ហ៊ានឈ្លានពាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

សន្តិសុខសង្គម១៦ ម៉ោង មុន

ព័ត៌មានបឋម! ជនមិនស្គាល់មុខចាក់សម្លាប់​យុវជនម្នាក់នៅផ្ទះជួលជាន់ទី៣

សេដ្ឋកិច្ច១៧ ម៉ោង មុន

ចាយទុនត្រឹម ១០០ដុល្លារ ធ្វើកាដូមង្គលការ រកប្រាក់​ចំណូលខ្ទង់១ពាន់ដុល្លារ

ព័ត៌មានអន្ដរជាតិ១៨ ម៉ោង មុន

ដំណឹងល្អ! អាមេរិក ធ្វើតេស្តវ៉ាក់សាំងជំងឺអេដស៍ ជោគជ័យ១០០%

ព័ត៌មានជាតិ២១ ម៉ោង មុន

​​ផ្លូវអន្ទង់អាំង​លើ​​ភ្នំ ១០០៥ ដាក់អាទិភាពដាំ​កូន​ឈើ​ព្រៃ​ត្រូពិក​​កម្រ​ ២ ម៉ឺន​ដើម ដើម្បីស្តារព្រៃឈើ​ធម្មជាតិឡើងវិញ

Sokha Hotels

ព័ត៌មានពេញនិយម