ខេត្តថៃចំនួន៥៨ គ្របដណ្ដប់ដោយខ្យល់ពុល​

ខ្យល់ពុល​ដែល​បង្ក​គ្រោះថ្នាក់​ ឬ​គ្រោះថ្នាក់​កម្រិត​មធ្យម​ដល់​សុខភាព​ត្រូវ​បាន​រក​ឃើញ​នៅ​ក្នុង​ខេត្ត​ចំនួន​៥៨ ក្នុង​ចំណោម ខេត្តទាំង​៧៧​ របស់​​ប្រទេស​ថៃ​នៅ​ព្រឹក​ថ្ងៃ​ព្រហស្បតិ៍នេះ។ នេះបើយោងតាមការចេញផ្សាយរបស់សារព័ត៌មាន​ Bangkok Post។

ទីភ្នាក់ងារអភិវឌ្ឍន៍បច្ចេកវិទ្យាអវកាស និងព័ត៌មានវិទ្យា (Gistda) បានរាយការណ៍នៅលើគេហទំព័ររបស់ខ្លួននៅម៉ោង ៩ព្រឹកថា ធូលី ultrafine ឈានដល់កម្រិត​​​គួរ​ឲ្យ​ព្រួយបារម្ភ​​ឈាន​ដល់​កម្រិត​ពណ៌ក្រហម (គ្រោះថ្នាក់) នៅក្នុងខេត្តចំនួន២០ និងកម្រិតពណ៌ទឹកក្រូច (ដែលចាប់ផ្តើមប៉ះពាល់ដល់សុខភាព) ក្នុង៣៨ខេត្ត។

កម្រិតក្រហមនៃភាគល្អិត២.៥ មីក្រូម៉ែត្រ និងអង្កត់ផ្ចិតតិចជាង PM2.5 ត្រូវបានរាយការណ៍នៅក្នុងខេត្តចំនួន ២០ដែលភាគច្រើននៅតំបន់ទំនាបកណ្តាល។ ខេត្តទាំងនោះមានចាប់ពី ៧៣.៥ ដល់ ១១៧.១ មីក្រូក្រាមក្នុងមួយម៉ែត្រគូប(µg/m³) នៃខ្យល់ក្នុងរយៈពេល ២៤ ម៉ោងកន្លងមក ខណៈកម្រិតសុវត្ថិភាពគឺ ៣៧.៥µg/m³ប៉ុណ្ណោះ។

កម្រិតក្រហមខ្ពស់បំផុតគឺ ១១៧.១ µg/m³ គឺនៅខេត្ត Samut Sakhon តាមពីក្រោយដោយ Samut Songkhram ក្នុងកម្រិត១០៩.១ µg/m³ និង ខេត្តRayong កម្រិត១០៣.៩ µg/m³។ ចំណែកខេត្តចំនួន ១៧ ផ្សេងទៀតប្រឈមមុខនឹងកម្រិតពណ៌ក្រហមស្រាលចាប់ពី ៧៥.៣ ដល់ ៩៩.៤ µg/m³។

បើរាប់តាមលំដាប់ចុះ មានខេត្ត Nakhon Pathom, Ratchaburi, Samut Prakan, Phetchaburi, Nonthaburi, Bangkok, Phitsanulok, Pathum Thani, Ayutthaya, Chon Buri, Suphan Buri, Kamphaeng Phet, Chachoengsao, Chai Nat, Uthai Thani, Kanchanaburi និង Phichit ។ ក្រៅពីនេះខេត្តចំនួន ៣៨ មានការបំពុលថ្នាក់ពណ៌ទឹកក្រូច ចាប់ពី ៣៧.៨ ដល់៧៤.២ µg/m³។

ទោះយ៉ាងណានៅក្នុងខេត្តចំនួន ១៩ មាន PM2.5 ស្ថិតក្នុងកម្រិតល្អ និងមធ្យម មានន័យថាមានសុវត្ថិភាពក្នុងការដកដង្ហើម ដែលមានចាប់ពី ១៨.៨ ដល់ ៣៧.៤ µg/m³ ក្នុងនោះមានខេត្តចំនួន ១៥ មានកម្រិតមធ្យម ពណ៌លឿងនិងខេត្តចំនួន ៤ មានកម្រិតល្អពណ៌បៃតង៕

អត្ថបទ៖ ប៊ុន សុភាព