Connect with us

ព័ត៌មានអន្ដរជាតិ

លោក Putin នឹងចាក់វ៉ាក់សាំង Sputnik V បញ្ចប់ការរិះគន់របស់បរទេស

បានផុស

នៅ

ប្រធានាធិបតីរុស្ស៊ីលោក Vladimir Putin កាលពីថ្ងៃចន្ទ បានច្រានចោលការរិះគន់របស់បរទេសទៅលើវ៉ាក់សាំងការពារជំងឺកូវីដ Sputnik V របស់រុស្ស៊ី ហើយបាននិយាយថា រូបលោកផ្ទាល់គ្រោងនឹងចាក់វ៉ាក់សាំងនៅសប្តាហ៍នេះ ។

វ៉ាក់សាំងរុស្ស៊ីដែលឧបត្ថម្ភដោយរដ្ឋមិនទាន់ត្រូវបានអនុម័តសម្រាប់ការប្រើប្រាស់ទ្រង់ទ្រាយធំនៅក្នុងបណ្តាប្រទេសលោកខាងលិចនោះទេ ទោះបីជាមានការអះអាងរបស់ទីក្រុងម៉ូស្គូថា វាមានសុវត្ថិភាព និងមានប្រសិទ្ធិភាពក៏ដោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នករិះគន់នៅប្រទេសលោកខាងលិចបានលើកឡើងនូវសំណួរអំពីវ៉ាក់សាំងនេះ ហើយបានចោទប្រកាន់រុស្ស៊ីថាបានប្រើវាជាឧបករណ៍ឃោសនា ប៉ុន្តែលោក Putin បានហៅការអត្ថាធិប្បាយបែបនេះថាជារឿងចម្លែក ហើយបានលើកឡើងថា ជីវិតពួកគេកំពុងប្រឈមនឹងហានិភ័យ ។

លោក Putin បាននិយាយនៅក្នុងកិច្ចប្រជុំតាមទូរទស្សន៍ជាមួយមន្រ្តីសុខាភិបាលថា “យើងមិនដាក់បន្ទុកលើអ្នកណាទេ តើផលប្រយោជន៍របស់អ្នក គឺជាការការពារក្រុមហ៊ុនផលិតឱសថទាំងនោះ ឬក៏ជាការការពារផលប្រយោជន៍ប្រជាជននៃបណ្តាប្រទេសអឺរ៉ុប? ” ។

បន្ទាប់ពីការសាកសួរជាច្រើនខែអំពីពេលដែលបុរសវ័យ ៦៨ ឆ្នាំរូបនេះនឹងត្រូវចាក់វ៉ាក់សាំង លោក Putin បាននិយាយថា លោកគ្រោងនឹងចាក់វ៉ាក់សាំង Sputnik V នៅថ្ងៃអង្គារនេះ ។

លោកបាននិយាយថា “ការចាក់វ៉ាក់សាំងជាការពិតគឺជាជម្រើសស្ម័គ្រចិត្តរបស់មនុស្សគ្រប់រូប ហើយខ្ញុំនឹងចាក់វ៉ាក់សាំងនៅថ្ងៃអង្គារនេះ” ។

ប្រទេសរុស្ស៊ីបានចុះបញ្ជីវ៉ាក់សាំង Sputnik V នៅក្នុងខែសីហា មុនពេលការសាកល្បងព្យាបាលដំណាក់កាលចុងក្រោយដែលបង្កឲ្យមានការព្រួយបារម្ភក្នុងចំណោមអ្នកជំនាញជាច្រើនលើដំណើរការដ៏លឿននេះ ។

តាមរយៈការធ្វើតេស្តនាពេលកន្លងមកវ៉ាក់សាំង Sputnik V បានបង្ហាញពីលទ្ធផលវិជ្ជមានច្រើន ខណៈដែលទស្សនាវដ្ដីវេជ្ជសាស្ត្រ The Lancet បានចេញផ្សាយថា វ៉ាក់សាំងនេះមានសុវត្ថិភាព និងប្រសិទ្ធភាពការពារជំងឺកូវីដ ១៩ ជាង ៩០ ភាគរយឯណោះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ លោក ពូទីន សរសេរពាក្យអ្វីលើក្រដាស អំឡុងនិយាយទូរស័ព្ទជាមួយលោក បៃដិន (មានវីដេអូ)

ចុចអាន ៖ ទីបំផុត លោក ពូទីន ចុះហត្ថលេខាលើសេចក្ដីព្រាងច្បាប់ពង្រីកសន្ធិសញ្ញាអាវុធនុយក្លេអ៊ែរជាមួយអាមេរិក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម