ព័ត៌មានអន្ដរជាតិ
ហ្សេលេនស្គី៖ វានឹងមានហានិភ័យ១០០%ដែល ពូទីន អាចកាន់កាប់អឺរ៉ុប បើអាមេរិកដកខ្លួនពីណាតូ
ប្រធានាធិបតីអ៊ុយក្រែនលោក វ៉ា្លឌីមៀ ហ្សេលេនស្គី បានចេញការព្រមានយ៉ាងធ្ងន់ធ្ងរដោយបញ្ជាក់ថា បើសហរដ្ឋអាមេរិកដកការគាំទ្ររបស់ខ្លួនចំពោះអង្គការណាតូ វាមានហានិភ័យ១០០%ដែលប្រធានាធិបតីរុស្ស៊ីលោក វ៉ា្លឌីមៀរ ពូទីន នឹងប៉ុនប៉ងកាន់កាប់អឺរ៉ុប។
នៅក្នុងបទសម្ភាសន៍កាលពីថ្ងៃទី១៦កុម្ភៈជាមួយ NBC News លោក ហ្សេលេនស្គី បានសង្កត់ធ្ងន់លើសារៈសំខាន់នៃជំនួយយោធារបស់អាមេរិក ក្នុងការពង្រឹងការការពាររបស់អ៊ុយក្រែនប្រឆាំងនឹងការឈ្លានពានរបស់រុស្ស៊ី។ លោកបានប្រាប់ថា បើគ្មានការគាំទ្ររបស់អាមេរិកបន្តទេ ណាតូនឹងមិនអាចការពារអឺរ៉ុបបានគ្រប់គ្រាន់ពីការពង្រីកសក្តានុពលរបស់រុស្ស៊ីឡើយ។
មេដឹកនាំអ៊ុយក្រែន បានថ្លែងថា៖ «បើអាមេរិកដកការគាំទ្រ យើងនឹងគ្មានអ្នកការពារ ហើយ ពូទីន ប្រាកដជាផ្លាស់ទីទៅកាន់អឺរ៉ុប។ ការគំរាមកំហែងដល់បណ្ដាប្រទេស ដូចជា ប៉ូឡូញ និងលីទុយអានី គឺជាការពិត»។
លោក ហ្សេលេនស្គី ក៏បានចង្អុលទៅរបាយការណ៍ចារកម្មដែលថា រុស្ស៊ីបានចល័តកងទ័ពជាង ១៥០ ០០០នាក់ នៅតាមព្រំដែនរបស់ខ្លួន ដែលជាសញ្ញាបង្ហាញពីលទ្ធភាពនៃការលុកលុយបន្ថែមទៀត។ លោកបានសង្កត់ធ្ងន់ថា បើគ្មានការការពាររបស់អ៊ុយក្រែនខ្លាំងទេ សន្តិសុខរបស់អឺរ៉ុបនឹងប្រឈមមុខនឹងហានិភ័យយ៉ាងធ្ងន់ធ្ងរ។
ទន្ទឹមនោះ លោក ហ្សេលេនស្គី ក៏បានស្នើសុំម្ដងទៀតនូវខែលការពារអាកាសពីសម្ព័ន្ធមិត្តលោកខាងលិច ដោយបន្ថែមថា បច្ចុប្បន្នរុស្ស៊ីកំពុងកាន់កាប់ទឹកដីអ៊ុយក្រែនចំនួន ២០% ហើយកំពុងសម្រុកឈ្លានពានយ៉ាងសន្សឹមៗនៅភាគខាងកើតប្រទេស៕
ដោយ៖ ឈាង
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម