មនុស្សខ្លះគេងត្រឹម៣ទៅ៤ម៉ោងក្នុងមួយថ្ងៃ ប៉ុន្ដែមានខួរក្បាលឆ្លាតជាមនុស្សគេងគ្រប់៨ម៉ោងទៅទៀត ហេតុអ្វី?

ជាការពិតណាស់ ការគេងឲ្យបានគ្រប់គ្រាន់ ពិតជាមានការជះឥទ្ធិពលយ៉ាងខ្លាំង ទៅដល់សុខភាព ពិសេស គឺខួរក្បាលតែម្ដង។ អ្នកជំនាញ ក៏ដូចជាវិជ្ជបណ្ឌិតបានណែនាំឲ្យមនុស្សគេងយ៉ាងហោចណាស់៨ម៉ោង ដើម្បីឲ្យមានថាមពល ខួរក្បាលចងចាំបានល្អ។

ចំពោះមនុស្សធម្មតា ការគេងគឺវាពិតជាសំខាន់ខ្លាំងណាស់​ ហើយដោយយោងតាមអ្នកស្រាវជ្រាវបានឲ្យដឹងថា ការគេងមិនគ្រប់គ្រាន់រយៈពេល៥ថ្ងៃជាប់គ្នានោះ IQ ឬសមត្ថភាពប្រាជ្ញារបស់អ្នក នឹងធ្លាក់ចំនួន១៥ពិន្ទុ ឯណោះ។

ដោយឡែក ក៏មានករណីខ្លះ លើកលែងផងដែរ យោងតាមការស្រាវជ្រាវ មនុស្សខ្លះ មិនត្រូវការគេងគ្រប់៨ម៉ោង ដើម្បីបង្កើនសមត្ថភាពខួរក្បាលនោះទេ គឺពួកគេចំណាយពេលតិចដើម្បីគេង ត្រឹមតែ៣​ទៅ៤ម៉ោង ក្នុងមួយថ្ងៃ ក៏ពួកគេនៅតែមានការចងចាំល្អដែរ។

ចំពោះមនុស្សបែបនេះ គេត្រូវបានចាត់ទុកថា ជាមនុស្សមាន IQ ខ្ពស់ ដោយពួកគេមិនចាំបាច់ប៉ូវសមត្ថភាពខួរក្បាលនោះទេ ពោលគឺគេមានប្រាជ្ញាពីធម្មជាតិ ដែលមានភាពឆ្លាតវៃ ការចង់ចាំល្អ និងពូកែដោះស្រាយបញ្ហារផងដែរ ដូចនេះ បើទោះបីជាពួកគេមិនគេងគ្រប់ចំនួន៨ម៉ោងក៏ខួរក្បាលរបស់ពួកគេមាន IQ ខ្ពស់៕