សុខភាព
អាហារ ៩ មុខ អាចធ្វើឲ្យហើមពោះ
នៅពេលហើមពោះ ធ្វើឲ្យក្រពះអ្នកមិនស្រួលខ្លួន ទោះបីជាមិនធ្ងន់ធ្ងរក៏ដោយ។ ប៉ុន្តែវាធ្វើឲ្យឈឺពោះ រហូតដល់គេងមិនលក់ទាល់តែរត់រកថ្នាំហូប។
ទោះយ៉ាងណា មានមូលហេតុជាច្រើននៃការហើមពោះ ដោយសារប្រព័ន្ធរំលាយអាហារក្នុងមនុស្សម្នាក់ៗ អាចមិនដំណើរការដូចគ្នា។ ឥរិយាបថក្នុងការញ៉ាំច្រើន និងតិច ពេលវេលាញ៉ាំ ឬសូម្បីតែអាហារដែលអាចធ្វើឲ្យហើមពោះ។
នេះមិនមែនមានន័យថា អាហារដែលយើងកំពុងនិយាយនោះ ធ្វើឲ្យហើមពោះ១០០ភាគរយនោះទេ ប៉ុន្តែអ្នកអាចកត់សម្គាល់ដោយខ្លួនឯង ថាតើអ្នកធ្លាប់ញ៉ាំអាហារទាំងនេះដែរទេ។
១ ផលិតផលទឹកដោះគោ មិនមែនគ្រប់គ្នាសុទ្ធតែមានប្រតិកម្មនឹងផលិតផលទឹកដោះគោនោះទេ។ ប៉ុន្តែមានមនុស្សមួយចំនួនដែលប្រព័ន្ធរំលាយអាហារមានប្រតិកម្មទៅនឹងជាតិ lactose និង casein នៅក្នុងទឹកដោះគោ ដូច្នេះប្រសិនបើ ៣-៤ ម៉ោងមុនពេលចាប់ផ្តើមនៃការហើមពោះ អាចបណ្ដាលមកពីការញ៉ាំអាហារមានជាតិទឹកដោះគោ។ សាកល្បងតមអាហារទាំងនេះរយៈពេល ២-៣ សប្តាហ៍ ហើយមើលថាតើអ្នកនៅតែហើមពោះឬអត់។
២ ជាតិម្ស៉ៅ Gluten គឺជាប្រូតេអ៊ីនដែលមាននៅក្នុងគ្រាប់ធញ្ញជាតិដូចជាស្រូវសាលី ,barley, ប៉ាស្តា នំដូណាត់ គ្រាប់ធញ្ញជាតិដែរឬទេ។
៣ សណ្តែកសៀង អាហាមានសារជាតិសណ្តែកសៀង អាចបង្កជាឧស្ម័នក្រពះ។ ជាលទ្ធផលវាអាចបណ្តាលឲ្យហើមពោះផងដែរ។ ដូច្នេះសង្កេតមើលខ្លួនឯង បើអ្នកបានញ៉ាំតៅហ៊ូ ឬទឹកសណ្តែក។
៤ អាហារមានជាតិសរសៃយើងតែងតែត្រូវបានបង្រៀនឲ្យអាហារសម្បូរជាតិសរសៃ ដើម្បីជួយសម្រួលដល់ប្រព័ន្ធបន្ទោរបង់ឲ្យមានប្រសិទ្ធភាព។ ប៉ុន្តែការទទួលទានជាតិសរសៃច្រើនពេក វាអាចបណ្តាលឲ្យហើមពោះផងដែរ។ ផ្លែឈើដូចជាផ្លែប៉ោម និងផ្លែប៉ែសមានផ្ទុកសារជាតិ pectin ដែលធ្វើឲ្យយើងមានអារម្មណ៍ឆ្អែតបានយូរ។ ដោយសារតែសារជាតិ pectin នឹងធ្វើឲ្យប្រព័ន្ធរំលាយអាហារថយចុះ។ ប៉ុន្តែប្រសិនបើប្រព័ន្ធរំលាយអាហារថយចុះ វានឹងធ្វើឲ្យយើងមានអារម្មណ៍ហើមពោះដូចគ្នា។ ប្រសិនបើអ្នកចង់ញ៉ាំអាហារដែលមានជាតិសរសៃខ្ពស់ ត្រូវប្រាកដថាផឹកទឹកឲ្យបានច្រើន ដើម្បីជួយដល់ដំណើរការរាងកាយ និងងាយស្រួលក្នុងការរំលាយជាតិសរសៃ។
៥ សណ្តែក គ្រាប់ក៏ជាអាហារដែលមានជាតិសរសៃខ្ពស់ ដូច្នេះក្រោយពេលញ៉ាំគ្រាប់ក៏គួរញ៉ាំទឹកឲ្យបានច្រើន ដើម្បីការពារការហើមពោះ។
៦ របបអាហារជាតិស្ករខ្ពស់ វាជាហេតុផលមួយទៀតដែលយើងគួរកាត់បន្ថយជាតិស្ករ។ ព្រោះស្ករអាចជាអាហារសម្រាប់បាក់តេរីនៅក្នុងក្រពះរបស់យើង ហើយនៅពេលដែលបាក់តេរីទាំងនោះបញ្ចេញឧស្ម័ន វានឹងធ្វើឲ្យយើងហើមពោះ។
៧ បន្លែ ស្ពៃក្តោប ខាត់ណាផា្កស្ព ប្រូខូលី និងពន្លកស៊ែល គឺជារុក្ខជាតិដែលផលិតឧស្ម័នច្រើននៅក្នុងក្រពះ។ ជាពិសេសប្រសិនបើអ្នកញ៉ាំបន្លែទាំងនេះឆៅ ហានិភ័យនៃការហើមពោះកាន់តែខ្ពស់ ដំណោះស្រាយដ៏សាមញ្ញគឺញ៉ាំបន្លែនេះឲ្យឆ្អិនហើយកុំញ៉ាំច្រើនពេក។
៨ របបអាហារមានជាតិខ្លាញ់ខ្ពស់ ដូចគ្នាដែ រចំពោះអាហារដែលមានជាតិសរសៃខ្ពស់។ អាហារដែលមានជាតិខ្លាញ់ច្រើន ដូចជាអាហារចៀន និងបំពង ធ្វើឲ្យប្រព័ន្ធរំលាយអាហារដំណើរការយឺត ហើយនៅពេលដែលអាហារនៅតែមាននៅក្នុងក្រពះយូរ វានឹងធ្វើឲ្យកាន់តែងាយស្រួលក្នុងការហើមពោះ។
៩ អាហារប្រៃ ទោះបីជាសូដ្យូមមិនបង្កើតឧស្ម័ននៅក្នុងក្រពះក៏ដោយ។ ប៉ុន្តែធ្វើឲ្យរាងកាយហើមដូចគ្នា។
ទោះជាយ៉ាងណាក៏ដោយ មិនមែនអាហារទាំងអស់នេះនឹងធ្វើឲ្យអ្នកហើមពោះទាំងអស់នោះទេ។ ដូច្នេះហើយ យើងត្រូវសង្កេតមើលរោគសញ្ញារបស់ខ្លួន បន្ទាប់ពីទទួលទានអាហារទាំងនោះ។ ប៉ុន្តែប្រសិនបើអ្នកមានអាការហើមពោះញឹកញាប់ខុសពីធម្មតា ត្រូវពិគ្រោះជាមួយវេជ្ជបណ្ឌិតដើម្បីរកវិធីត្រឹមត្រូវដើម្បីបន្តការព្យាបាល៕
ប្រែសម្រួល៖ សាង ស្រីល័ក្ខ
ចុចអាន៖សារាយទំពាំងបាយជូរ មិនត្រឹមតែឆ្ងាញ់ តែក៏ជួយទប់ស្កាត់កោសិកាមហារីក
ចុចអាន៖អាហារ ៥ ប្រភេទ ជាខ្លាញ់ល្អ ជួយកាត់បន្ថយកូលេស្តេរ៉ុលនៃជំងឺធ្ងន់ធ្ងរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង