អ្នកជំងឺធ្លាប់តេស្តវិជ្ជមានកូវីដ-១៩ មានអង់ទីគ័រការពារការឆ្លងជាថ្មីបានជាង១០ដង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកជំងឺធ្លាប់តេស្តវិជ្ជមានកូវីដ-១៩ មានអង់ទីគ័រការពារការឆ្លងជាថ្មីបានជាង១០ដង

Published

on

ភ័ស្តុតាងថ្មីបង្ហាញថា អ្នកជំងឺសះស្បើយពីវីរុសកូវីដ-១៩ មានអង់ទីគ័រការពារការចម្លងមេរោគម្ដងទៀតយ៉ាងហោចពីរបីខែ ហើយក្នុងករណីខ្លះអាចបានយូរជាងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវបានរកឃើញថា អង់ទីគ័រដែលបង្កើតក្រោយឆ្លងកូវីដ-១៩ អាចការពារអ្នកធ្លាប់ធ្វើតេស្តវិជ្ជមានប្រឈមនឹងការឆ្លងទាបជាង ១០ ដងបើធៀបទៅនឹងអ្នកដែលធ្វើតេស្តអវិជ្ជមាននៃវីរុសនេះ។

ក្រុមអ្នកស្រាវជ្រាវមកពីវិទ្យាស្ថានជំងឺមហារីកជាតិ (NCI) នៃវិទ្យាស្ថានសុខភាពជាតិបានរកឃើញថា អង់ទីគ័រឈ្មោះ IgG ជាប្រូតេអ៊ីនដែលរាងកាយផលិតនៅដំណាក់កាលចុងក្រោយនៃការឆ្លងរោគ អាចជាប់នៅក្នុងខ្លួនរហូតដល់ច្រើនខែ ហើយអាចច្រើនឆ្នាំបន្ទាប់ពីមនុស្សម្នាក់នោះជាសះស្បើយពីជំងឺ។

អ្នកស្រាវជ្រាវនិយាយថា IgG ជាអង់ទីគ័រដែលត្រូវបានបង្កើតឡើងដោយរាងកាយ កំលុងពីរបីថ្ងៃ បន្ទាប់ពីវីរុសឆ្លងដំបូង។ ប្រសិនអ្នកជំងឺណាតេស្តវិជ្ជមានវីរុសកូវីដ-១៩ ប្រាកដណាស់គេមានអង់ទីគ័រប្រភេទនេះ ហើយខ្លួនប្រាណពួកគេនឹងប្រឈមហានិភ័យទាបចំពោះការឆ្លងនាពេលអនាគត។

បើផ្អែកតាមការចេញផ្សាយនៅក្នុងគេហទំព័រ JAMA Internal Medicine របស់ក្រុមស្រាវជ្រាវខាងលើ ពួកគេបានពិនិត្យលើទិន្នន័យមនុស្សពេញវ័យជាង ៣.២ លាននាក់នៅសហរដ្ឋអាមេរិក ក្នុងកំលុងខែមករា ឆ្នាំ២០២០ ។ ជាលទ្ធផលគេរកឃើញថា ​ក្នុងចំណោមអ្នកជំងឺធ្លាប់ផ្ទុកកូវីដ-១៩ មាន ១១.៦% ឬស្មើ ៣៧៨,០០០ នាក់តេស្តវិជ្ជមានម្ដងទៀត និង ៨៨.៤% ឬស្មើ ២.៨ លាននាក់តេស្តអវិជ្ជមាន។ នេះមានន័យថា អត្រានៃការឆ្លងថ្មីចំពោះអ្នកជំងឺកូវីដ ធ្លាក់ទាបគួរកត់សម្គាល់។

ដោយឡែក លោកវេជ្ជបណ្ឌិត Douglas Lowy នាយករងនៃវិទ្យាស្ថានជំងឺមហារីកជាតិមានប្រសាសន៍ស្របគ្នាថា អង់ទីគ័រដែលកើតពីអ្នកជំងឺតេស្តវិជ្ជមានបន្ទាប់ពីឆ្លងដំបូង នឹងអាចប្រឆាំងជាមួយការចម្លងថ្មី។

ទោះយ៉ាងណា ការសិក្សាមិនទាន់រកឃើញថា កម្រិតអង់ទីគ័រខ្ពស់ឬទាបអាច​មានឥទ្ធិពលការពារយូរប៉ុនណានៅឡើយ។ មួយវិញទៀត គេក៏មិនទាន់ដឹងថា តើប្រសិទ្ធិភាពរបស់វា អាចខុសគ្នាទៅតាមប្រភេទនៃអ្នកជំងឺឬអត់នោះដែរ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២​ម៉ោង

ចុចអាន៖ ចិន បញ្ចេញទិន្នន័យប្រសិទ្ធភាពវ៉ាក់សាំងកូវីដធំៗពីររបស់ខ្លួន ជម្រះមន្ទិលសង្ស័យ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ15 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ57 mins ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ2 hours ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services