ព័ត៌មានអន្ដរជាតិ

កូរ៉េខាងជើង ធ្វើសមយុទ្ធបាញ់គ្រាប់ពិតទ្រង់ទ្រាយធំ មុនលំហាត់យោធាអាមេរិក-កូរ៉េខាងត្បូង

បានផុស

១០ ខែ មុន

នៅ

ថ្ងៃអង្គារ ១២ សីហា ២០២៥

ដោយ

Chheang

ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃអង្គារទី១២សីហានេះថា ប្រទេសកូរ៉េខាងជើងបានធ្វើសមយុទ្ធកាំភ្លើងធំក្នុងសប្តាហ៍នេះ ដើម្បីជំរុញការត្រៀមខ្លួនប្រយុទ្ធ ប៉ុន្មានថ្ងៃមុនពេលចាប់ផ្តើមសមយុទ្ធយោធាប្រចាំឆ្នាំរួមគ្នារវាងសហរដ្ឋអាមេរិក និងកូរ៉េខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធដែលត្រួតពិនិត្យដោយមន្ត្រីយោធាកំពូល រួមមានសេនាប្រមុខ Pak Jong Chon និងអនុសេនាធិការ Ri Yong-gil ពាក់ព័ន្ធនឹងអង្គភាពកាំភ្លើងធំ ដោយក្លែងធ្វើជាវាយប្រហារលើគោលដៅរបស់សត្រូវ។ KCNA បានអះអាងថា ការបាញ់នេះ បានកំណត់គោលដៅត្រឹមត្រូវ ១០០%។ សមយុទ្ធនេះ ត្រូវបានពិពណ៌នាថាជាផ្នែកនៃកិច្ចខិតខំប្រឹងប្រែងដើម្បីបង្កើនជំនាញយុទ្ធសាស្ត្រ និងចែករំលែកយុទ្ធសាស្ត្រប្រយុទ្ធនៅទូទាំងកងទ័ពកូរ៉េខាងជើង។

ការបង្ហាញការត្រៀមខ្លួនខាងយោធារបស់ក្រុងព្យុងយ៉ាង ធ្វើឡើងនៅមុនសមយុទ្ធ Ulchi Freedom Shield (UFS) ដែលជាសមយុទ្ធរួមដ៏ធំរវាងសហរដ្ឋអាមេរិក និងកូរ៉េខាងត្បូង ដែលគ្រោងនឹងដំណើរការចាប់ពីថ្ងៃទី១៨ដល់ថ្ងៃទី២៨ខែសីហា។ កូរ៉េខាងជើងបានថ្កោលទោសម្តងហើយម្តងទៀតនូវសមយុទ្ធបែបនេះថាជាការហាត់សមសម្រាប់ការឈ្លានពាន ដោយព្រមានថា ខ្លួននឹងអនុវត្តសិទ្ធិ«ការពារខ្លួន» ប្រសិនបើមានការបង្កហេតុ។

សូមជម្រាបថា ប្រហែលពាក់កណ្តាលនៃព្រឹត្តិការណ៍សរុបចំនួន៤០ក្នុងសមយុទ្ធ UFS ដែលបានគ្រោងទុកពីដំបូង ត្រូវបានពន្យារពេលរហូតដល់ខែកញ្ញា ដោយសារតែបញ្ហាអាកាសធាតុក្ដៅខ្លាំង ការខូចខាតព្រោះគ្រោះទឹកជំនន់នៅក្នុងប្រទេសកូរ៉េខាងត្បូង និងការខិតខំប្រឹងប្រែងរបស់រដ្ឋាភិបាលទីក្រុងសេអ៊ូលក្នុងការបន្ធូរបន្ថយភាពតានតឹងជាមួយទីក្រុងព្យុងយ៉ាង៕

ដោយ៖ ឈាង

ចុចអាន៖ កូរ៉េខាងត្បូង និងអាមេរិក នឹងចាប់ផ្តើមសមយុទ្ធយោធារួមគ្នាដ៏ធំមួយនៅថ្ងៃទី១៨ខែសីហា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា