សុខភាព
អ្នកទើបចាក់វ៉ាក់សាំង កុំភ្លេចធ្វើរឿងមួយនេះ ដើម្បីជំរុញប្រសិទ្ធភាពថ្នាំឱ្យកាន់តែខ្លាំង
គេងលក់ស្កប់ស្កល់និងបានគ្រប់គ្រាន់មានសារៈសំខាន់សម្រាប់ប្រព័ន្ធភាពស៊ាំ ក្រោយចាក់វ៉ាក់សាំងកូវីដរួចថ្មីៗ។ ក្នុងនោះការស្រាវជ្រាវអំពីដំណេកនិងវ៉ាក់សាំងកូវីដ-១៩ បានរកឃើញថា គេងមិនគ្រប់គ្រាន់អាចប៉ះពាល់ដល់ការបណ្ដុះអង់ទីគ័រ ព្រមទាំងកាត់បន្ថយប្រសិទ្ធភាពរបស់ថ្នាំបង្ការ។
វេជ្ជបណ្ឌិត Michael Thorpy សាស្រ្តាចារ្យផ្នែកសរសៃប្រសាទមកពីមហាវិទ្យាល័យវេជ្ជសាស្ត្រ Albert Einstein នៅញូយ៉ក បានឱ្យដឹងថា គេងមិនឆ្អែតបង្កផលប៉ះពាល់ដល់កត្តាភាពស៊ាំផ្សេងៗគ្នានៃរាងកាយ។ ផ្ទុយទៅវិញ បើសិនគេងបានគ្រប់គ្រាន់នឹងធ្វើឱ្យហានិភ័យនៃការឆ្លងមេរោគមានការថយចុះ ហើយការឆ្លើយតបរបស់វ៉ាក់សាំងទៅនឹងសរីរាង្គកាន់តែមានផលវិជ្ជមាន។
តាមការស្រាវបានឱ្យដឹងថា ទទួលទានដំណេកស្កប់ស្កល់អាចជួយសុខភាពរាងកាយដោយបណ្ដាលឱ្យខួរក្បាលបំពេញមុខងារបានល្អ ឱកាសនៃការកើតជំងឺផ្លូវចិត្តទាប ជួយឱ្យប្រព័ន្ធភាពសុំាកាន់តែរឹងមាំ និងការពារជំងឺផ្សេងៗជាច្រើនទៀត។
ដោយឡែក កង្វះការគេងគ្រប់គ្រាន់មិនត្រឹមតែជះឥទ្ធិពលដល់ភាពស៊ាំចុះខ្សោយប៉ុណ្ណោះទេ ប៉ុន្តែប្រសិទ្ធភាពនៃថ្នាំបង្ការកូវីដក៏នឹងថយចុះ ហើយវានឹងនាំងាយឆ្លងវីរុស ក៏ដូចជាធ្វើឱ្យកោសិកាឈាមសចុះទាបទៀតផង។
បើយោងតាមសម្ដីវេជ្ជបណ្ឌិត Michael Thorpy បាននិយាយថា ក្រោយទទួលវ៉ាក់សាំងបង្ការកូវីដ-១៩ មិនថាដូសទី១ឬទី២នោះទេ ត្រូវតែគេងយ៉ាងហោច ៧ទៅ៨ ម៉ោងឱ្យខានតែបាន។ នេះក៏ដោយសារ ការអត់ងងុយ ឬខំធ្វើការខ្លាំងរហូតយប់ជ្រៅពេក បន្ទាប់ពីចាក់វ៉ាក់សាំងរួច នឹងផ្ដល់ផលអវិជ្ជមានដល់ការបង្កើតអង់ទីគ័រការពារជំងឺ៕
ប្រែសម្រួល៖ សន្យា
ប្រភព៖ wellandgood
ចុចអាន៖ ក្រោយចាក់វ៉ាក់សាំង Johnson & Johnson រួច យុវវ័យ និងមនុស្សចាស់ ត្រូវប្ដូរទម្លាប់ហូបចុកភ្លាមៗ
ចុចអាន៖ គេងមិនគ្រប់គ្រាន់ធ្វើឲ្យមានបញ្ហាទាំងនេះដល់ខួរក្បាល
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១៩ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)