ព័ត៌មានអន្ដរជាតិ
ស្លាប់១៦នាក់ របួសជាង៥០នាក់ ក្រោយអ៊ីស្រាអែលវាយប្រហារសាលារៀនមួយកន្លែងនៅហ្គាហ្សា
យ៉ាងហោចណាស់ មនុស្ស១៦នាក់ ត្រូវបានសម្លាប់ និងមនុស្សជាង៥០នាក់ រងរបួស នៅក្នុងការវាយប្រហារនៅចំសាលារៀនមួយកន្លែង ដែលជាកន្លែងភៀសខ្លួនរបស់ជនជាតិប៉ាឡេស្ទីន កាលពីថ្ងៃទី៦ ខែកក្កដា ឆ្នាំ២០២៤។ នេះបើយោងតាមរបាយការណ៍របស់ក្រសួងសុខាភិបាលប៉ាឡេស្ទីន។
យោធាអ៊ីស្រាអែល បានប្រាប់ថា ការវាយប្រហារនេះ មានគោលដៅចង់បង្ក្រាបជនសកម្មប្រយុទ្ធហាម៉ាស ហើយសម្រាប់ប្រតិបត្តិការនេះទៀតសោត ខ្លួនបានធ្វើការយ៉ាងប្រុងប្រយ័ត្ន ដើម្បីកាត់បន្ថយហានិភ័យដល់ជនស៊ីវិល។ អ៊ីស្រាអែល បន្តថា ក្រុមហាម៉ាស បានយកតំបន់ភៀសខ្លួនក្នុងសាលារៀន នៅជុំរុំ Al-Nuseirat ធ្វើជាកន្លែងលាក់ខ្លួន ដើម្បីរៀបចំផែនការ និងវាយប្រហារប្រឆាំងនឹងទាហានអ៊ីស្រាអែល។
លោក Mohamoud Basal អ្នកនាំពាក្យនៃសេវាសង្គ្រោះបន្ទាន់ជនស៊ីវិលនៅហ្គាហ្សា បាននិយាយនៅក្នុងសេចក្ដីថ្លែងការណ៍មួយថា ចំនួនអ្នកស្លាប់អាចកើនឡើងបន្តទៀត ដោយសារតែអ្នករងរបួសជាច្រើនស្ថិតនៅក្នុងស្ថានភាពធ្ងន់ធ្ងរខ្លាំង។ អ្នកនាំពាក្យរូបនេះ បន្តថា ការវាយប្រហារនេះ បានឆ្លុះបញ្ចាំងឲ្យឃើញថា គ្មានកន្លែងណានៅក្នុងតំបន់ហ្គាហ្សាអាចជាកន្លែងសុវត្ថិភាពទេ បើទោះជាមានប្រជាពលរដ្ឋបានសម្រេចចាកចេញពីផ្ទះសម្បែងពួកគេ មកស្នាក់នៅជុំរុំភៀសខ្លួន ដើម្បីគេចពីគ្រោះថ្នាក់ក៏ដោយ។
សូមបញ្ជាក់ថា Al-Nuseirat គឺជាជុំរុំភៀសខ្លួនមួយ ក្នុងចំណោមជុំរុំភៀសខ្លួនចំនួន៨ នៅតំបន់ហ្គាហ្សាស្ទ្រីប ហើយជាកន្លែងដែលអ៊ីស្រាអែលឧស្សាហ៍ទម្លាក់គ្រាប់បែកសម្រាប់វាយប្រហារក្រុមសកម្មប្រយុទ្ធឥស្លាម។ តួយ៉ាងដូចជា កាលពីដើមសប្ដាហ៍ អ៊ីស្រាអែល បានវាយប្រហារតាមដែនអាកាសចំផ្ទះមួយកន្លែង ហើយសម្លាប់មនុស្សយ៉ាងហោចណាស់ ១០នាក់ និងរបួសជាច្រើននាក់។
នៅក្នុងការវាយប្រហារតាមដែនអាកាសដាច់ដោយឡែកពីគ្នាមួយទៀតកាលពីថ្ងៃទី៦ ខែកក្កដា ក៏បានបង្កឲ្យមានអ្នកកាសែតក្នុងស្រុកចំនួន ៥នាក់ បាត់បង់ជីវិត ដែលធ្វើឲ្យតួលេខអ្នកកាសែតដែលបានស្លាប់សរុបមានចំនួនដល់ ១៥៨នាក់ បើគិតចាប់តាំងពីថ្ងៃទី៧ ខែតុលា ឆ្នាំ២០២៣។
មន្ត្រីសុខាភិបាលហ្គាហ្សា បានប្រកាសថា មានប្រជាជនប៉ាឡេស្ទីនច្រើនជាង ៣៨ ០០០នាក់ ត្រូវបានសម្លាប់ ក្នុងការវាយលុករបស់អ៊ីស្រាអែល។ យ៉ាងណាមិញ តួលេខនេះ មិនបានបែងចែកថា មានជនស៊ីវិលប៉ុន្មាននាក់ ឬក៏ក្រុមហាម៉ាសប៉ុន្មាននាក់នោះទេ ដោយគ្រាន់តែប្រាប់ថា អ្នកស្លាប់ភាគច្រើនគឺជាជនស៊ីវិល។
ដោយឡែក ភាគីអ៊ីស្រាអែលវិញ បានអះអាងថា ខ្លួនបានបាត់បង់ទាហានចំនួន ៣២៣នាក់។ អ៊ីស្រាអែល បានបញ្ជាក់ថា ក្នុងចំណោមជនដែលខ្លួនបានសម្លាប់នៅហ្គាហ្សា មាន១ភាគ៣គឺជាក្រុមសកម្មប្រយុទ្ធ។
គួរបញ្ជាក់ថា អ៊ីស្រាអែល បានបើកការវាយលុកសងសឹក ក្នុងគោលបំណងកម្ចាត់ក្រុមហាម៉ាស ដើម្បីជាការឆ្លើយតបទៅនឹងការវាយប្រហាររបស់ក្រុមសកម្មប្រយុទ្ធមួយនេះ ដែលធ្វើឡើងកាលពីថ្ងៃទី៧ ខែតុលាកន្លងទៅ ហើយបានបណ្ដាលឲ្យមនុស្សស្លាប់អស់ ១២០០នាក់ និងមានជាង ២៥០នាក់ផ្សេងទៀត ត្រូវបានចាប់ធ្វើជាចំណាប់ខ្មាំង៕
ដោយ៖ ឈាង
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ