Connect with us

ព័ត៌មានអន្ដរជាតិ

លោកពូទីនចុះហត្ថលេខាលើច្បាប់មួយអនុញ្ញាតឲ្យលោកដឹកនាំដល់ឆ្នាំ២០៣៦

បានផុស

នៅ

លោក​ប្រធានាធិបតី​រុស្ស៊ី វ៉្លាឌីមៀរ ពូទីន​ បាន​ចុះ​ហត្ថលេខាលើ​ច្បាប់​មួយ​ដែល​អាច​ឲ្យ​លោក​កាន់​តំណែង​នៅ​វិមានក្រឹម​​ឡាំង​រហូត​ដល់​ឆ្នាំ​២០៣៦។ នេះ​បើ​តាម​រដ្ឋាភិបាល​បាន​និយាយ​នៅ​ថ្ងៃ​ចន្ទ។

លោកប្រធានាធិបតី​រុស្ស៊ី វ៉្លាឌីមៀរ ពូទីន​
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ច្បាប់​ថ្មី​នេះ​នឹង​អនុញ្ញាត​ឲ្យ​លោក​បន្ត​កាន់​តំណែង​ប្រធានាធិបតី​ពីរ​អាណត្តិ​ទៀត​ដែល​ក្នុង​មួយ​អាណត្តិ​មាន​រយៈ​ពេល​៦​​ឆ្នាំ​ ខណៈ​អាណត្តិ​បច្ចុប្បន្ន​ត្រូវ​ចប់​នៅ​ចុង​ឆ្នាំ​២០២៤។ ច្បាប់​នេះ​​​ធ្វើ​តាម​ការ​ផ្លាស់​ប្តូរ​រដ្ឋធម្មនុញ្ញ​កាល​ពី​ឆ្នាំ​មុន។

ការ​ផ្លាស់​ប្តូរ​ទាំង​នោះ​ត្រូវ​បាន​គាំទ្រ​តាម​រយៈ​ការ​​បោះ​ឆ្នោត​​​សាធារណៈ​មួយ​កាល​ពី​​រដូវ​ក្តៅ​​ឆ្នាំ​មុន​ និង​អាច​អនុញ្ញាត​ឲ្យ​លោក ពូទីន អាយុ​​៦៨​ឆ្នាំ​​កាន់​អំណាច​រហូត​ដល់​អាយុ​៨៣​ឆ្នាំ។

បច្ចុប្បន្ន​ លោក​​កំពុង​កាន់​​​តំណែង​ប្រធានាធិបតី​ពីរ​អាណត្តិ​​​ជាប់​គ្នា​ និង​​​ជា​អាណត្តិ​ទី​៤​​​​របស់​លោក។​ ប្រសិន​បើ​លោក​អាច​កាន់​តំណែង​បាន​២​អាណត្តិ​តាម​ច្បាប់​ថ្មី​ទៀត​នោះ​មាន​​ន័យ​ថា លោក​នឹង​កាន់​តំណែង​ប្រធានាធិបតី​រុស្ស៊ី​៦​អាណត្តិ។

កំណែ​ទម្រង់​ដែល​អ្នក​រិះគន់​ថា​ជា​រដ្ឋ​ប្រហារ​រដ្ឋធម្មនុញ្ញត្រូវ​បាន​វិចខ្ចប់​ជា​មួយ​នឹង​វិសោធនកម្ម​ផ្សេង​ៗ​​ដែល​ត្រូវបាន​គេ​រំពឹង​ថា​នឹង​ប្រមូល​ផ្តុំ​ការ​គាំទ្រ​កាន់​តែ​មាន​ប្រជាប្រិយភាព​ដូច​ជា​​ជំរុញ​ការ​ការពារ​ប្រាក់​សោធន​ជា​ដើម។

ច្បាប់​ដែល​​ត្រូវ​បានចុះ​ហត្ថលេខា​ដោយ​លោក​ ពូទីន បាន​កំណត់​អាណត្តិ​ប្រធានាធិបតីនា​ពេល​អនាគត​ត្រឹម​តែ​ពីរ​អាណត្តិ​ប៉ុណ្ណោះ ប៉ុន្តែ​បាន​កំណត់​ចំនួន​អាណត្តិ​របស់​លោក​ឡើង​វិញ។

ច្បាប់​នេះ​ក៏​មិន​អនុញ្ញាត​ឲ្យ​​ប្រជា​ពលរដ្ឋ​​ម្នាក់​ដែល​​មាន​សញ្ជាតិ​បរទេសកាន់​តំណែង​ប្រធានាធិបតី​បាន​ឡើយ៕

អាន​បន្ថែម​ព័ត៌មាន​អន្តរជាតិ​ជា​ច្រើន សូម​ចុចទីនេះព័ត៌មាន​អន្តរជាតិ​សំបូរ​បែប

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម