ព័ត៌មានអន្ដរជាតិ
ថៃ រកចំណូលបាន ១,៨លានដុល្លារពីការដេញថ្លៃផ្លាកលេខពិសេស
នាយកដ្ឋានដឹកជញ្ជូនផ្លូវគោករបស់ប្រទេសថៃ ទទួលបានប្រាក់ចំនួន៦១លានបាត ស្មើនឹងជិត១,៨លានដុល្លារ តាមរយៈការដេញថ្លៃផ្លាកលេខពិសេសចំនួន៤៩។
លោក Jirut Wisaljit ប្រធាននាយកដ្ឋានដឹកជញ្ជូនផ្លូវគោក បាននិយាយថា ការដេញថ្លៃនៅថ្ងៃទី៣១ខែសីហា បានទាក់ទាញចំណាប់អារម្មណ៍ពីអ្នកបើកបរយានយន្តជាច្រើន ហើយនាយកដ្ឋានបានលក់ផ្លាកលេខដោយជោគជ័យចំនួន៤៩ផ្លាក ដែលផ្លាកលេខទាំងនោះភាគច្រើនទាក់ទងនឹងអត្ថន័យនៃពាក្យសំណាង ឬក៏ជោគជ័យ។
ផ្លាកលេខក្នុងប្រទេសថៃ បង្ហាញជាអក្សរថៃ និងលេខរួមបញ្ចូលគ្នា ប៉ុន្តែនាយកដ្ឋានបានបង្កើតផ្លាកលេខពិសេសដែលមានពាក្យទាក់ទងនឹងអត្ថន័យនៃ «សំណាង» ជាភាសាថៃ ដើម្បីរៃអង្គាសប្រាក់សម្រាប់មូលនិធិសុវត្ថិភាពផ្លូវថ្នល់ ព្រមទាំងជួយដល់ជនរងគ្រោះថ្នាក់ចរាចរណ៍ផងដែរ។
នេះគឺជាការដេញថ្លៃលើកទី៨នៃផ្លាកលេខពិសេសដែលធ្វើឡើងដោយនាយកដ្ឋានដឹកជញ្ជូនផ្លូវគោកថៃ។ ក្នុងការដេញថ្លៃលើកនេះ មានផ្លាកលេខចំនួន៥ អាចទាញចំណូលបានច្រើនជាងគេ ដូចជា៖
- Samret 1: លក់ក្នុងតម្លៃ ៥,០៤លានបាត
- Sabay 1: ៣,០៤លានបាត
- Munkong 1: ៣,០៤លានបាត
- Saksit 1: ៣,០២លានបាត
- Larp 8888: ២,៣១លានបាត
លោក Jirut បានបញ្ជាក់ថា ផ្លាកលេខទាំងនោះត្រូវបានរចនាឡើងយ៉ាងពិសេសមិនងាយខូច ខុសពីផ្លាកលេខយានយន្តធម្មតាទេ ហើយផ្លាកទាំងនោះទៀតសោតអាចផ្ទេរ ឬទុកប្រើតកូនតចៅបាន៕
ដោយ៖ ឈាង
-
ព័ត៌មានអន្ដរជាតិ១០ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម២ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា១១ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ១ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានជាតិ៣ ថ្ងៃ agoកូរ៉េខាងត្បូង ស្នើឲ្យ កម្ពុជា ធ្វើម្ចាស់ផ្ទះសន្និសីទ ICPC លើកទី ២