ព័ត៌មានអន្ដរជាតិ

មេដឹកនាំកូរ៉េខាងជើង ផ្តល់រង្វាន់ដល់ទាហានដែលជួយរុស្ស៊ីប្រយុទ្ធជាមួយអ៊ុយក្រែន

បានផុស

១០ ខែ មុន

នៅ

ថ្ងៃសុក្រ ២២ សីហា ២០២៥

ដោយ

យោងតាមប្រព័ន្ធផ្សព្វផ្សាយរដ្ឋ KCNA កាលពីថ្ងៃទី២១ខែសីហាបានឱ្យដឹងថា មេដឹកនាំកូរ៉េខាងជើង លោក គីម ជុងអ៊ុន បានការគោរពកោតសសើរនិងផ្តល់រង្វាន់ជាសាធារណៈដល់ទាហានដែលបានប្រយុទ្ធជាមួយរុស្ស៊ីក្នុងសង្គ្រាមប្រឆាំងនឹងអ៊ុយក្រែន។

មេដឹកនាំកូរ៉េខាងជើងផ្តល់ងារជា «វីរៈបុរសនៃសាធារណរដ្ឋ» ដល់សមាជិកកងទ័ពដែលត្រូវបានពង្រាយក្នុងសង្គ្រាមរុស្ស៊ីជាមួយអ៊ុយក្រែន។ (រូបភាព៖ KCNA)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីមួយដែលបានធ្វើឡើងកាលពីថ្ងៃសុក្រ លោក Kim បានសរសើរកងទ័ពក្រៅប្រទេស «ជាវីរបុរសដ៏អស្ចារ្យ» ដោយនិយាយថា ការប្រយុទ្ធរបស់ពួកគេបានបង្ហាញពីភាពរឹងមាំ និងភាពស្មោះត្រង់របស់កងទ័ពកូរ៉េខាងជើង។

ពិធីនេះរួមមានការដាក់កម្រងផ្កានៅជញ្ជាំងរំលឹកវិញ្ញាណក្ខន្ធទាហានដែលបានបាត់បង់ជីវិត ការប្រគុំតន្ត្រីសម្រាប់ទាហានវិលត្រឡប់មកវិញ និងពិធីជប់លៀងដែលមានការចូលរួមពីក្រុមគ្រួសារអ្នកស្លាប់។ នេះជាព្រឹត្តិការណ៍ចុងក្រោយបង្អស់ក្នុងព្រឹត្តិការណ៍ជាបន្តបន្ទាប់ដែលផ្តល់កិត្តិយសដល់ទាហានកូរ៉េខាងជើងដែលបានដាក់ពង្រាយដើម្បីគាំទ្ររុស្ស៊ី។ មួយថ្ងៃមុននេះ លោក គីម ក៏បានជួបជាមួយកងទ័ពដែលឈរជើងនៅក្រៅប្រទេស និងផ្តល់កិត្តិយសដល់ទាហានកូរ៉េខាងជើងដែលបានស្លាប់នៅក្នុងប្រទេសអ៊ុយក្រែន។

ចារកម្មកូរ៉េខាងត្បូងប៉ាន់ប្រមាណថា ទាហានកូរ៉េខាងជើងប្រហែល ១៥,០០០ នាក់ត្រូវបានដាក់ពង្រាយទៅកាន់ប្រទេសរុស្ស៊ី ហើយយ៉ាងហោចណាស់ ៦០០នាក់ត្រូវបានសម្លាប់នៅក្នុងការប្រយុទ្ធ។ ការទទួលស្គាល់កងកម្លាំងទាំងនេះគូសបញ្ជាក់ពីទំនាក់ទំនងកាន់តែស៊ីជម្រៅរបស់ក្រុងព្យុងយ៉ាងជាមួយនឹងក្រុងមូស្គូចំពេលមានជម្លោះកំពុងបន្ត៕