ព័ត៌មានអន្ដរជាតិ

អ៊ុយក្រែនបាញ់ឃ្លាំងសន្និធិប្រេងនៅគ្រីមា

បានផុស

៦ ខែ មុន

នៅ

ថ្ងៃចន្ទ ៧ តុលា ២០២៤

ដោយ

កងកម្លាំងនៃប្រទេសអ៊ុយក្រែនដែលកំពុងប្រយុទ្ធក្នុងសង្គ្រាមជាមួយប្រទេសរុស្ស៊ី បានវាយប្រហារឃ្លាំងសន្និធិ(stock) ប្រេងមួយកន្លែងនៅតំបន់ Feodosia នៃទឹកដីគ្រីមា (Crimea) ក្នុងការវាយប្រហារដោយយន្តហោះគ្មានមនុស្សបើកកាលពីព្រឹកថ្ងៃចន្ទទី៧ខែតុលា។ នេះបើយោងតាមការផ្សាយរបស់ Kyiv Post។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានដែលបានយោងខ្លឹមសារបញ្ជាក់របស់អគ្គសេនាធិការអ៊ុយក្រែន បានផ្សាយសារថា ឃ្លាំងប្រេងគោលដៅត្រូវបានដាក់គោលដៅជាស្ថានីយប្រេងតំបន់សមុទ្រ ដែលជាមជ្ឈមណ្ឌលដឹកជញ្ជូនប្រេងដ៏ធំបំផុតរបស់គ្រីមា ដែលយន្តហោះគ្មានមនុស្សបើករបស់អ៊ុយក្រែនបានវាយប្រហារក្នុងឧប្បត្តិហេតុកន្លងមក។

ស្ថានីយប្រេងនោះមានសមត្ថភាពផ្ទុកប្រេងរហូតដល់ ២៥ម៉ឺនម៉ែត្រគូប។ នៅគ្រីមាមានស្ថានីយធំបែបនេះចំនួនពីរ ជាមួយនឹងស្ថានីយទីពីរនៅក្នុង Sevastopol ដែលកាន់កាប់។

អគ្គសេនាធិការអ៊ុយក្រែនបានរាយការណ៍ថា៖«អង្គភាពមីស៊ីលរបស់អ៊ុយក្រែន ដែលធ្វើការជាមួយកងកម្លាំងការពារជាតិផ្សេងទៀត បានអនុវត្តប្រតិបត្តិការនេះ ជាផ្នែកនៃកិច្ចខិតខំប្រឹងប្រែងបន្តដើម្បីធ្វើឱ្យចុះខ្សោយនូវហេដ្ឋារចនាសម្ព័ន្ធយោធា និងសេដ្ឋកិច្ចរបស់រុស្ស៊ី»៕

រ៉ាន់ រើយ