ព័ត៌មានអន្ដរជាតិ
កូរ៉េខាងជើងបញ្ជូនទ័ពទៅរុស្ស៊ី ជាថ្នូរដោះដូរនឹងរបស់៣យ៉ាងនេះ!
បើតាមរបាយការណ៍ជាហូរហែកាលពីពេលថ្មីៗ កូរ៉េខាងជើងបានបញ្ជូនកងកម្លាំងប្រមាណ ១ម៉ឺននាក់ទៅប្រទេសរុស្ស៊ី ដើម្បីត្រៀមគាំទ្រការប្រយុទ្ធជាមួយអ៊ុយក្រែន ហើយក្នុងពេលខាងមុខនឹងមានការបញ្ជូនកងកម្លាំងរាប់ពាន់នាក់ជាបន្តបន្ទាប់បន្ថែមទៀត។ មន្ត្រីយោធា និងភ្នាក់ងារចារកម្មកូរ៉េខាងត្បូង បានបង្ហើបថា ការបញ្ជូនទ័ពរបស់កូរ៉េខាងជើងនេះ ធ្វើឡើងដើម្បីជាថ្នូរដោះដូរនឹងរបស់ចំនួន៣យ៉ាងពីរុស្ស៊ី។
ភ្នាក់ងារស៊ើបការណ៍សម្ងាត់កូរ៉េខាងត្បូង NIS បានរាយការណ៍ថា ទាហានកូរ៉េខាងជើងដែលត្រូវបានដាក់ពង្រាយនៅរុស្ស៊ី ទទួលបានប្រាក់កម្រៃប្រមាណ ២ពាន់ដុល្លារក្នុង១ខែ។ បច្ចុប្បន្ន ទាហានកូរ៉េខាងជើងមានចំនួនប្រហែល ១ម៉ឺននាក់លើទឹកដីរុស្ស៊ី ដែលនាំឲ្យការចំណាយរបស់ក្រុងមូស្គូទៅលើពួកគេមានច្រើនជាង ២០០លានដុល្លារក្នុង១ឆ្នាំ។
ការដោះដូរទី២នោះ គឺរុស្ស៊ីនឹងជួយជាអង្ករចំនួន ៧០ម៉ឺនតោនឲ្យទៅកូរ៉េខាងជើង។ បច្ចុប្បន្ន កូរ៉េខាងជើងកំពុងមានកង្វះខាតអង្ករជាខ្លាំង ខណៈផលដំណាំកសិកម្មប្រចាំឆ្នាំមានចំនួនប្រមាណ ៤លានតោន ហើយភាគច្រើនជាប្រភេទដំឡូង ឯស្រូវអង្ករវិញមានតិចជាង១ភាគ៣ទៅទៀត។ នេះបើយោងតាមរបាយការណ៍ NIS។ ហេតុដូច្នោះហើយ ចំនួនអង្ករប្រហែល ៧០ម៉ឺនតោនពីរុស្ស៊ី នឹងអាចជួយផ្គត់ផ្គង់ដល់កូរ៉េខាងជើងបានច្រើនជាងពាក់កណ្ដាលសម្រាប់តម្រូវការប្រចាំឆ្នាំ។
NIS ក៏បានរបាយការណ៍ដែរថា រុស្ស៊ីត្រូវគេជឿជាក់ថាកំពុងជួយកូរ៉េខាងជើងនូវបច្ចេកវិទ្យាអវកាសទំនើប ខណៈរដ្ឋាភិបាលក្រុងព្យុងយ៉ាងមានបំណងចង់បង្កើតផ្កាយរណបឈ្លបការណ៍យោធាថែមទៀត។
សូមបញ្ជាក់ថា កូរ៉េខាងត្បូង ធ្លាប់បានចោទកូរ៉េខាងជើងជាយូរណាស់មកហើយថាបានបញ្ជួនសព្វាវុធជួយក្រុងមូស្គូប្រយុទ្ធជាមួយអ៊ុយក្រែន ហើយចោទក្រុងព្យុងយ៉ាងថាបានដាក់ពង្រាយទ័ពក្នុងចំនួនច្រើនឲ្យរុស្ស៊ី ក្រោយពេល លោក គីម ជុងអ៊ុន មេដឹកនាំកូរ៉េខាងជើង ចុះសន្ធិសញ្ញាការពារគ្នាទៅវិញទៅមកជាមួយមេដឹកនាំរុស្ស៊ី លោក វ៉្លាឌឺមៀរ ពូទីន កាលពីខែមិថុនាកន្លងទៅ៕
ដោយ៖ ឈាង
ចុចអាន៖ របាយការណ៍ថ្មីរបស់អាមេរិក បង្ហាញថា ទ័ពកូរ៉េខាងជើង ៨ ០០០នាក់កំពុងនៅព្រំដែនអ៊ុយក្រែន
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ