ព័ត៌មានអន្ដរជាតិ
មនុស្សស្លាប់១៥នាក់ ក្នុងហេតុការណ៍ផ្ទុះឆេះរោងចក្រផលិតថ្នាំពេទ្យនៅឥណ្ឌា
យ៉ាងហោចណាស់មនុស្ស ១៥នាក់បានស្លាប់នៅក្នុងហេតុការណ៍ផ្ទុះឆេះរោងចក្រផលិតថ្នាំពេទ្យមួយកន្លែង កាលពីរសៀលថ្ងៃទី២១ខែសីហា នៅរដ្ឋ Andhra Pradesh ភាគខាងត្បូងប្រទេសឥណ្ឌា។
អធិការប៉ូលិសប្រចាំតំបន់កើតហេតុ លោក M. Deepika បានប្រាប់ទីភ្នាក់ងារព័ត៌មាន Reuters ថា៖ «ចំនួនអ្នកស្លាប់គិតត្រឹមពេលនេះគឺ ១៥នាក់ ហើយទំនងជាកើនឡើងថែមទៀត។ មនុស្សជិត ៤០នាក់បានរងរបួស។ ប្រតិបត្តិការជួយសង្គ្រោះកំពុងដំណើរការ»។
អគ្គិភ័យបានឆាបឆេះនៅពេលរសៀលនៅឯអង្គភាពផលិតកម្ម 16HA នៃរោងចក្រ Escientia Advanced Sciences ដែលជាកន្លែងផលិតឱសថឯកជនដែលបើកដំណើរការតាំងពីឆ្នាំ២០១៩។ អ្នករងរបួសត្រូវបានបញ្ជូនទៅមន្ទីរពេទ្យក្បែរកន្លែងកើតហេតុ ហើយមូលហេតុសង្ស័យអាចបណ្ដាលមកពីការផ្ទុះម៉ាស៊ីនរ៉េអាក់ទ័រគីមីនៅក្នុងរោងចក្រ។
រោងចក្រ Escientia មិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។ យ៉ាងណា រដ្ឋាភិបាលឥណ្ឌា បានបញ្ជាឲ្យមានការស៊ើបអង្កេតលើឧប្បត្តិហេតុនេះ។
សូមរំឭកថា ក្នុងឆ្នាំ២០២៣ មានមនុស្ស២នាក់បានស្លាប់ និង៥នាក់ផ្សេងទៀតបានរងរបួស នៅក្នុងឧបទ្ទវហេតុអគ្គិភ័យស្រដៀងគ្នានេះ ដែលបានផ្ទុះម៉ាស៊ីនរ៉េអាក់ទ័រប្រើសម្រាប់រំលាយសារធាតុគីមីចូលគ្នា នៅឯរោងចក្រ Sahithi Pharma ក្នុងទីក្រុង Anakapalli៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ