អ្នកមានជំងឺប៉ុន្មាននេះ ហាមចាក់វ៉ាក់សាំងដាច់ខាត

ក្រោយវ៉ាក់សាំងត្រូវបានផលិតនិងកំពុងចែកចាយនៅក្នុងប្រទេសជាច្រើន ពិភពលោកកាន់តែមានក្ដីសង្ឃឹមនៅក្នុងការទប់ស្កាត់ការរីករាលដាលនៃវីរុសកូវីដ-១៩។

យ៉ាងណាមិញ អ្វីដែលគួរដឹងគឺថា វ៉ាក់សាំងរបស់ក្រុមហ៊ុនធំៗជាច្រើន មិនមានប្រសិទ្ធិភាពដូចគ្នានោះទេ​ ហើយក្រុមនុស្សដែលអាចទទួលវ៉ាក់សាំងរបស់ពួកគេក៏មិនដូចគ្នាដែរ។ វ៉ាក់សាំងខ្លះអាចចាក់បានទាំងក្មេងនិងចាស់ តែវ៉ាក់សាំងខ្លះអាចចាក់បានតែមនុស្សវ័យក្រោយ ៦០ ឆ្នាំប៉ុណ្ណោះ និងវ៉ាក់សាំងខ្លះទៀតត្រូវបានហាមប្រាមចំពោះស្ត្រីមានផ្ទៃពោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាណាក្ដី វ៉ាក់សាំងទាំងអស់មានចំណុចរួមមួយ ​ដោយពួកគេមិនទាន់អះអាងបានថា វ៉ាក់សាំងរបស់ខ្លួនអាចចាក់ជូនសម្រាប់មនុស្សដែលមានលក្ខខណ្ឌសុខភាពមិនល្អ ឬជំងឺរ៉ាំរ៉ៃនៅឡើយ។

មជ្ឈមណ្ឌលត្រួតពិនិត្យនិងបង្ការជំងឺ (CDC) បានណែនាំថា មនុស្សមានជំងឺរ៉ាំរ៉ៃ មិនគួរចាក់វ៉ាក់សាំង COVID-19 នោះទេ ព្រោះឥទ្ធិពលរបស់ថ្នាំអាចបង្កផលប៉ះពាល់ដល់រាងកាយអ្នកជំងឺ ហើយបើទោះបីអាចចាក់ក៏ដោយ ក៏មិនសូវមានប្រសិទ្ធិភាពអ្វីដែរ។

តើអ្នកមានជំងឺរ៉ាំរ៉ៃប្រភេទណាខ្លះ ដែលមិនគួរទទួលចាក់ថ្នាំបង្ការកូវីដ-១៩?

អ្នកដែលមានជំងឺរ៉ាំរ៉ៃដែលជាប់បំរាមមិនគួរចាក់វ៉ាក់សាំងរួមមាន មនុស្សអាឡ័កស៊ី ជំងឺហឺត ជំងឺរលាកសន្លាក់ ជំងឺវង្វេងស្មារតី មហារីក ទឹកនោមផ្អែម ជំងឺបេះដូង ជំងឺអេដស៍ ខ្សោយតម្រងនោម អ្នកធ្លាប់លាងឈាម ជំងឺធាត់ និងធ្លាប់វះកាត់ប្តូរសរីរាង្គ។

ក្រៅពីអ្នកជំងឺប៉ុន្មានខាងលើវេជ្ជបណ្ឌិត David Basel អនុប្រធាននៃក្រុមគ្រូពេទ្យជំនាញខាងសុខភាពនៅ CDC មានប្រសាសន៍ថា “មនុស្សដែលមានប្រព័ន្ធភាពស៊ាំខ្សោយក៏មិនអាចចាក់វ៉ាក់សាំងបានដែរ ព្រោះភាពស៊ាំនឹងថ្នាំមិនអាចឆ្លើយតបទៅនឹងវ៉ាក់សាំងខ្លាំងដូចអ្នកដែលមានប្រព័ន្ធភាពស៊ាំធម្មតានោះទេ”។

សម្រាប់ព័ត៌មានលម្អិតអំពីការចាក់វ៉ាក់សាំង សូមធ្វើការទំនាក់ទំនងជាមួយគ្រូពេទ្យតាមមណ្ឌលសុខភាពដែលក្រសួងបានជូនដំណឹង ឬទំនាក់ទំនងលេខទូរសព្ទដើម្បីពិគ្រោះយោបល់ ចៀសវាងការភ័ន្ត​ច្រឡំនានា៕

ប្រែសម្រួល៖ សន្យា

ប្រភព៖ Avera

ចុចអាន៖ អ្នក​ជំនាញ​ថា ​ម៉ាស​និង​គម្លាត​សង្គម​នៅ​តែ​ចាំ​បាច់ ទោះ​មាន​វ៉ាក់សាំង និង​សង្គម​ជាតិ​វិល​រក​ដូចដើម​ក៏​ដោយ

ចុចអាន៖ អាការៈក្រោយចាក់វ៉ាក់សាំង និងសញ្ញាបញ្ជាក់ថា មានបញ្ហា