សុខភាព

ផ្លែស្រកានាគ លាក់អាថ៌កំបាំងសុខភាពច្រើនយ៉ាង

បានផុស

៣ years មុន

នៅ

ថ្ងៃអង្គារ ១៦ មីនា ២០២១

ដោយ

និយាយដល់ផ្លែស្រកានាគ គ្នាយើងពិតជាស្គាល់ច្បាស់ណាស់ ផ្លែនេះមិនត្រឹមតែមានតម្លៃសមរម្យទេ ថែមទាំងមានរសជាតិឆ្ងាញ់ផងដែរ។ ក្រៅពីរសជាតិ គ្នាយើងដឹងទេថាផ្លែស្រកានាគមានគុណប្រយោជន៍ចំពោះសុខភាពច្រើនយ៉ាង?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. សារធាតុចិញ្ចឹមខ្ពស់

ផ្លែស្រកានាគ ដ្បិតមានកាឡូរីតិច តែមានសារធាតុរ៉ែ វិតាមីនសំខាន់ៗជាច្រើន ព្រមទាំងមានជាតិសរសៃទៀតផង។ ក្នុងផ្លែស្រកានាគមានប្រូតេអ៊ីន កាបូអ៊ីដ្រាត ជាតិសរសៃ ជាតិដែក ម៉ាញ៉េស្យូម វីតាមីន C និងវីតាមីនE។

២. ជួយស្បែក

Premium Photo | Beautiful young asian woman touching her body with fresh healthy skin, isolated on white

ផ្លែស្រកានាគមានផ្ទុកសារធាតុប្រឆាំងអុកស៊ីតកម្ម និងវីតាមីន ដែលមានផលល្អ ដល់សុខភាពស្បែក។ វីតាមីន C នៅក្នុងផ្លែឈើនេះជួយឲ្យស្បែកភ្លឺថ្លា ការពារស្បែកស្រអាប់ និងកាត់បន្ថយភាពចាស់ជាដើម។

៣. ជាតិសរសៃ

ផ្លែស្រកានាគមានជាតិសរសៃខ្ពស់ កាឡូរីទាប និគ្មានជាតិខ្លាញ់។ ដូចនេះហើយ ការដាក់ផ្លែស្រកានាគចូលក្នុងរបបអាហារ នឹងអាចជួយឲ្យប្រព័ន្ធរំលាយអាហាររបស់យើងដំណើរការបានយ៉ាងរលូន។

៤. សុខភាពពោះវៀន

ផ្លែស្រកាននាគក៏មានដែរ prebiotics ដែលសារធាតុនេះជួយជំរុញឲ្យមានការលូតលាស់របស់បាក់តេរីល្អៗនៅក្នុងក្រពះ ដែលជំនួយដល់ការរំលាយអាហារ។ Prebiotics គឺជាតិសរសៃម្យ៉ាងដែលបាក់តេរីល្អក្នុងពោះវៀនត្រូវការសម្រាប់លូតលាស់។ លើសពីនេះ ផ្លែស្រកានាគក៏មានទំនាក់ទំនងក្នុងការធ្វើឲ្យថយចុះនូវហានិភ័យកើតជំងឺមហារីកក្រពះដូចគ្នា។

៥. ពង្រឹងប្រព័ន្ធភាពស៊ាំ

ដោយសារតែផ្លែស្រកានាគមានផ្ទុកវីតាមីន C ទើបផ្លែឈើនេះអាចរួមចំណែកក្នុងការពង្រឹងប្រព័ន្ធភាពស៊ាំរបស់យើងបាន។ មួយវិញទៀត ផ្លែស្រកានាគក៏មានសារធាតុប្រឆាំងការរលាក ដែលជួយទៅដល់ប្រព័ន្ធភាពស៊ាំការពាររាងកាយពីពពួកបាក់តេរី និងមេរោគ។

៦. ជាតិដែក

ផ្លែស្រកានាគ ក៏ជួយបង្កើកម្រិតជាតិដែកនៅក្នុងរាងកាយ។ ជាតិដែកមានសារសំខាន់ក្នុងការជួយដឹងជញ្ជូនអុកស៊ីសែនក្នុងរាងកាយ។ ដូចនេះ បើយើងចង់បង្ការបញ្ហាប្រឈមនឹងខ្វះជាតិដែក កុំភ្លេចបន្ថែមផ្លែស្រកានាគទៅក្នុងរបបអាហារ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ភ័ស្តុតាងបញ្ជាក់ថា ហូបចេកជារៀងរាល់ថ្ងៃ លែងខ្វល់អ្វីពីរឿងទៅពេទ្យ

ចុចអាន៖ ផ្លែពោត លាក់អាថ៌កំបាំង ៤ យ៉ាងចំពោះសុខភាព ដែលយើងមិនធ្លាប់ដឹង