ព័ត៌មានអន្ដរជាតិ
កូរ៉េខាងត្បូង ព្រមានថា កូរ៉េខាងជើងអាចបាញ់មីស៊ីលកៀកពេលបោះឆ្នោតនៅអាមេរិក
រដ្ឋាភិបាលក្រុងព្យុងយ៉ាង ទំនងជាអាចពិចារណាបាញ់សាកល្បងមីស៊ីលនុយក្លេអ៊ែររបស់ខ្លួន កៀកពេលបោះឆ្នោតនៅសហរដ្ឋអាមេរិកនាខែវិច្ឆិកាខាងមុខ បន្ទាប់ពីលោក គីម ជុងអ៊ុន មេដឹកនាំកូរ៉េខាងជើងបានបង្ហាញពីសមត្ថភាពក្បាលគ្រាប់ថ្មីបំពាក់លើមីស៊ីល ដែលអាចមានសមត្ថភាពវាយប្រហារដល់ទឹកដីអាមេរិក និងបណ្ដាសម្ព័ន្ធមិត្តអាមេរិកនៅក្នុងតំបន់អាស៊ី។ នេះបើយោងតាមការលើកឡើងរបស់លោក Shin Wonsik រដ្ឋមន្ត្រីការពារជាតិកូរ៉េខាងត្បូង នៅទីក្រុងតូក្យូ កាលពីថ្ងៃទី២៨ខែកក្កដា ក្នុងពេលកំពុងចុះកិច្ចព្រមព្រៀងកិច្ចសហប្រតិបត្តិការសន្តិសុខជាមួយជប៉ុន និងសហរដ្ឋអាមេរិក។
លោក Shin បាននិយាយថា កូរ៉េខាងជើងអាចបាញ់សាកល្បងមីស៊ីលមុនឬក្រោយពេលអាមេរិកបោះឆ្នោតរើសប្រធានាធិបតីថ្មី ដើម្បីបង្ហាញពីអនុភាពរបស់ខ្លួនប្រឆាំងនឹងប្រទេសមហាអំណាច។ រដ្ឋាភិបាលក្រុងព្យុងយ៉ាង តែងមានទម្លាប់បង្ករឿងនៅរាល់ពេលមានព្រឹត្តិការណ៍នយោបាយសំខាន់ៗលើពិភពលោក។
ពេលលោក ដូណាល់ ត្រាំ ធ្វើជាប្រធានាធិបតីអាមេរិកកាលពីអាណត្តិមុន កូរ៉េខាងជើងធ្លាប់បានបដិសេធនូវការអះអាងរបស់លោក ត្រាំ ដែលថាលោកមានទំនាក់ទំនងល្អជាមួយលោក គីម ជុងអ៊ុន។ លុះដល់ពេលលោក ចូ បៃដិន ឡើងកាន់តំណែងបន្ត កូរ៉េខាងជើងរឹតតែមានទំនាក់ទំនងមិនល្អថែមទៀតជាមួយអាមេរិក ហើយបានប្រកាសមិនចូលរួមបន្តកិច្ចចរចាលើការរំសាយអាវុធនុយក្លេអ៊ែរដែលបានជាប់គាំងអស់រយៈពេលជាយូរណាស់មកហើយ។
កាលពីខែកញ្ញាឆ្នាំ២០១៧ កូរ៉េខាងជើងបានបាញ់សាកល្បងគ្រាប់បែកបរមាណូដ៏ខ្លាំងក្លាបំផុតរបស់ខ្លួន ដែលមានថាមពលផ្ទុះចន្លោះពី ១២០ទៅ២៥០គីឡូតោន។ វិទ្យាស្ថានកូរ៉េខាងត្បូងសម្រាប់ការវិភាគការពារជាតិ បាននិយាយកាលពីឆ្នាំ២០២៣ថា កូរ៉េខាងជើងអាចមានក្បាលគ្រាប់នុយក្លេអ៊ែរបែបនេះប្រមាណពី ៨០ទៅ៩០គ្រាប់ ហើយលោក គីម ជុងអ៊ុន គ្រោងបង្កើនឲ្យបានពី ១០០ទៅ៣០០គ្រាប់នាពេលខាងមុខ។
ជាវិធានការទប់ស្កាត់ អាមេរិក ជប៉ុន និងកូរ៉េខាងត្បូង បានចាប់ផ្ដើមសហការគ្នាកាលពីខែធ្នូឆ្នាំ២០២៣ ដើម្បីផ្ដល់ដំណឹងឲ្យគ្នាភ្លាមៗពាក់ព័ន្ធនឹងការបាញ់មីស៊ីលរបស់ក្រុងព្យុងយ៉ាង និងបង្កើតនិតីវិធីប្រតិបត្តិការស្ដង់ដារមួយសម្រាប់ការផ្លាស់ប្ដូរព័ត៌មាន៕
ដោយ៖ ឈាង
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា