អាការ ៥យ៉ាងកើតឡើងទូទៅបំផុត ចំពោះអ្នកចាក់ Sinovac ២ដូស រួចចាក់ AstraZeneca ជាដូសជំរុញ
Connect with us
Helistar Cambodia - Helicopter Charter Services

សុខភាព

អាការ ៥យ៉ាងកើតឡើងទូទៅបំផុត ចំពោះអ្នកចាក់ Sinovac ២ដូស រួចចាក់ AstraZeneca ជាដូសជំរុញ

បានផុស

នៅ

ស្របពេលដែលប្រទេសកម្ពុជា និងអ្នកជិតខាង បានចាប់ផ្តើមយុទ្ធនាការចាក់វ៉ាក់សាំងដូសជំរុញហើយនោះ មានមនុស្សជាច្រើនបានទៅទទួលវ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីការចាក់ Sinovac គ្រប់២ដូស ហើយចាក់ AstraZeneca ជាដូសជំរុញ, នៅប្រទេសថៃ មានអ្នកខ្លះចាក់វ៉ាក់សាំង Sinovac ជាដូសទី១ រួចចាក់ AstraZeneca ជាដូសទី២ ហើយមានអ្នកខ្លះទៀតក៏ចាក់ Sinovac លាយ Pfizer ផងដែរ។

យោងតាមក្រសួងសុខាភិបាលថៃបានឲ្យដឹងថា គ្រុនក្តៅ ឈឺក្បាល វិលមុខនិងចង្អោរ គឺជាផលរំខានទូទៅបំផុតក្រោយចាក់ Sinovac ជាដូសទី១ និងចាក់ AstraZeneca ជាដូសទី២។ 

វិធីសាស្រ្តនៃការចាក់ Sinovac ជាដូសទី ១ រួចចាក់ AstraZeneca ជាដូសទី ២ ដែលមានគម្លាត ៣ទៅ៤ សប្តាហ៍ ឥឡូវនេះគឺជាការអនុវត្តដ៏សំខាន់របស់ប្រទេសថៃ ដែលជួយកាត់បន្ថយគម្លាតនៃការចាក់វ៉ាក់សាំង AstraZeneca ចំនួន២ដូស។

គិតត្រឹមថ្ងៃទី ៨ ខែកញ្ញា វ៉ាក់សាំង Sinovac របស់ចិន មានអ្នកចាក់ច្រើនបំផុតនៅប្រទេសថៃ គឺ ១៥,៧៨លានដូស បន្ទាប់មក AstraZeneca ១៦,១៥លានដូស, Sinopharm ៤.៦លានដូស​ និង Pfizer-BioNTech ៩១៧,៥៤០ ដូស។

ចំពោះអ្នកដែលចាក់ Sinovac ផលរំខានទូទៅបំផុតគឺវិលមុខ (២០,៨២ភាគរយ) ចង្អោរ (១៤,១៤ភាគរយ) ឈឺក្បាល (១៣,៨៥ភាគរយ) ក្អួត (១២,៨៦ភាគរយ) អស់កម្លាំង (៩,០៨ភាគរយ) ឈឺសាច់ដុំ (៦,៦៤ភាគរយ) ឡើងកន្ទួល (៦,១៤ភាគរយ) រាគ (៥,៥៦ភាគរយ) គ្រុនក្តៅ (៤,៦០ភាគរយ) និងមានអារម្មណ៍ក្តៅខ្លួនបន្តិច (៤,០២ភាគរយ) ។

ចំពោះអ្នកដែលចាក់ AstraZeneca ផលរំខានទូទៅបំផុតគឺគ្រុនក្តៅ (២៦,៥២ភាគរយ) ឈឺក្បាល (២៤,៩៨ភាគរយ) វិលមុខ (២០,៤៨ភាគរយ) ចង្អោរ (១៨,៩៥ភាគរយ) ក្អួត (១៨,២២ភាគរយ) អស់កម្លាំង (១៥,២២ភាគរយ) ឈឺសាច់ដុំ (១៤,០១ភាគរយ) រាក (៨,៩២ភាគរយ) មានអារម្មណ៍ក្តៅខ្លួនបន្តិច (៧,៣៥ភាគរយ) និងកន្ទួលរមាស់ (៤,២៤ភាគរយ) ។

ចំណែកអ្នកចាក់ Sinopharm ផលប៉ះពាល់ទូទៅបំផុតគឺវិលមុខ (១៨,៨៣ភាគរយ) ឈឺក្បាល (១៥,៥៨ភាគរយ) ក្អួត (១៤,២៩ភាគរយ) ចង្អោរ (១៣,៦៤ភាគរយ) គ្រុនក្តៅ (៨,៤៤ភាគរយ) អស់កម្លាំង (៧,៧៩ភាគរយ) ឈឺសាច់ដុំ (៧,៧៩ភាគរយ) កន្ទួល (៦,៤៩ភាគរយ) រមាស់ (៥,១៩ភាគរយ) និងរាក (៤,៥៥ភាគរយ)។

រីឯផលរំខានទូទៅបំផុតនៃការចាក់ Sinovac ២ដូសនិង AstraZeneca ជាដូសជំរុញ គឺឈឺក្បាល ក្តៅខ្លួន ចង្អោរ ឈឺសាច់ដុំនិងក្អួត៕

ប្រែសម្រួល៖ Vann Vann

ប្រភព៖ Thai PBS

ចុចអាន៖ វ៉ាក់សាំង Sinovac ដូសទី៣ បង្កើនកម្រិតអង់ទីគ័រ ខ្លាំងក្លា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services