លោក យឿន យឿត អះអាងថា លោក សម រង្ស៉ី ទេជាអ្នកដែលរំលោភរដ្ឋធម្មនុញ្ញយ៉ាងពិតប្រាកដ

លោក យឿន យឿត អ្នកតាមដានស្ថានការណ៍នយោបាយ បានអះអាងថា លោក សម រង្ស៉ី ទេជាអ្នកដែលរំលោភរដ្ឋធម្មនុញ្ញយ៉ាងពិតប្រាកដ។ លោកបានលើកឡើងបែបនេះ ឆ្លើយតបទៅ ទណ្ឌិត សម រង្ស៉ី និងក្រុមឧន្ទាមក្រៅច្បាប់មួយចំនួន ដែលនៅតែលើកឡើងដដែលៗថា ការធ្វើវិសោធនកម្មរដ្ឋធមនុញ្ញមាត្រា៣៣ គឺជាការធ្វើរដ្ឋប្រហាររដ្ឋធម្មនុញ្ញ ហើយខុសច្បាប់ជាតិ និងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបញ្ជាក់ថា «អ្នកដែលរំលោកភធម្មនុញ្ញយ៉ាងធ្ងន់ធ្ងរ អ្នកដែលរំលោភកិច្ចព្រមព្រៀងសន្តិភាពទីក្រុងប៉ារីសយ៉ាងធ្ងន់ធ្ងរ ហើយប្រកាសក្តែងៗអួតថាខ្លួនឯងជាអ្នកដែលគោរពកិច្ចព្រមព្រៀងនោះ គ្មានអ្នកណាក្រៅពីលោក សម រង្ស៉ី នោះទេ»។

លោកថា លោក សម រង្ស៉ី បានធ្វើនយោបាយអត្តឃាតខ្លួនឯង តាមរយៈគំនុំសងសឹក ជាមួយសម្តេចក្រុមព្រះ នរោត្តម រណឫទ្ធិ ដោយលោកបានផ្តួចផ្តើមគំនិតដាក់ស្នើ សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ដើម្បីឱ្យធ្វើវិសោធនកម្មច្បាប់រដ្ឋធម្មនុញ្ញពី ពីរភាគបី (២/៣) មក ៥០%បូក១ ដែលនេះជាការបំផ្លាញនូវកិច្ចសន្តិភាពដែលបានចែងយ៉ាងច្បាស់ថា កម្ពុជាអនុវត្តប្រព័ន្ធនយោបាយ ២/៣ ហើយឱ្យមានចែងក្នុងរដ្ឋធម្មនុញ្ញ។

លោកថា ដោយនយោបាយគំនំសងសឹក ជាមួយសម្តេចក្រុមព្រះ ពេលនោះសម រង្ស៉ី ចាប់ផ្តើមលើកសំណើរនេះមកសម្តេចតេជោ ដើម្បីឱ្យធ្វើវិដោធនកម្មរដ្ឋធម្មនុញ្ញនាពេលនោះ។ ទាំងនេះបញ្ជាក់យ៉ាងច្បាស់ថា លោក​ សម រង្ស៉ី នេះហើយគឺជាបុគ្គល ដែលបំផ្លាញនូវកិច្ចព្រមព្រៀង បំផ្លាញនូវគោលការណ៍នៃការអនុវត្តប្រព័ន្ធប្រជាធិបតី ពីរភាគបី (២/៣) មក ៥០%បូក១។ នេះជាការបញ្ជាក់បន្ថែមរបស់ លោក យឿន យឿត៕