ព័ត៌មានអន្ដរជាតិ

ប្រជាជនថៃជាប់បំណុលកាន់តែច្រើនតាំងពីកូវីដផ្ទុះឡើង, ស្ទង់មតិ

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ប្រជាជនថៃមានបញ្ហាជាប់ជំពាក់បំណុល និងអត់ការងារធ្វើកាន់តែច្រើន ចាប់តាំងពីកូវីដ-១៩បានផ្ទុះឡើង ដែលបង្ខំឲ្យពួកគាត់កែប្រែរបៀបរស់នៅ។ នេះបើយោងតាមលទ្ធផលនៃការស្ទង់មតិដោយសកលវីទ្យាល័យ Suan Dusit Rajabhat។

ការស្ទង់មតិបានធ្វើតាមអនឡាញចំពោះមនុស្សចំនួន១១៨៤នាក់ទូទាំងប្រទេសចាប់ពីថ្ងៃទី៩ដល់ទី១២ ខែមីនា។

អ្នកឆ្កើយតបត្រូវបានអនុញ្ញាតឲ្យជ្រើសរើសចម្លើយច្រើនជាង១សម្រាប់រាល់សំណួរនីមួយៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរពីបញ្ហាដែលបានកើតឡើងនៅកំឡុងពេលកូវីដ-១៩ បញ្ហារបស់គ្រួសារ និងលក្ខណៈបុគ្គលជាប់បំណុលរហូតដល់៧៥.៤១%, សមាជិកគ្រួសារបាត់បង់ការងារធ្វើមាន៦៩.៩៦%, ជំងឺធ្លាក់ទឹកចិត្តមាន៦៧.១៩%, បញ្ហាជំលោះ និងមិនចុះសម្រុងគ្នា៣៦.០២% និងការលែងលះក៏ដូចជានៅបែកគ្នាមាន៣០.៣០%។

ពេលសួរពីផលវិជ្ជមាននៅក្នុងសម័យកាលកូវីដវិញ កូវីដបានធ្វើឲ្យពួកគេស្វែងយល់កាន់តែជ្រៅអំពីរបៀបរស់នៅចំនួន៧០.២៨%។ ពួកគេមានពេលនៅជាមួយអ្នកដទៃចំនួន៦៦.៦១%។ ពួកគេមានពេលវេលានៅផ្ទះចំនួន៦៣.២៨% ហើយមានពេលសម្រាក៥១.៣២% ខណៈមាន៤៩.៣៦%មានពេលធ្វើសកម្មភាពពិសេសៗ។

ពេលសួរអំពីសមាជិកគ្រួសារថាតើ ធ្វើអ្វីបានច្រើននៅក្នុងសម័យកាលកូវីដ-១៩? មាន៧៥.១៧%បានឆ្លើយថា ពួកគេបានយកចិត្តទុកដាក់ថែរក្សាសុខភាព។ ចំនួន៦៧.៣១%បាននិយាយថា ពួកគេបានយល់ដឹងពីព័ត៌មានកូវីដ-១៩ និងមាន៥៧.០៩%បាននិយាយថា ពួកគេបានរៀនពីរបៀបដោះស្រាយបញ្ហាស្ត្រេស។

ពេលសួរពាក់ព័ន្ធគ្រួសារដែលធ្វើអ្វីមិនបានច្រើនក្នុងសម័យកូវីដ? ពួកគេបានឆ្លើយថា មិនអាចធ្វើដំណើរមាន៦៣.៧៧%, មិិនអាចចេញទៅញាំអាហារនៅខាងក្រៅ៦២.៤២% និងមិនមានប្រាក់សន្សំមាន៤៤.៥១%។

ជាមួយគ្នានេះ នៅពេលសួរឲ្យចាត់ចំណាត់ថ្នាក់បញ្ហានៅក្នុងគ្រួសារ ពួកគេបានឆ្លើយថា ការរកចំណូលមិនគ្រប់គ្រាន់មាន៤៤.២៧%, ការភ័យខ្លាចរឿងឆ្លងកូវីដមាន២០.៣១%, ការព្រួយបារម្ភពីសុវត្ថិភាពការងារមាន១១.១១%, ឈ្លោះប្រកែកគ្នាដោយរឿងផ្សេងៗមាន៩.២០% និងបញ្ហាការសិក្សារបស់កូនមាន៧.៦៤%។

ផ្អែកតាមលទ្ធផលនេះបង្ហាញថា បញ្ហាលំបាករឿងរកប្រាក់ចំណូលស្ថិតនៅកម្រិតខ្ពស់ជាងគេគឺមាន៤៤.២៧% បើប្រៀបនឹងភ័យខ្លាចឆ្លងកូវីដមានត្រឹមតែ២០.៣១%ប៉ុណ្ណោះ៕

ប្រែសម្រួល៖ វីរបុត្រ
ប្រភព៖ Bangkokpost

Related Topics:ប្រទេសថៃ