នេះរោគសញ្ញា វីរុសបំប្លែងខ្លួនក្លាយពូជឆ្លងលឿនជាង Delta​ ១០ដង

ថ្វីបើមិនទាន់ត្រូវបានចាត់ទុកជាក្តីព្រួយបារម្ភនៅសហរដ្ឋអាមេរិកនៅឡើយក៏ដោយ ប៉ុន្តែវីរុសកូវីដ-១៩បំប្លែងខ្លួនក្លាយពូជពី Delta ថ្មី បានដាស់តឿនថា ពិភពលោកត្រូវការ “ប្រព័ន្ធដ៏រឹងមាំ” ដើម្បីកំណត់ការគំរាមកំហែងដែលកំពុងកើតឡើងនិងជិតមកដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ យោងតាមរបាយការណ៍ថ្ងៃទី១៥ខែតុលា ពីទីភ្នាក់ងារសន្តិសុខសុខភាពចក្រភពអង់គ្លេសបានឲ្យដឹងថា វីរុសកូវីដបំប្លែងខ្លួនប្រភេទ Delta Plus (AY.4.2) នៅតែជា “ពូជពង្ស” របស់ Delta ដែលកំពុងវាយប្រហារចក្រភពអង់គ្លេស។

បច្ចុប្បន្នវាគ្របដណ្តប់ប្រហែល ៨០% នៃករណីឆ្លង នៅចក្រភពអង់គ្លេស ហើយវាមានសមត្ថភាពឆ្លងលឿនជាង Delta ដល់ទៅ១០ដងឯណោះ។

ថ្វីបើវីរុសបំប្លែងខ្លួនក្លាយពូជប្រភេទនេះមិនទាន់ចូលប្រទេសកម្ពុជាក៏ដោយ ប៉ុន្តែវាកំពុងស្ថិតក្នុងការព្រួយបារម្ភពីសំណាក់ក្រុមអ្នកវិទ្យាសាស្រ្តនៅទូទាំងពិភពលោក។

មិនខុសពី Delta ប៉ុន្មានឡើយ រោគសញ្ញារបស់វីរុសបំប្លែងខ្លួន​ Delta Plus ជាទូទៅមានដូចជាក្អកស្ងួត អស់កម្លាំង ឬគ្រុនក្តៅ ចំណែកករណីធ្ងន់ធ្ងរ អាចមានចេញរោគសញ្ញាដូចជា ដកដង្ហើមខ្លី ឬឈឺពោះជាដើម៕

ប្រែសម្រួល៖ Vann Vann

ប្រភព៖ MPNRC

ចុចអាន៖ វីរុសបំប្លែងខ្លួន Delta ទម្រង់ថ្មីឆ្លងលឿនមែន តែអ្នកវិទ្យាសាស្ត្រថា កុំបារម្ភ បើធ្វើរឿងនេះ