លោក ពូទីន សរសេរពាក្យអ្វីលើក្រដាស អំឡុងនិយាយទូរស័ព្ទជាមួយលោក បៃដិន (មានវីដេអូ)

ប្រធានាធិបតីរុស្ស៊ី និងសមភាគីអាមេរិករបស់លោកបានសន្ទនាតាមទូរស័ព្ទមួយថ្ងៃមុនពិភាក្សាអំពីបញ្ហាបន្ទាន់ជាច្រើន និងឯកភាពលើការពង្រីកសន្ធិសញ្ញាត្រួតពិនិត្យអាវុធ New START រយៈពេល ៥ ឆ្នាំមុនកាលបរិច្ឆេទផុតកំណត់ពោលគឺថ្ងៃទី ៥ ខែកុម្ភៈ ឆ្នាំ ២០២១ ។

ប្រធានាធិបតីរុស្ស៊ី វ្លាឌីមៀ ពូទីន កំពុងស្តាប់អ្នកសម្របសម្រួលម្នាក់នៅក្នុងវេទិកាសេដ្ឋកិច្ចពិភពលោក (WEF) អំឡុងពេលនិយាយគ្នាតាមទូរស័ព្ទជាមួយប្រធានាធិបតីអាមេរិក នៅពេលនោះលោក ពូទីន សរសេរពាក្យមួយ ។

ខណៈពេលដែលមិនមានវិធីដើម្បីប្រាប់អ្វីដែលគាត់បានសរសេរពិតប្រាកដនោះ អ្នកសារព័ត៌មានមួយចំនួនបានលើកឡើងថា លោក ពូទីន ប្រហែលជាបានធ្វើកំណត់ចំណាំមួយដោយសរសេរថា “បៃដិន” ជាភាសារុស្ស៊ី ហើយគូរបន្ទាត់នៅក្រោមវាជាច្រើន ។

កន្លងមកលោក ពូទីន បានសង្កត់ធ្ងន់ថា ការធ្វើឲ្យមានប្រក្រតីភាពនៃចំណងទាក់ទងរវាងទីក្រុងវ៉ាស៊ីនតោន និងម៉ូស្គូគឺស្ថិតនៅក្នុងផលប្រយោជន៍របស់ភាគីទាំងពីរ ។

យោងតាមសេតវិមានបានឲ្យដឹងថា អំឡុងកិច្ចពិភាក្សាតាមទូរស័ព្ទកាលពីថ្ងៃអង្គារ លោក Biden បានពិភាក្សាអំពីបញ្ហាធំៗមួយចំនួននៅក្នុងទំនាក់ទំនងរុស្ស៊ី-អាមេរិក ។ កិច្ចពិភាក្សាទាំងនោះរួមមានការវាយប្រហារតាមអ៊ីនធឺណិតប្រឆាំងនឹងក្រុមហ៊ុនអាមេរិក និងស្ថាប័នរដ្ឋាភិបាលក៏ដូចជាការជ្រៀតជ្រែកក្នុងការបោះឆ្នោតដែលសហរដ្ឋអាមេរិកបានចោទប្រកាន់វិមានក្រឹមឡាំង ប៉ុន្តែមិនបានផ្តល់ភស្តុតាងណាមួយឡើយ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ Biden និយាយអ្វីខ្លះជាមួយ Putin ក្នុងជំនួបតាមទូរស័ព្ទលើកដំបូងចាប់តាំងពីឡើងកាន់អំណាច?

ចុចអាន ៖ លោក ពូទីន សម្រេចឲ្យមានច្បាប់ផ្តល់អភ័យឯកសិទ្ធិអស់មួយជីវិតដល់អតីតប្រធានាធិបតី