កីឡា

Takaki Ose ជាកីឡាករកម្ពុជាទី ៣ ទៅលេងនៅ ក្រៅប្រទេសរដូវកាលថ្មី

បានផុស

១ year មុន

នៅ

ថ្ងៃសៅរ៍ ៥ កក្កដា ២០២៥

ដោយ

ខ្សែការពារជម្រើសជាតិកម្ពុជា Takaki Ose ត្រូវបានប្រកាសចូលរួមជាមួយក្លិបថៃ BG Pathum ជាផ្លូវការហើយ ដើម្បីត្រៀមរដូវកាលថ្មី បន្ទាប់ពីសម្រេចចិត្តចាកចេញពីក្លិបកម្ពុជា ភ្នំពេញក្រោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករដើមកំណើតជប៉ុន Takaki Ose បានលេងនៅទឹកដីកម្ពុជាជាមួយក្លិបដំបូងគឺ អង្គរថាយហ្គឺរ នៅឆ្នាំ ២០២០ ហើយឆ្នាំ ២០២១ រូបគេបានចូលរួមជាមួយក្លិបភ្នំពេញក្រោន ដែលបង្ហាញខ្លួនបាន ៧១ ប្រកួត និងរកបាន ២ គ្រាប់ ព្រមទាំងជួយឲ្យក្លិបឈ្នះពានរង្វាន់ជាច្រើន។ ជាពិសេស រូបគេទទួលបានសញ្ជាតិខ្មែរដែលលេងតំណាងឲ្យជម្រើសជាតិកម្ពុជាលើឆាកអន្តរជាតិ។

បន្ទាប់ពីរយៈពេល ៦ ឆ្នាំជោកជាំនៅទឹកដីកម្ពុជា Takaki Ose បានសម្រេចស្វែងរកការប្រកួតប្រជែងថ្មីដោយចូលរួមជាមួយក្លិបថៃ BG Pathum សម្រាប់រដូវកាល ២០២៥-២៦។ នេះជាការឈានឡើងមួយកម្រិតទៀត ដោយសារលីគថៃមានកម្រិតគុណភាព និងប្រកួតប្រជែងខ្ពស់ជាងលីគកម្ពុជា។

ដូច្នេះ ខ្សែការពារ Takaki Ose បានក្លាយជាកីឡាករកម្ពុជាទី២ សម្រាប់ការប្រកបអាជីពបាល់ទាត់នៅប្រទេសថៃនៅក្នុងរដូវកាលថ្មីខាងមុខនេះ បន្ទាប់ពីកីឡាករខ្មែរ-អាមេរិក Nick Taylor ដែលបានចាកចេញពីព្រះខ័នរាជស្វាយរៀង ចូលរួមជាមួយក្លិបថៃ PT Prachuap F.C.។

ជាមួយគ្នានេះ កីឡាករដើមកំណើតកូឡុំប៊ី Andres Neito បានចូលរួមជាមួយក្លិបឥណ្ឌូណេស៊ី Bhayangkara Presisi ក្នុងនាមជាកីឡាករសញ្ជាតិកម្ពុជា បន្ទាប់ពីចាកចេញពីក្លិប ភ្នំពេញក្រោន។