កូវីដនៅតែបន្តកើនឡើងក្នុងប្រទេសថៃ ថ្ងៃនេះរកឃើញអ្នកឆ្លងថ្មីរហូតដល់ ១៣៤ករណី

នៅថ្ងៃសុក្រនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថា មានការឆ្លងថ្មីចំនួន១៣៤ករណី ដែលក្នុងនោះមាន៦នាក់ជាករណីនាំចូល។

ក្នុងចំណោមករណីថ្មីទាំងអស់ មានមនុស្ស៤១នាក់បានឆ្លងជំងឺដោយសារតែធ្វើដំណើរទៅកាន់តំបន់ដែលមានហានិភ័យខ្ពស់។

បាងកកមាន១៦ករណី, Samut Sakhon ១៥ករណី, Tak ៥ករណីនិង Samut Prakan ៥ករណី។

ទន្ទឹមនោះ ការធ្វើតេស្តសកម្មបានរកឃើញចំនួន៨៧ករណី ដែលក្នុងនោះមាន៨២ករណីនៅបាងកក, ២ករណីនៅ Samut Sakhon, ២ករណីនៅ Samut Songkhram និង១ករណីនៅ Pathum Thani។

ចំពោះករណីនាំចូលទាំង៦ករណីរួមមាន ជនជាតិថៃចំនួន៤នាក់ ស្វីសម្នាក់និងស៊ីមបាវ៉េម្នាក់។

ស្របពេលជាមួយគ្នានោះដែរ អ្នកជំងឺចំនួន៨៦នាក់បានជាសះស្បើយ។

គិតត្រឹមថ្ងៃសុក្រនេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៨,៥៧៧ករណី។ មនុស្សចំនួន ២៧,០៣២នាក់បានជាសះស្បើយ ហើយអ្នកស្លាប់រក្សានៅ៩២នាក់ដដែល៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ កូវីដនៅថៃ ហក់ឡើងវិញ ថ្ងៃនេះរកឃើញអ្នកឆ្លងថ្មីជិត ១០០ករណី