ព័ត៌មានអន្ដរជាតិ
លោក Yoon ប្រកាសតស៊ូដល់ទីបញ្ចប់ ដាច់ខាតមិនលាលែងពីតំណែង
ទោះបីជាមានការអំពាវនាវកាន់តែខ្លាំងឡើងឲ្យលាលែងពីតំណែង ឬត្រូវរងការចោទប្រកាន់ក៏ដោយ ក៏លោក Yoon Suk Yeol នៅតែប្ដេជ្ញាថា លោកនឹងមិនចុះចេញពីតំណែងជាប្រធានាធិបតីកូរ៉េខាងត្បូងជាដាច់ខាត។
លោក Yoon បាននិយាយថា ការសម្រេចចិត្តដ៏គួរឲ្យភ្ញាក់ផ្អើលក្នុងការប្រកាសច្បាប់អាជ្ញាសឹកកាលពីសប្តាហ៍មុន គឺលោកធ្វើឡើងដើម្បីការពារលទ្ធិប្រជាធិបតេយ្យរបស់ប្រទេស។
នៅក្នុងសុន្ទរកថាតាមទូរទស្សន៍កាលពីថ្ងៃទី១១ខែធ្នូឆ្នាំ២០២៤ ប្រធានាធិបតីកូរ៉េខាងត្បូង បានប្រាប់ថា ការប៉ុនប៉ងនេះគឺជាការសម្រេចចិត្តផ្លូវច្បាប់ដើម្បី «ទប់ស្កាត់ការដួលរលំ» នៃលទ្ធិប្រជាធិបតេយ្យ និងប្រឆាំងនឹង «របបផ្តាច់ការសភា» របស់គណបក្សប្រឆាំង។
លោកបានថ្លែងថា៖ «ខ្ញុំនឹងប្រកាន់ជំហរនេះយ៉ាងម៉ឺងម៉ាត់ មិនថាខ្ញុំត្រូវបានចោទប្រកាន់ ឬត្រូវបានស៊ើបអង្កេតនោះទេ។ ខ្ញុំនឹងប្រយុទ្ធដល់ទីបញ្ចប់»។
លោក Yoon និងគ្នីគ្នារបស់លោក បច្ចុប្បន្នកំពុងប្រឈមមុខនឹងការចោទប្រកាន់ពីបទបះបោរ ហើយត្រូវបានហាមឃាត់ការធ្វើដំណើរចាកចេញទៅក្រៅប្រទេស។
លោក Yoon បានបដិសេធថា បទបញ្ជាច្បាប់អាជ្ញាសឹករបស់លោក គឺជាទង្វើនៃការបះបោរ ដោយអះអាងថា គូប្រជែងនយោបាយឥឡូវនេះកំពុងបង្កើត «ការញុះញង់មិនពិត» ដើម្បីទម្លាក់រូបលោក។
សូមជម្រាបជាថ្មីថា កាលពីយប់ថ្ងៃទី៣ធ្នូ លោក Yoon បានបង្កការភ្ញាក់ផ្អើល ដោយប្រកាសច្បាប់អាជ្ញាសឹកយ៉ាងបន្ទាន់ជាទីបំផុត បណ្ដាលឲ្យកើតចលាចលនៅទូទាំងប្រទេសកូរ៉េខាងត្បូង។ យ៉ាងណា ច្បាប់នេះ ត្រូវបានដកចេញវិញ ប៉ុន្មានម៉ោងក្រោយសភាបោះឆ្នោតប្រឆាំង។
អ្នកជំនាញអះអាងថា មូលហេតុដែលលោកប្រកាសច្បាប់នេះ ព្រោះមើលឃើញស្ថានការណ៍ថា ខ្លួនកំពុងចាញ់ប្រៀបគណបក្សប្រឆាំងក្នុងរឿងនយោបាយរបស់ប្រទេស ហើយច្បាប់នោះទៀតសោត ត្រូវគេបរិហារថា ជាការប្រាសចាករដ្ឋធម្មនុញ្ញ៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ